trump modi phone call: మోదీకి ట్రంప్ ఫోన్.. కీలక అంశాలపై చర్చ – pm modi, donald trump discuss g7 and india-china border tension

APNEWS CO
Read Time4 Minute, 3 Second


భారత ప్రధాని మోదీకి అమెరికా అధ్యక్షుడు డొనాల్డ్ ట్రంప్ ఫోన్ చేశారు. జీ7 సదస్సుకు మోదీని ట్రంప్ ఆహ్వానించారు. ఈ సందర్భంగా ఇరువురు నేతలు వివిధ అంశాలపై చర్చించుకున్నారు. కొవిడ్-19పై పోరాటం, జీ7పై అమెరికా ఆలోచనలు తదితర అంశాలపై ట్రంప్‌తో మాట్లాడినట్లు ప్రధాని మోదీ వెల్లడించారు. ఈ మేరకు మంగళవారం (జూన్ 2) ట్వీట్ చేశారు. భారత్-చైనా సరిహద్దులో ఘర్షణ, అమెరికాలో నిరసనల పైనా ఇరువురు దేశాధినేతలు సంభాషినట్లు తెలుస్తోంది.

అమెరికాలో జాతివివక్ష అల్లర్లపై ట్రంప్‌ను అడిగి ప్రధాని మోదీ వివరాలు తెలుసుకున్నట్లు సమాచారం. నిరసనలపై ఆందోళన వ్యక్తం చేసినట్లు తెలుస్తోంది. దీంతో పాటు భారత్, చైనా మధ్య ఉద్రిక్తతలు, ప్రపంచ ఆరోగ్య సంస్థ (డబ్ల్యూహచ్‌ఓ)లో సంస్కరణల పైనా ప్రధానంగా చర్చకు వచ్చినట్లు తెలుస్తోంది.

జీ7 దేశాల కూటమిని విస్తరించాల్సి ఉందని.. కాలం చెల్లిన కూటమికి కొత్త సొబగులు అద్దాల్సిన అవసరం ఉందని అమెరికా అధ్యక్షుడు డొనాల్డ్ ట్రంప్ భావిస్తున్నారు. దీన్ని జీ10, లేదా జీ11గా విస్తరించాలని అభిప్రాయపడ్డారు. కొత్త కూటమిలో భారత్‌ను కూడా చేర్చుకుంటే బాగుంటుందని ఆయన అన్నారు. ఈ నేపథ్యంలోనే అమెరికా ఆతిథ్యం ఇస్తున్న జీ7 దేశాల శిఖరాగ్ర సమావేశం 2020కి రావాలని ప్రధాని మోదీని ట్రంప్ ఆహ్వానించినట్లు తెలుస్తోంది.

జీ7 సమావేశాలు జూన్‌లో జరగాల్సి ఉండగా కరోనా కారణంగా వాయిదా పడ్డాయి. సెప్టెంబర్‌లో నిర్వహించడానికి నిర్ణయించారు.

ఏమిటి జీ7?
ఆర్థికంగా అభివృద్ధి చెందిన 7 పెద్ద దేశాల కూట‌మిని జీ-7గా వ్యవహరిస్తున్నారు. ఈ కూటమిలో అమెరికాతో పాటు కెనడా, ఫ్రాన్స్‌, జ‌ర్మనీ, ఇట‌లీ, జ‌పాన్‌, బ్రిట‌న్‌ స‌భ్య దేశాలుగా ఉన్నాయి. దీన్నే ‘గ్రూప్ ఆఫ్ సెవెన్’ అని కూడా అంటారు.

ఈ కూటమి తనని తాను ఒక ‘విలువలతో కూడిన సమాజం’గా పరిగణిస్తుంది. స్వాతంత్ర్యం, మానవ హక్కులు, ప్రజాస్వామ్యం, చట్ట పాలన, సుసంపన్నత, సుస్థిర అభివృద్ధి దీని ప్రధాన సూత్రాలు. ఏడాదిలో పలుమార్లు సమావేశమవుతూ సమాకాలీన అంశాలపై చర్చిస్తుంటాయి. ఈ కూటమిలోని దేశాలు.. ప్రపంచ జనాభాలో 10వ వంతు జనాభాను, ప్రపంచ జీడీపీలో 40 శాతాన్ని కల్గి ఉన్నాయి.

జీ7 కూటమిలో భారత్‌తో పాటు రష్యా, ద‌క్షిణ కొరియా, ఆస్ట్రేలియాను చేర్చుకోవాలని ట్రంప్ భావిస్తున్నారు. ఈ విషయంపై ఆయన ఇప్పటికే ఆయా దేశాలతో చర్చించారు. అయితే.. జీ7 కూటమి దేశాధినేతల నుంచి ఈ విషయమై భిన్నాభిప్రాయాలు వ్యక్తమవుతున్నాయి.

Also Read:అట్టుడుకుతున్న అమెరికా.. రహస్య బంకర్‌లోకి ట్రంప్

Must Read:దేశంలో 2 లక్షలు దాటిన కరోనా కేసులు.. 15 రోజుల్లోనే రెట్టింపు



Source link

0 0
Next Post

Karnataka Hospital Cured COVID-19 Patient Using Plasma Therapy, Says Medical Education Minister K Sudhakar

Plasma therapy was effectively used in the past during Ebola (Representational) Bengaluru: The Karnataka Institute of Medical Sciences at Hubballi has successfully treated a COVID-19 patient through plasma therapy, state medical education minister K Sudhakar said today. “Karnataka achieves yet another milestone in battle against #COVID19. KIMS Hubli has successfully […]