Nirmala Sitharaman : నిర్మలా సీతారామన్ ట్వీట్‌పై ట్రోల్స్.. మంత్రి అదిరిపోయే రిప్లై – fm nirmala sitharaman’s response to twitter user on ‘dream no more’ goes viral

admin
Read Time1 Minute, 13 Seconds


వివేకానంద జయంతి సందర్భంగా కేంద్ర ఆర్థిక మంత్రి నిర్మలా సీతారామన్‌ చేసిన ఓ ట్వీట్‌పై నెటిజన్లు ట్రోల్ చేస్తున్నారు. దీనికి మంత్రి నిర్మలా సీతారామన్ కూడా ఘాటుగా రిప్లై ఇచ్చారు. ఆమె రిప్లై వైరల్ అవుతోంది. ఆదివారం (జనవరి 13) స్వామి వివేకానంద జయంతి సందర్భంగా ఆమె ఆసక్తికర ట్వీట్ చేశారు. ‘మేల్కొండి, లేవండి, కలలు కనొద్దు (Awake, arise, and dream no more!).. ఇది కలల రాజ్యం, ఇక్కడ మన కర్మ ఏంటంటే మన ఆలోచనల గురించి తెలుసుకోకుండానే దండలు వేస్తారు. ధైర్యంగా ఉండి, వాటిని ఎదుర్కొండి, నిజాన్ని మాత్రమే నమ్మండి, స్వప్నాలను ఆపేద్దాం’ అంటూ మంత్రి ట్వీట్‌ చేశారు.


నిర్మలా సీతారామన్ ట్వీట్ చూసి కొంత మంది గందరగోళానికి గురయ్యారు. మంత్రి పొరబడ్డారని భావించారు. వాస్తవానికి వివేకానందుడు ‘మేల్కొండి, లేవండి, గమ్యం చేరే వరకూ విశ్రమించవద్దు.. (Awake, arise and stop not till the goal is reached!)’ అని బోధించారు. దీంతో మంత్రి చేసిన ట్వీట్‌లో తప్పుందంటూ నెటిజన్ సరిచేసే ప్రయత్నం చేశాడు.

‘మేల్కొండి, లేవండి, గమ్యం చేరే వరకూ విశ్రమించవద్దు అని స్వామీజీ చెప్పారు. కలలు కనొద్దని కాదు.. బహుశా మీరు లక్ష్యం చేరలేదు కాబట్టి కలలు కనొద్దు అని చెబుతున్నట్లున్నారు. లేదంటే బడ్జెట్ 2020 గురించి మమ్మల్ని కలలు కనొద్దని ముందే హెచ్చరిస్తున్నారా?’ అంటూ సదరు నెటిజన్ ట్వీట్‌ చేశాడు. అంతేకాకుండా మంత్రిని ఉద్దేశించి స్వీటీ అంటూ అతడు అగౌరవంగా ప్రవర్తించాడు.

ఈ ట్వీట్‌పై నిర్మలా సీతారామన్ ఒకింత అసహనానికి గురయ్యారు. ‘కలలు కనవద్దనడంలో నా ఉద్దేశం భారత్‌ ఎప్పుడో మేల్కొందని, వృద్ధిలో ముందుకు సాగుతుందని.. కథా ఉపనిషద్‌లో పేర్కొన్న ఆ సూక్తులు 1898కి సంబంధించినవి. అప్పటి పరిస్థితిని ప్రస్తావిస్తూ వివేకానందుడు ఆ మాటలు అన్నారు. మీరు కథా ఉపనిషత్తుల సారాంశాన్ని గుర్తుచేస్తూ స్పందించినందుకు ధన్యవాదాలు. అయితే.. ఇప్పుడు భారత్ మారింది. మరింత స్పష్టత కోసం ఒక ఆశ్రమం వారు ముద్రించిన ఈ పుస్తకంలోని ఈ పేజీలను చూడవచ్చు’ అంటూ నెటిజన్‌కు రిప్లై ఇచ్చారు.

అతడికి సరిగ్గా బుద్ది చెప్పారు, అద్భుతంగా బదులిచ్చారు, రాజకీయాల్లో పరిణతికి ఇది నిదర్శనం అంటూ మంత్రి నిర్మలా సీతారామన్‌ను ప్రశంసిస్తూ పలువురు ట్వీట్లు చేశారు. బడ్జెట్, జీఎస్టీ తదితరాలను ముడి పెడుతూ నిర్మలా సీతారామన్ ట్వీట్‌పై మరి కొంత మంది సెటైర్లు వేస్తున్నారు.





Source link

0 0
Next Post

NIA gets custody of accused in espionage case

The Special Court for National Investigation Agency (NIA) in Vijayawada on Monday granted custody of the 13 persons, including 11 Navy personnel, who were booked and arrested on the charges of espionage, for five days to the NIA. According to official sources, the NIA which took over the case from […]