Sanjay Raut: బీజేపీకి మరో బాంబు పేల్చిన శివసేన.. ఈసారి టార్గెట్ గోవా! – shiv sena mp sanjay raut says another ‘miracle’ in goa after maharashtra

admin
Read Time5 Minute, 30 Second


బీజేపీ పేరెత్తితే చాలు అంతెత్తున విరుచుకుపడే శివసేన నేత, ఎంపీ సంజయ్ రౌత్ మరోసారి తీవ్ర వ్యాఖ్యలు చేశారు. మహారాష్ట్ర మాదిరిగానే గోవాలోనూ త్వరలో అద్భుతం జరగబోతోందని రౌత్‌ వ్యాఖ్యానించారు. గోవాలోని బీజేపీ ప్రభుత్వాన్ని దింపడానికి ప్రయత్నిస్తున్నట్లు పరోక్షంగా సంకేతలిచ్చారు. ఇప్పటికే కనీసం నలుగురు ఎమ్మెల్యేలు సహా గోవా ఫార్వర్డ్‌ పార్టీ అధ్యక్షుడు విజయ్‌ సర్దేశాయ్‌తో సంప్రదింపులు జరుపుతున్నట్లు ఆయన వెల్లడించారు. కాంగ్రెస్‌ సహా వివిధ పార్టీలతో కలిసి ప్రత్యేక కూటమిని ఏర్పాటు చేసేందుకు ప్రయత్నిస్తున్నామని, త్వరలో గోవాలోనూ అద్భుతం జరగబోతోందని మేం ఆశిస్తున్నామని సంజయ్‌ వ్యాఖ్యానించారు.


గోవా బీజేపీలో రాజకీయ భూకంపం తథ్యమని జోస్యం చెప్పారు. గోవా తరవాత ఇతర రాష్ట్రాలపైనా దృష్టి సారిస్తామని.. దేశవ్యాప్తంగా బీజేపీయేతర కూటమిని ఏర్పాటు చేయాలకుంటున్నామని సంజయ్ రౌత్‌ చెప్పారు. మహారాష్ట్రలో శివసేన-కాంగ్రెస్-ఎన్‌సీపీ కూటమి ప్రభుత్వం ఏర్పాటుచేసిన మర్నాడే సంజయ్ ఈ వ్యాఖ్యలు చేయడం ప్రాధాన్యత సంతరించుకుంది. ఇదిలా ఉండగా, గోవా మాజీ డిప్యూటీ సీఎం, గోవా ఫార్వర్డ్ పార్టీ నేత విజయ్ సర్దేశాయ్ ఆసక్తికర వ్యాఖ్యలు చేశారు. మహారాష్ట్ర తరహాలో గోవాలోనూ కూటమి ప్రభుత్వాన్ని ఏర్పాటు చేయడానికి ప్రయత్నిస్తున్నామని తెలిపారు.

ఈ మేరకు గోవాలోని విపక్షపార్టీలు ఏకం కావాలని ఆయన పిలుపునిచ్చారు. ముంబైలో సంజయ్ రౌత్‌తో భేటీ అయిన ఆయన మీడియాతో మాట్లాడుతూ.. ప్రస్తుతం తమతో కొంతమంది ఎమ్మెల్యేలున్నారని తెలిపారు. బీజేపీ నేతృత్వంలోని ప్రభుత్వం ప్రజాసంక్షేమంలో పూర్తిగా విఫలమైందని దుయ్యబట్టారు. శివసేనతో కలిసి గోవాలో కూటమి ఏర్పాటు చేస్తున్నామని వెల్లడించారు. మనోహర్ పారికర్ గోవా సీఎంగా ఉన్నప్పుడు విజయ్ సర్దేశాయ్ డిప్యూటీ సీఎంగా ఉన్నారు. తర్వాత జరిగిన పరిణామాలతో ఆయనను ఉప-ముఖ్యమంత్రి పదవి నుంచి తప్పించారు.

మహారాష్ట్ర మాజీ ముఖ్యమంత్రి దేవేంద్ర ఫడ్నవీస్‌కు కోర్టు సమన్లు జారీ చేయడంపై సంజయ్‌ రౌత్‌ స్పందించారు. తనకు ఈ విషయంపై ఎలాంటి సమాచారం లేదని.. ఇప్పుడు తమ దృష్టంతా గోవాపైనే ఉందని పేర్కొన్నారు. ఇదిలా ఉండగా దేవేంద్ర ఫడ్నవీస్‌కు నాగ్‌పూర్‌లోని స్థానిక కోర్టు సమన్లు జారీచేయగా, పోలీసులు ఆయనకు అందజేశారు. ఎన్నికల అఫిడవిట్‌లో తనపై ఉన్న రెండు క్రిమినల్‌ కేసులను ఫడ్నవీస్ పేర్కొనలేదంటూ ఓ న్యాయవాది యూకే సతీశ్ పిటిషన్ దాఖలుచేశారు.

ఫడ్నవీస్‌పై క్రిమినల్‌ చర్యలు తీసుకోవాలంటూ దాఖలైన పిటిషన్‌ను స్థానిక మెజిస్ట్రేట్ కోర్టు నవంబర్‌ 1న పునరుద్ధరించింది. అయితే గతంలో సతీషశ్ వేసిన పిటిషన్‌ను కొట్టివేస్తూ దిగువ కోర్టు ఇచ్చిన తీర్పును ముంబై హైకోర్టు సమర్థించింది. దీంతో, అతడు సుప్రీంకోర్టును ఆశ్రయించగా.. ఈ పిటిషన్‌పై విచారణ చేపట్టాలని ఆదేశించింది. సుప్రీం ఆదేశాలతో మెజిస్ట్రేట్‌ కోర్టు నవంబర్‌ 4 న నోటీసులు జారీ చేసింది. 1996, 98లో ఫడ్నవీస్‌పై మోసం, ఫోర్జరీ కేసులు నమోదయ్యాయి. అయితే ఆయన ఈ విషయాలను ఎన్నికల ఆఫిడవిట్‌లో దాచిపెట్టారని లాయర్ ఆరోపించారు.





Source link

0 0
Next Post

She Called Her Sister, Not 100

The veterinarian was last seen on CCTV camera on a highway in Telangana Hyderabad: A day after the burnt body of a 26-year-old veterinarian was found near Hyderabad, a Telangana Minister today said that the incident could have been averted if she had called the police instead of her sister […]