roads in telangana: Fact Check: తెలంగాణలో అద్భుత స్మార్ట్ సిటీ.. ఇంటికో స్విమ్మింగ్ పూల్.. అసలేం జరిగింది? – roads in bihar being shared as roads in telangana and mention bangaru telangana

admin
Read Time47Seconds


విషయం

తెలంగాణ రాష్ట్ర సమితి (టీఆర్ఎస్‌) ప్రభుత్వాన్ని అపహాస్యం చేసేలా షేర్ చేసిన పోస్టులు సోషల్ మీడియాలో చక్కర్లు కొడుతున్నాయి. రోడ్లు చూడండి ఎంత బాగున్నాయి. ఇంకా చెప్పాలంటే స్మార్ట్ సిటీలో ఇంటింటికో స్విమ్మింగ్ పూల్ కట్టించారని బీజేపీ మద్దతుదారులు తెలంగాణ రాష్ట్ర ప్రభుత్వంపై వ్యంగ్యాస్త్రాలు సంధించారు. ఇందులో భాగంగానే తెలంగాణ ఆంధ్ర బీజేపీ అప్‌డేట్స్ ఫేస్‌బుక్ పేజీలో చేసిన ఓ పోస్ట్ హాట్ టాపిక్‌గా మారింది.

ప్రపంచంలో మొదటిసారి ఒక స్మార్ట్ సిటీ ఇంటికొక స్విమ్మింగ్ పూల్‌తో అని అపహాస్యం చేస్తూ బంగారుతెలంగాణ అని హ్యాష్ ట్యగ్‌తో ఆ పేజీలో కామెంట్ చేశారు. దీనిపై నెటిజన్లు స్పందిస్తున్నారు.

ఏ గ్రామమో పేరు చెబితే బాగుండేదని కొందరు కామెంట్ చేయగా, ఇది బీజేపీ పాలిత మహారాష్ట్ర ప్రాంతమని మరికొందరు నెటిజన్లు అభిప్రాయపడుతున్నారు.

Also Read:
భారత్, చైనా సైన్యం మధ్య మళ్లీ చిచ్చు మొదలైందా?

నిజం

ఆ ఫొటో తెలంగాణ ప్రాంతంలో తీసినది కాదు. బిహార్ రాష్ట్రంలోని భాగల్పూర్- పిర్ పైంటి – మిర్జా చౌకీ జాతీయ రహదారి దుస్థితి అది అని సమాచారం.

పరిశీలన

BHAGALPUR NH-80 Road అని టైప్ చేస్తే అసలు నిజం తెలుస్తుంది. లేకపోతే వైరల్ అయిన ఫొటోను గూగుల్‌లో రివర్స్ ఇమేజ్ సెర్చ్ చేస్తే
టైమ్స్ ఆఫ్ ఇండియా కథనంతో పాటు మరిన్ని మీడియా కథనాలు దర్శనమిస్తాయి.

పై స్క్రీన్ షాట్ పరిశీలిస్తే ప్రస్తుతం జరుగుతున్న ప్రచారంలో నిజం లేదని గ్రహించవచ్చు. బిహార్ ముఖ్యమంత్రి రాష్ట్రంలో రోడ్ల నిర్మాణంపై ఫోకస్ చేయాలంటూ 2017లో పోస్ట్ అయిన కథనం ఫొటోలను తాజాగా కొందరు దుర్వినియోగం చేస్తున్నారు.

నిర్ధారణ

సోషల్ మీడియాలో వైరల్ అవుతోన్న ఫొటో తెలంగాణలో తీసింది కాదని, బిహార్‌లోని భాగల్పూరు- పిర్ పైంటి జాతీయ రహదారికి సంబంధించిన ఫొటోలని స్పష్టమైంది. అయితే కొందరు నెటిజన్లు ఇవి తెలంగాణలో రోడ్ల ఫొటోలని భావించి ఆ పోస్టును షేర్లు చేస్తుండటంతో వైరల్ అయిందని గ్రహించాలి.

Also Read:
మహానందిలో వరదనీటిలో మొసలి.. నిజమేంటి?





Source link

0 0
Next Post

PM Narendra Modi: మాటల సమయం ముగిసింది, ఇక చర్యలే.. ఐరాస వేదికగా మోదీ గళం - un climate summit: pm modi says time for talks over, world needs to act

మాటల సమయం ముగిసిపోయిందనీ, ఇక చర్యలు తీసుకునే సమయం ఆసన్నమైందని ప్రధాని మోదీ పిలుపునిచ్చారు. వాతావరణ మార్పు (క్లైమేట్ ఛేంజ్)ను అధిగమించేందుకు ప్రపంచ దేశాలు చేస్తున్న కృషి సరిపోదని మోదీ చెప్పారు. సోమవారం (సెప్టెంబర్ 23) న్యూయార్క్‌ వేదికగా జరిగిన ఐక్యరాజ్యసమితి వాతావరణ సదస్సులో ఆయన కీలక ప్రసంగం చేశారు. వాతావరణ మార్పులు ఎదుర్కొనేలా మానవాళిలో మార్పు రావాలని మోదీ ఆకాంక్షించారు. ప్రజలు ఉద్యమ స్ఫూర్తితో ఇందుకోసం పనిచేయడం తక్షణ […]