Rahul Gandhi: రాజీనామా చేశా.. అందరికీ ధన్యవాదాలు: రాహుల్ గాంధీ – i am no longer congress president, rahul gandhi releases open letter

admin
Read Time54Seconds


కాంగ్రెస్‌ అధ్యక్ష పదవికి రాజీనామా నిర్ణయాన్ని వెనక్కి తీసుకునే ప్రసక్తే లేదని రాహుల్‌ గాంధీ స్పష్టం చేశారు. ఇక తాను కాంగ్రెస్‌ అధ్యక్షుడిని ఎంతమాత్రం కాదని తెలిపారు. కాంగ్రెస్‌కు కొత్త సారథిని వెంటనే ఎన్నుకోవాలని పార్టీ వర్కింగ్ కమిటీకి రాహుల్ సూచించారు. 2019 ఎన్నికల్లో పార్టీ ఓటమికి తనదే పూర్తి బాధ్యత అని చెప్పారు. బుధవారం (జులై 3) సాయంత్రం రాహుల్ గాంధీ.. పార్టీ నేతలు, కార్యకర్తలను ఉద్దేశించి 4 పేజీల బహిరంగ లేఖను విడుదల చేశారు. అంతకుముందు ఢిల్లీలో మీడియాతో మాట్లాడిన ఆయన రాజీనామా నిర్ణయంపై మరోసారి స్పష్టత నిచ్చారు.


‘నాకు బీజేపీ మీద వ్యక్తిగత ద్వేషం లేదు. వాళ్లు దేశంపై రుద్దుతున్న పద్ధతిని నా అణువణువూ వ్యతిరేకిస్తోంది. బీజేపీ విద్వేషం రగిలించాలనుకుంటే.. నేను ప్రేమను అందించాలనుకున్నా. ఎన్నికల్లో మేం పార్టీలతో కాదు, రాజ్యాంగ వ్యవస్థతో పోరాడాల్సి వచ్చింది’ అని లేఖలో రాహుల్ పేర్కొన్నారు.

యుద్ధం నుంచి వైదొలగటం లేదు..

‘ఈ యుద్ధం నుంచి వైదొలగడం లేదు. పార్టీ సైనికుడిగా ఉంటా. కాంగ్రెస్‌కు విధేయుడిగా, దేశాన్ని అభిమానించే పుత్రుడిగా కొనసాగుతా’ అని రాహుల్ స్పష్టం చేశారు. తనకు మద్దతుగా నిలిచిన కార్యకర్తలు, అభిమానులందరికీ ధన్యవాదాలు తెలిపారు. పార్టీ ముందుకెళ్లేందుకు వీలుగా అధ్యక్ష బాధ్యతల నుంచి తప్పుకున్నట్లు వివరించారు. కొత్త అధ్యక్షుడిని నామినేట్ చేయమని తనను చాలా మంది నేతలు కోరారని.. నేరుగా ఎంపిక చేయడం సరికాదని ఆయన స్పష్టం చేశారు.

కాంగ్రెస్ పార్టీ అధ్యక్ష బాధ్యతలకు రాజీనామా చేసిన రాహుల్.. తాజాగా తన ట్విటర్ ఖాతాలోనూ మార్పులు చేశారు. కాంగ్రెస్ పార్టీ సభ్యుడిగా తనను తాను పేర్కొన్నారు. రాహుల్ రాజీనామాతో మోతీలాల్ వోరాకు కాంగ్రెస్ అధ్యక్షుడిగా తాత్కాలిక బాధ్యతలు అప్పగించారు.

‘పార్టీ ఇక ఆలస్యం చేయకుండా కొత్త అధ్యక్షుడిపై నిర్ణయం తీసుకోవాలి. ఆ ప్రక్రియలో నేను పాలుపంచుకోను. ఎందుకంటే నేను ఇప్పటికే ఆ పదవికి రాజీనామా చేశా. ఇప్పుడు నేను పార్టీ అధ్యక్షుడిని కాదు. కాంగ్రెస్‌ వర్కింగ్ కమిటీ త్వరలోనే సమావేశమైన కొత్త అధ్యక్షుడిని ఎన్నుకోవాలి’ అని రాహుల్‌ అన్నారు.

లోక్‌సభ ఎన్నికల్లో కాంగ్రెస్‌ ఘోర పరాజయానికి బాధ్యత వహిస్తూ పార్టీ అధ్యక్ష పదవికి రాహుల్‌ గాంధీ రాజీనామా చేసిన విషయం తెలిసిందే. మే 25న జరిగిన కాంగ్రెస్‌ వర్కింగ్‌ కమిటీ సమావేశంలో ఆయన ఈ నిర్ణయాన్ని వెల్లడించారు. ఆ వెంటనే రాహుల్ రాజీనామాను సీడబ్ల్యూసీ ఏకగ్రీవంగా తిరస్కరించింది. ఆ తర్వాత కాంగ్రెస్ పార్టీలో కలకలం రేగింది.

రాజీనామాపై రాహుల్ గాంధీ తన నిర్ణయాన్ని వెనక్కి తీసుకోవాలని దేశవ్యాప్తంగా కాంగ్రెస్ శ్రేణులు నిరసన తెలిపాయి. పలు రాష్ట్రాల్లో కాంగ్రెస్ పార్టీలో వివిధ పదవుల్లో నేతలంతా రాజీనామాలు చేశారు. సీనియర్ నేతలు రాహుల్‌పై ఒత్తిడి తీసుకొచ్చారు. కానీ, ఆయన తన నిర్ణయంపై వెనక్కి తగ్గలేదు. సోనియా గాంధీ, ప్రియాంక గాంధీ కూడా రాహుల్ నిర్ణయానికే మొగ్గు చూపినట్లు సమాచారం.

సార్వత్రిక ఎన్నికల్లో కాంగ్రెస్ పార్టీ 52 సీట్లతో సరిపెట్టుకుంది. మోదీ ప్రభంజనం ముందు ఆ పార్టీ నిలవలేకపోయింది. ఈ ఘోర పరాజయానికి బాధ్యత వహిస్తూ కాంగ్రెస్ అధ్యక్ష పదవికి రాహుల్ రాజీనామా చేశారు.





Source link

0 0
Next Post

Leopard Brutally Killed With Sticks, Stones By Mob In Chitradurga

A video shot by an eyewitness shows several men throwing stones at the leopard. Bengaluru:  A man-animal conflict ended with a leopard being brutally killed by a mob in a Karnataka village on Wednesday in front of a forest officer. The villagers surrounded and killed the leopard with sticks in […]