pm modi man vs episode: 18 ఏళ్లలో తొలి సెలవు, భయమంటే నాకు తెలీదు: ప్రధాని మోదీ – man vs wild episode: taking first vacation in 18 years modi says with bear grylls

admin
Read Time44Seconds


ప్రముఖ అడ్వెంచరర్ బేర్ గ్రిల్స్‌తో కలిసి ప్రధాని నరేంద్ర మోదీ ఉత్తరాఖండ్‌‌లోని జిమ్ కార్బెట్ నేషనల్ పార్కులో సాహస యాత్ర చేపట్టారు. 250 రాయల్‌ బెంగాల్‌ టైగర్లు సంచరించే చోట వీరిద్దరూ చేపట్టిన యాత్ర ఆసక్తి కలిగించింది. సోమవారం రాత్రి 9 గంటలకు డిస్కవరీ ఛానెల్లో ‘మ్యాన్ వర్సెస్ వైల్డ్’ పేరిట ఈ షో ప్రసారమైంది. ఈ విషయాన్ని బేర్ గ్రిల్స్, ప్రధాని మోదీ ట్విట్టర్ ద్వారా వెల్లడించారు. వీరిద్దరూ అభయారణ్యంలో ఎవరూ వెళ్లని మార్గంలో ఐదు కి.మీ. నడుచుకుంటూ వెళ్లారు. ఈ సందర్భంగా బేర్ గ్రిల్స్ నెర్వస్‌గా ఫీలవుతున్నారా అని మోదీని ప్రశ్నించారు. దీనికి ప్రధాని స్పందిస్తూ.. అధైర్యపడటం అనేది నా జీవితంలోనే లేదని తెలిపారు. నేనెప్పుడూ భయపడలేదన్నారు.


ఈ సందర్భంగా ప్రధాని మోదీ మాట్లాడుతూ.. జీవితంలో ఒడుదొడుకులు సహజమేనని.. ఒక్కోసారి పడిపోయినా మళ్లీ లేచి ఒక్కో మెట్టు పైకి ఎక్కాలని యువతకు సందేశమిచ్చారు. ప్రకృతిని ప్రేమించాలని దాన్ని నాశనం చేయొద్దని సూచించారు. మన స్వార్థం కోసం ప్రకృతిని విధ్వంసం చేయకుండా భావితరాల కోసం ఆలోచించాలన్నారు. ప్రపంచానికి భారత్ ఇచ్చే సందేశం వసుధైక కుటుంబం అనే భావన అని మోదీ తెలిపారు. ప్రపంచమంతా ఒకే కుటుంబమన్నారు.

మీరు ప్రధాని కావాలని కోరుకున్నారా..? అని బేర్ గ్రిల్ ప్రశ్నించగా.. నేను ముఖ్యమంత్రి కావాలని అనుకున్నాను. గుజరాత్ సీఎంగా 13 ఏళ్లు పని చేశాను. ఆ తర్వాత దేశం నేను ప్రధాని కావాలని కోరుకుందన్నారు. ఇలా సాహస యాత్రకు రావడాన్ని వెకేషన్‌గా భావిస్తే.. 18 ఏళ్లలో నేను సెలవు తీసుకోవడం ఇదే తొలిసారి అని మోదీ తెలిపారు.

తాడుతో కర్రకు కత్తిని కట్టిన బేర్ గ్రిల్స్.. ఏవైనా క్రూర మృగాలు దాడి చేస్తే వాటిని పొడిచేయండని సూచించారు. కానీ నేను జంతువులను చంపనని మోదీ చెప్పారు. ప్రకృతి ఎప్పుడూ మనకు ప్రమాదకరం కాదు. ప్రకృతితో సంఘర్షణే ప్రమాదకరం అని తెలిపారు. దేవుడి మీద నమ్మకం ఉంచితే ఏమీ కాదన్నారు.





Source link

0 0
Next Post

Rahul Gandhi: విమానం పంపిస్తా రా.. రాహుల్‌కు కశ్మీర్ గవర్నర్ ‘ఆహ్వానం’.. సై అన్న కాంగ్రెస్ నేత - congress leader rahul gandhi accepts jammu and kashmir governor satya pal malik offer to visit kashmir

కశ్మీర్లో హింస తలెత్తుతోందని వార్తలొస్తున్నాయని రాహుల్ గాంధీ చేసిన వ్యాఖ్యల పట్ల గవర్నర్ సత్యపాల్ మాలిక్ స్పందించారు. విమానం పంపిస్తా రా అని ఆహ్వానం పంపారు. దీనికి రాహుల్ కూడా సై అన్నారు. Samayam Telugu | Updated:Aug 13, 2019, 01:23PM IST జమ్మూ కశ్మీర్లో హింస తలెత్తుతోందని వార్తలొస్తున్నాయని కాంగ్రెస్ నేత రాహుల్ గాంధీ ఇటీవల వ్యాఖ్యానించిన సంగతి తెలిసిందే. రాహుల్ వ్యాఖ్యలకు ఆ రాష్ట్ర గవర్నర్ […]