Pakistan Hindu Woman : పాక్‌లో మరో దాష్టీకం: వివాహ వేదిక నుంచి వధువును ఎత్తుకెళ్లి మతం మార్చి పెళ్లాడిన ముస్లిం – hindu woman abducted from wedding, forcibly converted into islam, married off in pakistan

admin
Read Time4 Minute, 21 Second


పాకిస్థాన్‌లో మైనార్టీలు తీవ్రమైన దుర్భర పరిస్థితులను ఎదుర్కొంటున్నారు. మైనార్టీలైన హిందు, సిక్కు యువతిలను అపహరించిన బలవంతంగా మాతమార్పిడికి పాల్పడుతున్న ఘటనలు అక్కడ సర్వసాధారంగా మారిపోయిన విషయం తెలిసిందే. పది రోజుల కిందటే సింధ్ రాష్ట్రంలో చంద్రా కొల్హి అనే యువతిని అల్లాహ్ దిన్ అనే యువకుడు అపహరించి మతం మార్చి ఎత్తుకెళ్లి వివాహం చేసుకున్నాడు. తాజాగా, వివాహం జరుగుతున్న ఓ హిందూ యువతిని వేదికపై ఉండగానే పోలీసుల సాయంతో ముస్లిమ్ యువకుడు బలవంతంగా ఎత్తుకెళ్లాడు. అనంతరం ఆమెను మతం మార్చి పెళ్లి చేసుకున్న ఘటన సింధ్ రాష్ట్రంలోని హాలా పట్టణంలో చోటుచేసుకుంది.


బాధితురాలి తండ్రి కిశోర్ దాస్ మాట్లాడుతూ…తన కుమార్తె భారతీ బాయి (24)కి మరో హిందూ యువకుడితో పెళ్లి నిశ్చయించామని అన్నారు. వివాహ వేడుక జరుగుతుండగా షారుఖ్ గుల్ అనే యువకుడు పోలీసులతో అక్కడకు వచ్చి, భారతిని బలవంతంగా ఎత్తుకెళ్లాడని తెలిపారు. ఆపై మతం మార్పిడిక పాల్పడి బుష్రాగా పేరు మార్చి పెళ్లి చేసుకున్నాడని, ఇద్దరి పేరిట మ్యారేజ్ సర్టిఫికెట్ కూడా జారీ అయ్యిందన్నారు. గతేడాది డిసెంబర్ 1న తన కుమార్తె మతం మారినట్టు తప్పుడు పత్రాలను సృష్టించారని కిశోర్ దాస్ ఆరోపించారు.

అయితే, ఆమె మతం మార్చుకుని, తనను వివాహం చేసుకుందని షారుఖ్ గుల్ వాదిస్తున్నాడు. తన భార్యకు మరో పెళ్లి చేస్తున్న కారణంతోనే పోలీసుల సాయంతో వెళ్లి ఆమెను తీసుకొచ్చినట్టు తెలిపాడు. ఈ ఘటనపై పాకిస్థాన్‌లోని హిందూ వర్గాలు తీవ్రంగా మండిపడుతున్నాయి. హిందువులకు భద్రత కల్పిస్తామని ప్రధాని ఇమ్రాన్ ఖాన్ ఇచ్చిన హామీని గుర్తు చేస్తూ, ఇటువంటి ఘటనలను అడ్డుకోవాలని డిమాండ్ చేస్తున్నారు. భారతీ భాయ్‌ కరాచీ సమీపంలో అల్లామా మహ్మద్ యూసఫ్ బనౌరి పట్టణంలో ఉన్న జమియాత్ ఉల్ ఉలూమ్ ఇస్లామియా మసీదులో మతం మార్చుకున్నట్టు పత్రాల్లో పేర్కొన్నారు.

సిక్కు మత స్థాపకుడు గురునానక్ జన్మస్థానమైన నానక్ సాహెబ్‌లోనే సిక్కు గురువు కుమార్తెను ముస్లిం యువకుడు అపహరించి, ఆమెను బలవంతంగా వివాహం చేసుకున్న ఘటన గతేడాది ఆగస్టులో చోటుచేసుకుంది. నానక్ సాహెబ్‌లోని గురుద్వారాలో ప్రధాని పూజారిగా ఉన్న భగవాన్ సింగ్ కుమార్తెను మహ్మద్ ఎహ్సన్ అనే యువకుడు అపహరించి బలవంతగా ఇస్లాంలోకి మార్చి వివాహం చేసుకున్నాడు.





Source link

0 0
Next Post

A.P. Cabinet gives nod to abolish Legislative Council

The Andhra Pradesh (A.P.) Cabinet has cleared the decks for the abolition of the Legislative Council by passing a resolution to that effect in its meeting a short while ago. The Cabinet resolution will be sent to the Legislative Assembly where a discussion is scheduled later in the day on […]