Sridevi death: శ్రీదేవిది హత్యే.. నీటితొట్టెలో ముంచి చంపేశారు: మాజీ డీజీ – sridevi’s death could be murder, kerala dgp claims quotes of dead friend

admin
Read Time53Seconds


శ్రీదేవి మరణం మరోసారి చర్చనీయాంశమైంది. ఏడాది కిందట మరణించిన నటి శ్రీదేవిది హత్యేనని కేరళకు చెందిన ఓ మాజీ పోలీసు అధికారి చెప్తున్నారు. సంచలన వ్యాఖ్యలు చేశారు.

Samayam Telugu | Updated:

తిలోక సుందరిగా ప్రేక్షకుల గుండెల్లో చెరగని స్థానం సంపాదించుకున్న నటి శ్రీదేవి మరణం మరోసారి చర్చనీయాంశమైంది. ఆ అలనాటి నటిది సహజ మరణం కాదని.. హత్యేనని అంటున్నారు. ఇందులో కొత్తేముంది.. ఇప్పటికే చాలా మంది ఆ అనుమానం వ్యక్తం చేశారుగా అనుకుంటే పొరపాటే. ఈసారి అనుమానం వ్యక్తం చేసింది పోలీసు శాఖలో ఉన్నత స్థాయి విధులు నిర్వహించిన వ్యక్తి కావడం గమనార్హం. అందులోనూ తనకు ఆ విషయం ఫోరెన్సిక్ నిపుణుడి ద్వారా తెలిసిందని చెప్పడంతో ఈ అంశం మరోసారి హాట్ టాపిక్‌గా మారింది.


దుబాయిలో జరిగిన ఓ వేడుకకు హాజరైన శ్రీదేవి.. 2018 ఫిబ్రవరి 24న రాత్రి హోటల్ గదిలో స్నానం చేసే నీటి తొట్టెలో విగతజీవిగా తేలి భారతీయులకు తీరని శోకం మిగిల్చారు. శ్రీదేవి మృతి కోట్లాది మంది సినీ ప్రేమికులను దిగ్భ్రాంతికి గురిచేసింది. ఆమె మృతిపై అప్పట్లో అనేక వార్తలు విన్పించాయి. తాజాగా కేరళ జైళ్ల శాఖ మాజీ డీజీ రిషిరాజ్‌ సింగ్‌ శ్రీదేవి మరణంపై ఆసక్తికర వ్యాఖ్యలు చేశారు.

శ్రీదేవి మరణంలో కుట్రకోణం దాగి ఉందని రిషిరాజ్ వ్యాఖ్యానించారు. ఆమె మరణానికి సంబంధించిన విషయాలను ఫొరెన్సిక్‌ నిపుణుడైన తన స్నేహితుడు ఉమాదత్తన్‌ తనతో పంచుకున్నారని తెలిపారు. ఓ దినపత్రికకు రాసిన వ్యాసంలో ఈ విషయాన్ని పేర్కొన్నారు.

‘ఒక మనిషి ఎంత మద్యం మత్తులో ఉన్నప్పటికీ అడుగు లోతు ఉండే నీటి తొట్టెలో పడి చనిపోవడం అసాధ్యం. శ్రీదేవిని ఎవరో కావాలనే హత్య చేశారు. ఆమె కాళ్లను గట్టిగా ఒత్తిపట్టి తలను నీటిలో ముంచి ఉంటారు.. అలా చేస్తే తప్ప ఆమె మరణించే అవకాశం లేదు’ అంటూ ఉమాదత్తన్‌ తనతో చెప్పినట్లు రిషిరాజ్‌ రాసుకొచ్చారు. అయితే.. ఆ ఉమాదత్తన్‌ ఇటీవలే మరణించడం గమనార్హం.

అవన్నీ కట్టుకథలే: బోనీ కపూర్

రిషిరాజ్‌ సింగ్‌ వ్యాఖ్యలను శ్రీదేవి భర్త, బాలీవుడ్ ప్రముఖ నిర్మాత బోనీ కపూర్ ఖండించారు. ‘ఇలాంటి మూర్ఖమైన వార్తల్ని ఎవరో ఒకరు పుట్టిస్తూనే ఉంటారు. అలాంటి వాటిపై స్పందించాల్సిన అవసరం నాకు లేదు’ అని ఆయన అన్నారు. అవన్నీ ఊహజనితమైన కట్టుకథలేనని కొట్టిపారేశారు.

 

Telugu News App ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title sridevis death could be murder kerala dgp claims quotes of dead friend

(Telugu News from Samayam Telugu , TIL Network)





Source link

0 0
Next Post

Jaganmohan Reddy, Chandrababu Naidu Face-Off During Andhra Pradesh Budget

Jaganmohan Reddy blamed the TDP government for Andhra Pradesh’s financial worries. Amaravati:  A dramatic and emotional outburst by Andhra Pradesh chief minister Jaganmohan Reddy in the state assembly risked overshadowing the presentation of the state budget by the finance minister on Friday, the second day of the budget session. Upset […]