sc on sexuual harassment : పనిచేసే ప్రదేశాల్లో మహిళలపై లైంగిక వేధింపులు.. సుప్రీం సంచలన తీర్పు – supreme court says sexual harassment at workplace is affront to fundamental rights of woman

admin
Read Time4 Minute, 20 Second


పనిచేసే ప్రదేశాల్లో మహిళలపై లైంగిక వేధింపులకు పాల్పడటం వారి ప్రాథమిక హక్కులను హరించడమేనని సర్వోన్నత న్యాయస్థానం స్పష్టం చేసింది. లైంగిక వేధింపులకు గురిచేయడం అంటే గౌరవంగా జీవించే హక్కు, సమానత్వపు హక్కులను నిరాకరించడమేనని వ్యాఖ్యానించింది. లైంగిక వేధింపులకు పాల్పడుతున్నారంటూ ఓ సీనియర్‌ అధికారిపై ఆరోపణలు చేసిన మహిళా ఉద్యోగిని బదిలీ చేస్తూ బ్యాంకు తీసుకున్న నిర్ణయాన్ని మధ్యప్రదేశ్‌ హైకోర్టు కొట్టివేయడాన్ని సుప్రీంకోర్టు సమర్థించింది. పని ప్రదేశాల్లో మహిళలపై లైంగిక వేధింపుల నివారణ, నిషేధం, సంస్కరణ చట్టం 2013 ప్రకారం.. వారి హక్కులను హరించడమేనని అభిప్రాయపడింది.


‘పని ప్రదేశంలో మహిళలను లైంగిక వేధింపులకు గురిచేయడమంటే రాజ్యాంగం కల్పిస్తున్న ప్రాథమిక హక్కులను నిరాకరించినట్లే. ఆర్టికల్ 14, 15 ప్రకారం సమానత్వపు హక్కులను దూరం చేసినట్లే. ఆర్టికల్ 21 ప్రకారం నచ్చిన ఉద్యోగం, వ్యాపారం, వృత్తి చేసుకుంటూ గౌరవంగా జీవించే హక్కు ఉంది.. వారిని వేధింపులకు గురిచేయడం ఆర్టికల్-21ను ఉల్లంఘించినట్లేనని’జస్టిస్‌ డి.వై.చంద్రచూడ్‌, జస్టిస్‌ అజయ్‌ రస్తోగిల ధర్మాసనం ఫిబ్రవరి 25న తీర్పు వెలువరించింది.

కేసు వివరాల్లోకి వెళ్తే ఇండోర్‌‌లోని పంజాబ్ అండ్ సింధ్ బ్యాంకులో పనిచేస్తున్న మహిళా ఉద్యోగిని.. తనను ఓ ఉన్నతాధికారి లైంగిక వేధింపులకు గురిచేస్తున్నారని ఆరోపించింది. ఆమె అవకతవకలు, అవినీతి ఆరోపణలకు పాల్పడినట్టు పేర్కొంటూ ఇండోర్ నుంచి జబల్‌పూర్‌కి బ్యాంకు అధికారులు బదిలీచేశారు. చీఫ్ మేనేజర్ స్థాయి ఆ మహిళా అధికారిణిపై పై అధికారి వేధింపులకు పాల్పడితే బదిలీ చేయడం ఏంటని ధర్మాసనం మండిపడింది. ఉద్యోగులకు పోస్టింగ్స్ ఎంపిక ఉండదని తెలిపిన ధర్మాసం.. ఉన్నతాధికారిపై ఫిర్యాదు చేసినందుకే ప్రతీకార చర్యలకు పాల్పడినట్టు తెలుస్తోందని వ్యాఖ్యానించింది.

తనకు జరిగిన అన్యాయంపై ఫిర్యాదు చేసినందుకే ఆమెను బదిలీ చేసి వేరొక బ్రాంచ్‌కు పంపారని, ఇది ఆమె గౌరవానికి భంగం కలిగించడమేని స్పష్టం చేసింది. ఇలాంటి చర్యలను న్యాయస్థానాలు అంగీకరించవని, బాధితురాలి బదిలీ పూర్తిగా అసంబద్ధమైందని పేర్కొంది. గతేడాది మార్చిలో మధ్యప్రదేశ్ హైకోర్టు సైతం ఇదే అభిప్రాయం వ్యక్తం చేస్తూ బదిలీ ఉత్తర్వులను రద్దుచేసింది. ఇండోర్‌లోనే తిరిగి పోస్టింగ్ ఇవ్వాలని, పరిహారం కింద రూ.50,000 చెల్లించాలని ఆదేశించింది.





Source link

0 0
Next Post

Will TDP boycott local elections?- The New Indian Express

Express News Service VIJAYAWADA: Is the TDP planning to boycott the local body polls citing the alleged high-handedness of the ruling YSRC leaders? Is the statement given by TDP supremo N Chandrababu Naidu on Wednesday an indication for the same? “Do you want me to contest the elections by filing […]