TN Seshan: ఎన్నికల సంస్కర్త, మాజీ సీఈసీ టీఎన్ శేషన్ కన్నుమూత – former chief election commissioner tn seshan passes away at 87

admin
Read Time45Seconds


కేంద్ర మాజీ ఎన్నికల కమిషనర్, ఎన్నికల సంస్కర్తగా సుప్రసిద్ధులైన టీఎన్ శేషన్ (87) ఇకలేరు. సుదీర్ఘ కాలంగా అనారోగ్యంతో బాధ పడుతున్న ఆయన ఆదివారం (నవంబర్ 10) రాత్రి చెన్నైలో కన్నుమూశారు. శేషన్ పూర్తి పేరు తిరునళ్లై నారాయణ అయ్యర్ శేషన్. కేంద్ర ఎన్నికల సంఘానికి 10వ ప్రధాన ఎన్నికల కమిషనర్‌గా ఆయన పనిచేశారు. 1990 డిసెంబర్ 12 నుంచి 1996 డిసెంబర్ 11 వరకు పదవిలో ఉన్నారు. తన పదవి కాలంలో భారత ఎన్నికల ప్రక్రియలో ఆయన కీలక సంస్కరణలకు శ్రీకారం చుట్టారు. సంచలన నిర్ణయాలతో రాజకీయ నేతలను గడగడలాడించారు.

దేశంలో మోడల్ కోడ్ ఆఫ్ కండక్ట్ (ఎన్నికల ప్రవర్తనా నియమావళి) అమలు చేయడం ద్వారా శేషన్ విశేష గుర్తింపు సాధించారు. ఎన్నికల కోడ్‌ను అమలు చేయడంలో ఆయనకు ఆయనే సాటి. ఈ విషయంలో ఆయన ఒక రకంగా రాజకీయ పార్టీలతో యుద్ధమే చేశారని చెప్పవచ్చు. కోడ్ ఉల్లంఘిస్తే ఎంతటి వారైనా సరే.. ఎలాంటి భయం, పక్షపాతం లేకుండా ఆయన కఠిన చర్యలు తీసుకున్న తీరు అనితరసాధ్యం.


రాజకీయ నేతల గుండెల్లో రైళ్లు పరుగెత్తించిన ధీశాలి

గవర్నర్‌ పదవిలో ఉండి ఎన్నికల ప్రచారంలో పాల్గొన్న కారణంగా మధ్యప్రదేశ్‌లోని ఓ నియోజకవర్గంలో ఏకంగా ఎన్నికలనే రద్దు చేసిన టీఎన్ శేషన్.. రాజకీయ పార్టీలకు తాను చెప్పదలచుకున్నదేమిటో స్పష్టం చేశారు. ఈ సంచలన నిర్ణయం కారణంగా సదరు గవర్నర్ తన పదవికి రాజీనామా చేయాల్సి వచ్చిందంటే.. ఎన్నికల ప్రవర్తనా నియమావళి విషయంలో శేషన్ ఎంత నిక్కచ్చిగా ఉండేవారో అర్థం చేసుకోవచ్చు.

Also Read:
ఆర్టీసీ సంఘాలతో చర్చలు ఉండవు.. సంచలనానికే సీఎం కేసీఆర్ మొగ్గు!

ఉత్తర ప్రదేశ్‌‌లో ఓ మంత్రి శేషన్‌ను గుర్తు చేసుకొని ఎన్నికల ప్రచార సమయం ముగియడంతో వేదిక దిగి కిందకి పరుగెత్తడం అప్పట్లో చర్చనీయాంశంగా మారింది.

టీఎన్ శేషన్

టీఎన్ శేషన్.. తమిళనాడు కేడర్‌కు చెందిన 1955 బ్యాచ్ ఐఏఎస్ ఆఫీసర్. 1989లో ఆయన కేంద్ర కేబినెట్ సెక్రటరీగా పని చేశారు. శేషన్ అందించిన సేవలకు గాను 1996లో భారత ప్రభుత్వం ఆయణ్ని రామన్ మెగసెసే అవార్డుతో సత్కరించింది. శేషన్ మృతితో భారత ఎన్నికల చరిత్రలో ఒక శకం ముగిసినట్లయింది.





Source link

0 0
Next Post

Testing all and treating all at their doorstep

Sneha (name changed) had shied away from taking a HIV/AIDS test due to the social stigma till a team of a civil society organisation visited the remote Komalapadu village, near Santamagaluru, and organised a Burrakatha by folk artistes prodding the villagers to know their health status. Diagnosed with HIV, she […]