thota trimurthulu quits tdp: పాత కేసు, దోస్తీగా మారిన పాత పగ.. ‘తోట’ వైఎస్ఆర్సీపీ వైపు చూడటానికి కారణాలివేనా? – why thota trimurthulu quits tdp and set to join ysrcp?

admin
Read Time44Seconds


తూర్పు గోదావరి జిల్లాలో టీడీపీకి మరో ఎదురు దెబ్బ తగిలింది. అందరూ ఊహించినట్టే ఆయన టీడీపీకి గుడ్ బై చెప్పి వైఎస్ఆర్సీపీలో చేరబోతున్నారు. గోదావరి జిల్లాల్లో బలమైన కాపు సామాజికవర్గానికి చెందిన తోట త్రిమూర్తులు చేరిక వైఎస్ఆర్సీపీకి ఉపకరించనుంది. ఆయన్ను పార్టీలోకి రానీయొద్దంటూ వైఎస్ఆర్సీపీలోని ఒక వర్గం ఆందోళనలకు దిగింది. కానీ ఆయన ఎంట్రీని మాత్రం ఎవరూ అడ్డుకోలేకపోయారని తెలుస్తోంది. తోట త్రిమూర్తులు టీడీపీని వీడి జగన్ పార్టీలో చేరడానికి రెండు ప్రధాన కారణాలు ఉన్నాయని తెలుస్తోంది.


తోట త్రిమూర్తులు టీడీపీని వీడతారని.. కాపు నేతలతో కలిసి ఆయన బీజేపీలోకి వెళ్తారని ప్రచారం జరిగింది. కానీ ఆయన మాత్రం మనసు మార్చుకొని వైఎస్ఆర్సీపీ వైపు మొగ్గు చూపారు. దీనికి కారణం విజయసాయి రెడ్డి మంత్రాంగం అని తెలుస్తోంది. తోట వైఎస్ఆర్సీపీలోకి చేరితో.. కాపులు బలంగా ఉన్న గోదావరి జిల్లాల్లో పార్టీ మరింత బలపడుతుందని విజయసాయి భావించారని అందుకే ఆయన ఎంట్రీకి గ్రీన్ సిగ్నల్ ఇచ్చారని టాక్.

మరో కారణం తోట త్రిమూర్తులు పోటీకి దిగే రామచంద్రాపురం నియోజకవర్గ సామాజిక సమీకరణలు. ఇక్కడ కాపులు, శెట్టి బలిజల మధ్యే రాజకీయ ఆధిపత్యం చేతులు మారుతోంది. ప్రస్తుత ఎమ్మెల్యే చెల్లుబోయిన వేణుగోపాలకృష్ణ శెట్టి బలిజ సామాజిక వర్గానికి చెందిన వ్యక్తి. కాపు, శెట్టిబలిజ సామాజికవర్గాలకు చెందిన ఇద్దరు బలమైన నేతలు ఇక్కడుంటే.. వైఎస్ఆర్సీపీకి ఇక తిరుగుండదని భావిస్తున్నారు.

ప్రచారంలో ఉన్న మరో వార్త ఏంటంటే.. ఇది వరకు రామచంద్రాపురం నుంచి మంత్రి పిల్లి సుభాష్ చంద్రబోస్ పోటీ చేసేవారు. ఆయన గత ఎన్నికల్లో నియోజకవర్గాన్ని మార్చుకున్నారు. దీంతో ఆయన సామాజికవర్గానికి చెందిన చెల్లుబోయిన వేణుగోపాలకృష్ణ వైఎస్ఆర్సీపీ తరఫున ఎమ్మెల్యేగా గెలుపొందారు. కానీ ఆయన గెలిచినప్పటి నుంచి పిల్లి సుభాష్‌ చంద్రబోస్‌‌తో సఖ్యంగా ఉండటం లేదట. దీంతో పాత వైరాన్ని వదిలిపెట్టి మరీ తోట వైఎస్ఆర్సీపీలో చేరేందుకు పిల్లి పావులు కదిపారట.

ఇక ప్రధాన కారణం ఏంటంటే.. తోట మెడ మీద కత్తిలా వేలాడుతున్న ఓ పాత కేసు. దళితుల శిరోముండనం కేసులో ఆయన నిందితుడిగా ఉన్నారు. ఆ కేసు ఇప్పుడు తుది దశకు చేరుకుంటోందని.. ఆ కేసు నుంచి ‘రక్షణ’ కోసమే తోట అధికార పార్టీలోకి వెళ్తున్నారని ప్రచారం జరుగుతోంది. అందుకే ఆయనకు మంత్రి పదవి దక్కనప్పటికీ టీడీపీలో కొనసాగారని చెబుతున్నారు.





Source link

0 0
Next Post

Golf Ball Lands Inside BS Yeddiyurappa's Home, Security Officers In Tizzy

This is not the first incident of a golf ball entering “Krishna” and causing security worries. Bengaluru:  A golf ball that landed inside Chief Minister BS Yediyurappa’s home office “Krishna” from the golf course nearby on Friday, sent the security personnel into a tizzy. “It came in from there”, one […]