Sanjay Raut: ‘బీజేపీ పతనం మొదలైంది.. పది నిమిషాల్లో బలం నిరూపించుకుంటాం’ – shiva sena senior leader sanjay raut once again slams bjp and pm modi

admin
Read Time4 Minute, 50 Second


అసెంబ్లీ ఎన్నికల ఫలితాల తర్వాత బీజేపీపై ఒంటికాలిపై లేచే శివసేన సీనియర్ నేత సంజయ్ రౌత్ మరోసారి ఆ పార్టీపై విమర్శలు గుప్పించారు. శనివారం నాటి పరిణామాలపై బీజేపీ తీరును తూర్పారబట్టిన సామ్నా ఎడిటర్.. ఫడ్నవీస్ సీఎం అయిన విషయం మహారాష్ట్ర ప్రజలకు కూడా తెలియదని ఎద్దేవా చేశారు. బీజేపీ పూర్తిగా ఎమ్మెల్యేల కొనుగోలు రాజకీయాలు చేస్తోందని, శివసేన-కాంగ్రెస్‌-ఎన్సీపీ కూటమికి స్పష్టమైన మెజార్టీ ఉందన్నారు. 49మంది ఎన్సీపీ ఎమ్మెల్యేలు తమ కూటమితోనే ఉన్నారని.. తామే ప్రభుత్వాన్ని ఏర్పాటు చేస్తామని ధీమా వ్యక్తం చేశారు.


మహావికాస్ అఘాడీ కొనసాగుతుందని, మా కూటమికి 165 మంది ఎమ్మెల్యేల మద్దతు ఉందని అన్నారు. గవర్నర్ అవకాశం ఇస్తే పది నిమిషాల్లోనే బలం నిరూపించుకోగలమని సవాల్ విసినారు. ఎన్నికల ముందు కూడా ఎన్‌సీపీని చీల్చడానికి బీజేపీ ప్రయత్నాలు చేసిందని, ఆ పార్టీ నేతలను పెద్ద ఎత్తున చేర్చుకుందని సంజయ్ రౌత్ దుయ్యబట్టారు. అజిత్ పవార్‌ను తన చివరి అస్త్రంగా చేసుకున్న బీజేపీ.. ఆయన వెంట 25 మంది వరకు ఎమ్మెల్యేలు ఉంటారని భ్రమపడిందని అన్నారు. నా అంచనా ప్రకారం ఆ మాయ నుంచి బీజేపీ ప్రస్తుతం బయటకువచ్చి ఉంటుందని వ్యంగ్యాస్త్రాలు సంధించారు.

అజిత్ పవార్ వెంట వెల్లిన ఎమ్మెల్యేలంతా వెనక్కొచ్చారు, కేవలం ఐదుగురు మాత్రమే ఆయనతో ఉన్నారని వారు కూడా వెనుదిరిగితే డిప్యూటీ సీఎం పదవి ఎలా ఇస్తారని ఆయన నిలదీశారు. ప్రజాస్వామ్య చరిత్రలో నవంబర్‌ 23 శనివారం చీకటి రోజుగా మిగిలిపోతుందని ఆయన వ్యాఖ్యానించారు. ఈ స్థాయిలో రాష్ట్రపతి భవన్‌, రాజ్‌భవన్‌ గతంలో దుర్వినియోగానికి గురికాలేదంటూ తీవ్ర ఆరోపణలు చేశారు. నాడు ఇందిరా గాంధీ హయంలో ఎమర్జెన్సీ కంటే దారుణంగా ఉన్నాయని ధ్వజమెత్తారు.

పోలీసులు, సీబీఐ, ఈడీ, ఆదాయపు పన్ను శాఖలు బీజేపీ కార్యకర్తలుగా తయారయ్యారని, ప్రస్తుతం గవర్నర్‌ కూడా ఆ పార్టీ కార్యకర్తగా మారిపోయారని ధ్వజమెత్తారు. బీజేపీ అంతానికి ఇదే ప్రారంభమని రౌత్ తీవ్రంగా మండిపడ్డారు. కమలం పార్టీ దిగజారుడు రాజకీయాలకు పాల్పడిందని ఆగ్రహం వ్యక్తం చేశారు. రాజ్‌భవన్‌ను బ్లాక్ మార్కెటింగ్‌ మార్చేసిందని, ప్రమాణస్వీకారం ఎందుకు రహస్యంగా చేశారని నిలదీశారు. ఒకవేళ బీజేపీకి మెజార్టీ ఉంటే నవంబరు 30 వరకు ఎందుకు సమయం ఇచ్చారని అన్నారు.

మరోవైపు మహారాష్ట్రలో క్యాంపు రాజకీయాలు ఊపందుకున్నాయి. కాంగ్రెస్ తమ ఎమ్మెల్యేల్ని జేడబ్ల్యూ మారియట్‌ హోటల్‌కు తరలించింది. ఎన్సీపీ శనివారమే తమ ఎమ్మెల్యేల్లో కొంతమందిని ఢిల్లీకి చేర్చింది. మిగతావారిని పొవాయ్‌లోని రెనాయ్‌సెన్స్ హోటల్‌కు తరలించగా, శివసేన తన ఎమ్మెల్యేలను జుహూ సమీపంలోని లలిత్ హోటల్‌కు తరలించింది.





Source link

0 0
Next Post

Asia-Pacific cyber security market to touch $48 bn by 2025, says expert

An industry-oriented workshop on ‘Cyber security technologies and applications’ organised at the Indian Institute of Information Technology (IIIT Sri City) gave a fresh outlook on the emerging opportunities in the sector as well as future global applications. The event was organised in association with Data Security Council of India (DSCI), […]