PM Narendra Modi: మాటల సమయం ముగిసింది, ఇక చర్యలే.. ఐరాస వేదికగా మోదీ గళం – un climate summit: pm modi says time for talks over, world needs to act

admin
Read Time44Seconds


మాటల సమయం ముగిసిపోయిందనీ, ఇక చర్యలు తీసుకునే సమయం ఆసన్నమైందని ప్రధాని మోదీ పిలుపునిచ్చారు. వాతావరణ మార్పు (క్లైమేట్ ఛేంజ్)ను అధిగమించేందుకు ప్రపంచ దేశాలు చేస్తున్న కృషి సరిపోదని మోదీ చెప్పారు. సోమవారం (సెప్టెంబర్ 23) న్యూయార్క్‌ వేదికగా జరిగిన ఐక్యరాజ్యసమితి వాతావరణ సదస్సులో ఆయన కీలక ప్రసంగం చేశారు. వాతావరణ మార్పులు ఎదుర్కొనేలా మానవాళిలో మార్పు రావాలని మోదీ ఆకాంక్షించారు. ప్రజలు ఉద్యమ స్ఫూర్తితో ఇందుకోసం పనిచేయడం తక్షణ అవసరంగా అభివర్ణించారు.

ప్రకృతిని భారత్ ఎప్పుడూ ఒక అవసరంగానే భావిస్తుందని.. ప్రకృతిపై ఎప్పుడూ అత్యాశ పెంచుకోదని మోదీ స్పష్టం చేశారు. వాతావరణ మార్పులు ఎదుర్కొనేందుకు ప్రపంచ దేశాలు కదిలి రావాలని పిలుపునిచ్చారు. ఆ దిశగా ప్రపంచ దేశాలు కార్యాచరణ ప్రారంభించాలని పేర్కొన్నారు. భారత్‌ ఇప్పటికే కార్యాచరణ మార్గసూచీతో సిద్ధంగా ఉందని తెలిపారు.


సింగిల్ యూజ్ ప్లాస్టిక్‌కు భారత్ చరమగీతం పాడుతోందని ప్రధాని మోదీ చెప్పారు. ప్రపంచ దేశాలన్నీ దీనిపై నిషేధం విధించాలని కోరారు. వాతావారణ మార్పులను ఎదుర్కోవడానికి భారత్ నిర్దిష్టమైన విధానాలతో ముందుకెళ్తోందని మోదీ చెప్పారు. ఈ సందర్భంగా ఐక్యరాజ్య సమితి కార్యాలయంపై భారత సహకారంతో ఏర్పాటు చేసిన సోలార్ ప్యానెళ్లను ప్రారంభించే అంశాన్ని ప్రస్తావించారు.

నమస్తే అంటూ ప్రసంగం ప్రారంభించిన మోదీ.. హిందీలో ఉపన్యాసం కొనసాగించారు. హ్యూస్టన్‌లో ప్రతిష్టాత్మకంగా నిర్వహించిన ‘హౌడీ మోదీ’ సదస్సు అనంతరం ప్రధాని మోదీ.. అమెరికా అధ్యక్షుడు డొనాల్డ్ ట్రంప్‌తో కలిసి నేరుగా న్యూయార్క్ విచ్చేశారు. ఐక్యరాజ్య సమితి కార్యాలయంలో ‘వాతావరణ మార్పులు’ అంశంపై జరిగిన చర్చలో పాల్గొన్నారు. ఈ సదస్సులో అమెరికా అధ్యక్షుడు ట్రంప్‌‌, జర్మనీ ఛాన్స్‌లర్ ఏంజెలా మెర్కల్ తదితర దేశాధినేతలు పాల్గొన్నారు.





Source link

0 0
Next Post

Deficit nearly wiped out, more rains predicted over Seema

With five days of rain in several parts of Rayalaseema, the rainfall deficit for the current monsoon has been wiped out. Chittoor district recorded 23% excess, Kurnool district 2.5% excess, Kadapa -2.9% deficit and Anantapur -15% deficit (which is normal). Further, there is a cyclonic circulation over west central Bay […]