women sex hormones: మహిళల సెక్స్ హార్మోన్లు.. పురుషులను కరోనా నుంచి రక్షిస్తాయా? – can women sex hormones help men to survive from coronavirus?

APNEWS CO
Read Time3 Minute, 31 Second


నోవెల్ కరోనా వైరస్ బారిన పడి ప్రపంచ వ్యాప్తంగా 2 లక్షల మందికిపైగా ప్రాణాలు కోల్పోయారు. అమెరికా, యూరప్ దేశాలు ఈ మహమ్మారి దెబ్బకు విలవిల్లాడుతున్నాయి. ఈ వైరస్ పుట్టిన చైనా, ప్రభావం ఎక్కువగా ఉన్న ఇటలీ లేదా అమెరికాల్లో.. పురుషులతో పోలిస్తే మహిళలపై కరోనా ప్రభావం తక్కువగా ఉంది. ఇది డాక్టర్లు, శాస్త్రవేత్తలను ఆశ్చర్యానికి గురి చేసింది. మహిళల్లో విడుదలయ్యే హార్మోన్లే దీనికి కారణమా? అనే దిశగా పరిశోధన ప్రారంభమైంది.

అమెరికాలోని పరిశోధకులు మహిళల సెక్స్ హార్మోన్ల ద్వారా పురుషులపై క్లినికల్ ట్రయల్స్ ప్రారంభించనున్నారు. గతవారం న్యూయార్క్‌లోని కొందరు కోవిడ్ పేషెంట్ల రోగ నిరోధక శక్తి పెంపొందించడం కోసం డాక్టర్లు ఈస్ట్రోజన్ హార్మోన్ ఇచ్చారు. మహిళల్లో ఎక్కువగా ఉత్పత్తి అయ్యే ప్రొజెస్టెరాన్ అనే హార్మోన్‌తో లాస్ ఏంజెల్స్‌లోని ఫిజిషియన్లు వచ్చే వారం పురుష పేషెంట్లకు చికిత్స ప్రారంభిస్తారు.

లాస్ ఏంజెల్స్‌లోని సెడార్స్-సినాయ్ మెడికల్ సెంటర్‌లోని ఐసీయూలో పల్మనాలజిస్ట్‌గా పని చేసే డాక్టర్ సారా ప్రొజెస్టెరాన్ హార్మోన్ ప్రభావాన్ని అధ్యయనం చేయనున్నారు. తమ హాస్పిటల్ ఐసీయూలో వెంటిలేటర్ మీద ఉన్న కరోనా పేషెంట్లలో 75 శాతం పురుషులేనని ఆమె తెలిపారు.

గర్భం దాల్చిన స్త్రీలలో రోగనిరోధక శక్తి తక్కువగా ఉంటుంది. కానీ వారిలో ఈస్ట్రోజన్, ప్రొజెస్టెరాన్ హార్మోన్ స్థాయిలు ఎక్కువగా ఉంటాయి. దీంతో వారిలో కరోనా లక్షణాలు స్వల్పంగా ఉంటున్నాయట. కాబట్టి మహిళల హార్మోన్ల ద్వారా పురుషులకు చికిత్స అందిస్తే ఫలితం ఉంటుందని పరిశోధకులు భావిస్తున్నారు.

కానీ కొందరు నిపుణులు మాత్రం ఇమ్యూనిటీని పెంచడంలో హార్మోన్లు విఫలం కావచ్చని హెచ్చరిస్తున్నారు. వయసు మీదపడిన మహిళలు సైతం ఎక్కువ సంఖ్యలోనే కోవిడ్ నుంచి కోలుకుంటున్న విషయాన్ని ప్రస్తావిస్తున్నారు. మెనోపాజ్ దశ తర్వాత మహిళల్లో హార్మోన్ల స్థాయిలు గణనీయంగా తగ్గుతాయనే సంగతి తెలిసిందే. పురుషుల్లో పొగతాగే అలవాటు ఎక్కువగా ఉండటం, చేతులను తక్కువగా కడుక్కోవడం వల్లే వారు ఎక్కువగా కరోనా బారిన పడుతున్నారని కొందరు నిపుణులు చెబుతున్నారు. స్త్రీ, పురుషుల రోగనిరోధక శక్తిలోనూ తేడాలుంటాయని చెబుతున్నారు.



Source link

0 0
Next Post

attack on sanitation worker: Fact Check: పారిశుధ్య కార్మికుడిపై దాడి.. ముస్లింలను రెచ్చగొడుతూ రివర్స్ ప్రచారం - fake alert: attack on sanitation workers in mp falsely passed off as bjp men beating muslim youth

క్లెయిమ్:బీజేపీ గూండాలు ముస్లిం యువకులను ఎలా కొడుతున్నారో చూడండి అంటూ సోషల్ మీడియాలో వైరల్ అయిన ఓ వీడియో తీవ్ర కలకలం రేపింది. లాక్‌డౌన్‌ సమయంలో మధ్యప్రదేశ్ ఈ ఘటన జరిగిందంటూ వీడియోను పోస్టు చేశారు. 20 సెకన్ల నిడివి గల ఈ వీడియోలో ఓ యువకుడిని కొంత మంది కర్రలతో విచక్షణా రహితకంగా కొడుతున్న దృశ్యాలు కలవరానికి గురిచేస్తున్నాయి. ఆ యువకుడు మంటలకు తాలలేక ఆర్తనాదాలు చేస్తున్నా.. ఆ […]