Uttar Pradesh: బుల్లెట్ గాయాలతో భార్య మృతి.. ఐఏఎస్‌ అధికారిపై హత్యకేసు నమోదు – uttar pradesh suda director umesh kumar singh booked for allegedly ‘murdering’ wife

admin
Read Time3 Minute, 36 Second


భార్య మృతికేసులో ఐఏఎస్ అధికారిపైనే పోలీసులు హత్యకేసు నమోదు చేసిన ఘటన ఉత్తర్‌ప్రదేశ్‌ రాజధాని లక్నోలో చోటుచేసుకుంది. స్టేట్ అర్బన్ డెవలప్‌మెంట్ ఏజెన్సీ(సుడా) డైరెక్టర్‌గా ఐఏఎస్ అధికారి ఉమేష్‌కుమార్ సింగ్ పనిచేస్తున్నారు. కుటుంబంతో కలిసి చిన్‌హాట్ ప్రాంతంలో నివసిస్తున్నారు. సెప్టెంబర్ 1న ఆయన భార్య అనితా సింగ్(42) బుల్లెట్ గాయాలతో మృతిచెందింది.


అనితా సింగ్‌ది అనుమానాస్పద మృతిగా కేసు నమోదు చేసుకున్న పోలీసులు దర్యాప్తు చేపట్టారు. అయితే తన సోదరిది అనుమానాస్పద మృతి కాదని ఆమె భర్త ఉమేష్‌కుమార్ సింగే హత్య చేశాడని మృతురాలి సోదరుడు రాజీవ్‌కుమార్ సింగ్ చిన్‌హాట్ పోలీసులకు ఫిర్యాదు చేశాడు. ఉమేష్‌కుమార్‌కు చాలామంది మహిళలతో వివాహేతర సంబంధాలున్నాయని, దీనిపై అనిత భర్తను ప్రశ్నిస్తే తీవ్రంగా హింసించేవాడని ఆయన ఫిర్యాదులో పేర్కొన్నాడు.

‘అనితకు బుల్లెట్ గాయాలయ్యాయని, ఇంట్లో పనివాళ్లు ఆమెను ఆస్పత్రికి తీసుకెళ్లినట్లు తమకు ఉమేశ్‌కుమార్ సింగ్ సమాచారం ఇచ్చాడు. మేం ఆస్పత్రికి వెళ్లే సమయానికి అనిత చనిపోయింది. భర్త తనను తరుచూ కొడుతున్నాడని, వివాహేతర సంబంధాల గురించి ప్రశ్నిస్తే చంపేస్తానని బెదిరిస్తున్నాడని అనిత మాకు చాలాసార్లు చెప్పింది. చివరకు భర్త చేతిలోనే ప్రాణాలు కోల్పోయింది’ అని రాజీవ్ ఆవేదన వ్యక్తం చేశాడు.

దీంతో చిన్‌హాట్ పోలీసులు ఉమేష్‌కుమార్ సింగ్‌పై ఐపీసీ 302(హత్య), 201(సాక్ష్యాధారాలు తారుమారు చేయడం) సెక్షన్ల కింద కేసులు నమోదు చేశారు. దీనిపై పూర్తిస్థాయిలో దర్యాప్తు చేపట్టిన తర్వాత తదుపరి చర్యలు తీసుకుంటామని పోలీసు ఉన్నతాధికారులు చెబుతున్నారు. అయితే తన భార్య లైసెన్స్డ్ తుపాకీతో కాల్చుకుందని, తమ మధ్య ఎలాంటి వివాదాలు లేవని ఉమేష్‌కుమార్ పోలీసులకు వాంగ్మూలం ఇచ్చారు.





Source link

0 0
Next Post

chandrayaan 2 journey: NASA 4 రోజుల్లో చంద్రుణ్ని చేరితే, ISRO 48 రోజుల్లో.. చంద్రయాన్-2 జీనియస్ జర్నీ! - why chandrayaan 2 takes 48 days to land on moon south pole

ఇస్రో జులై 22న చంద్రయాన్-2ను ప్రయోగించగా.. సెప్టెంబర్ 7న చందమామ మీద దిగుతోంది. 48 రోజుల సుదీర్ఘ ప్రయాణం తర్వాత చంద్రుడి దక్షిణ ధ్రువంపై మీద అడుగుపెడుతోంది. 1959లో సోవియట్ రష్యా పంపిన లూనా-2 క్రాఫ్ట్ 34 గంటల్లోనే చంద్రుడి మీద అడుగుపెట్టింది. 1969లో నాసా ప్రయోగించిన మానవసహిత వ్యౌమనౌక అపోలో-11 నాలుగు రోజుల 6 గంటల 5 నిమిషాల్లో చందమామపై అడుగుపెట్టింది. అప్పటితో పోలిస్తే ప్రస్తుతం టెక్నాలజీ ఎంతో […]