pakistan mineral water: జగన్ స్ఫూర్తితో.. పాక్ ప్రధాని మినరల్ వాటర్ బాటిల్ ప్లాన్ చూశారా! – pakistan govt launches its own mineral water to solve financial problems

admin
Read Time4 Minute, 5 Second


ఏపీ సీఎంగా వైఎస్ జగన్ ప్రమాణ స్వీకారం చేసిన వెంటనే.. ఖర్చులను తగ్గించుకునే పనులు మొదలుపెట్టారు. సీఎం ప్రతి చిన్న విషయంలోనూ చాలా జాగ్రత్తతో వ్యవహరిస్తున్నారని, దుబారాకు నో చెబుతున్నారని వైఎస్ఆర్సీపీ శ్రేణులు ప్రచారం చేశాయి. చూడండి బాబు గారి హయాంలో కాస్ట్‌లీ హిమాలయా వాటర్ బాటిల్ వాడితే.. జగన్ అన్న కిన్లే బాటిల్‌తోనే సరిపెట్టుకుంటున్నారు. జగన్ ఎలా డబ్బులు ఆదా చేస్తున్నారో చెప్పడానికి ఇదో నిదర్శనం మాత్రమే అని తెగ ప్రచారం చేశారు. దీనికి టీడీపీ శ్రేణులు కూడా కౌంటర్ ఇచ్చాయి. హిమాలయా వాటర్ బాటిలేమీ మీరు చెబుతున్నంత ఖర్చు కాదని బాబు ఫ్యాన్స్ బదులిచ్చారు.


కానీ ఆ పాకిస్థాన్ ప్రధాని ఇమ్రాన్ ఖాన్ ఉన్నాడు కదా.. ఆయన మన బాబు, జగన్‌ అభిమానుల మధ్య మినర్ వాటర్ బాటిళ్ల వివాదం గురించి ఎక్కడో చదివి ఉంటాడు. మనవాళ్లు పొదుపు వరకే పరిమితమైతే.. ఆ ఇమ్రాన్ ఖాన్ మాత్రం నాలుగు అడుగులు ముందుకేసి.. సంక్షోభంలో కూరుకుపోతున్న దేశ ఆర్థిక వ్యవస్థను పట్టాలు ఎక్కించడానికి వాటర్ బాటిళ్లను ఉపయోగించుకునేలా ప్లాన్ వేశాడు. అదెలా అంటారా..?

మనదగ్గరిలాగే.. పాకిస్థాన్‌లోనూ రకరకాల సంస్థలు బాటిల్డ్ వాటర్‌ను విక్రయిస్తున్నాయి. వీటికి పోటీగా చౌక ధరకే సొంతంగా మినరల్ వాటర్ బ్రాండ్‌ను మార్కెట్లోకి తెస్తున్నట్టు పాక్ ప్రభుత్వం ప్రకటించింది. సురక్షిత తాగు నీటిని తక్కువ ధరకే అందించడం ద్వారా మార్కెట్లోని మినరల్ వాటర్ కంపెనీల స్థానాన్ని ఆక్రమించాలనేది ఇమ్రాన్ సర్కార్ యోచన. తద్వారా ఆర్థిక కష్టాల నుంచి కొద్ది మేర ఉపశమనం పొందొచ్చని పాక్ సర్కారు భావిస్తోంది.

ముందుగా ప్రధాని, అధ్యక్షుడి ఆఫీసులు, నివాసాల వద్ద సర్కారీ మినరల్ వాటర్ బాటిళ్లను ఉపయోగిస్తారట. తర్వాత ప్రభుత్వ ఆఫీసుల్లో, ఆ తర్వాత సాధారణ ప్రజానీకానికి అందుబాటులో ఉంచుతారట. అంతే కాదు పర్యావరణహితమైన మోటార్ సైకిళ్లు, రిక్షాలను కూడా ప్రవేశపెట్టే యోచనలో ప్రభుత్వం ఉందట. వాటి అమలు, అధికారుల అవినీతి తదితరాల గురించి మాత్రం ఇప్పుడే అడగొద్దు ప్లీజ్.

గమనిక: ఈ ఆర్టికల్‌లో జగన్, చంద్రబాబు ప్రస్తావన కేవలం సరదా కోసమే. ఎవరినీ నొప్పించాలనే ఉద్దేశంతో కాదు.





Source link

0 0
Next Post

After Decorated Official, Husband Arrested For Bribery

Telangana plans to bring a new law to reduce corruption in the revenue department. Hyderabad:  Less than two months after a decorated Telangana official was arrested on charges of possessing disproportionate income, her husband has also been taken into custody in a bribery case. Nunavath Venkateshwara Naik, who works as […]