mumbai coronavirus patient : కరోనా పాజిటివ్: టర్కీ వెళ్లొచ్చి అన్నయ్య పెళ్లిలో 1000 మందిని కలిసిన యువకుడు – coronavirus infected 25-year-old mingled with 1,000 guests at wedding in maharashtra

admin
Read Time44Seconds


కరోనా వైరస్‌ను కట్టడి చేయడం కోసం విదేశాలకు వెళ్లి వచ్చిన వారు కచ్చితంగా 14 రోజులపాటు స్వచ్ఛందంగా నిర్బంధంలో ఉండాలని ప్రభుత్వాలు సూచిస్తున్నాయి. ఎయిర్‌పోర్టులోనే థర్మల్ స్క్రీనింగ్ నిర్వహించి.. కరోనా అనుమానితులను క్వారంటైన్‌కు పంపారు. లక్షణాలు కనిపించిన వారిని మాత్రం ఇళ్లకు పంపించి.. ఎట్టి పరిస్థితుల్లోనూ ఎవరినీ కలవొద్దని చెబుతున్నారు. కానీ చాలా మంది ఈ నిబంధనలను అతిక్రమిస్తూ రోడ్ల మీద యథేచ్ఛగా తిరుగుతున్నారు. దీంతో పరిస్థితి లాక్‌డౌన్ విధించేదాకా వచ్చింది. ముంబై సమీపంలోని డోంబివిలీకి చెందిన ఓ పాతికేళ్ల యువకుడైతే ఫ్రెండ్స్‌తో కలిసి టర్కీ వెళ్లొచ్చి.. అన్నయ్య పెళ్లిలో పాల్గొన్నాడు. ఈ సమయంలో అతడు వెయ్యి మందికిపైగా అతిథులను కలిశాడు.


మార్చి 19న ఆ యువకుడి ఇంట్లో పెళ్లి జరగ్గా.. తర్వాత అతడిలో కరోనా లక్షణాలు కనిపించడంతో హాస్పిటల్‌కు తరలించి టెస్టులు చేశారు. బుధవారం రిపోర్టులు రాగా.. అతడికి కరోనా పాజిటివ్ అని నిర్ధారించారు. మల్టీ నేషనల్ కంపెనీలో పని చేస్తున్నప్పటికీ అతడు ఏమాత్రం చదువుకున్న వాడిలా వ్యవహరించకపోవడంతో.. ఇప్పుడు వెయ్యి మంది, వాళ్లతో కాంటాక్ట్ అయిన వాళ్లు ఆందోళనలో ఉన్నారు.

ఈ ప్రబుద్ధుడు 21 మంది ఫ్రెండ్స్‌తో కలిసి టర్కీ ట్రిప్ వెళ్లి.. మార్చి 15న ఇంటికి తిరిగొచ్చాడు. నాలుగు రోజుల తర్వాత డొంబివిలీలో జరిగిన తన అన్నయ్య పెళ్లి వేడుకల్లో పాల్గొన్నాడు. అతడితోపాటు టర్కీ వెళ్లి వచ్చిన 21 మందితోపాటు పెళ్లికి వచ్చిన చుట్టాలు, అతడు ఉండే ఏరియాలో నివసించే వారి ఆరోగ్య పరిస్థితి గురించి ఆరోగ్య శాఖ అధికారులు ఆరా తీస్తున్నారు. గురువారం సాయంత్రానికి 5300 మందిని వారు పరీక్షించారు. ఆ ఏరియా మొత్తం శానిటైజేషన్ చేస్తున్నారు.

ప్రస్తుతానికి ఆ యువకుడు కస్తూర్బా హాస్పిటల్‌లో చికిత్స పొందుతున్నాడు. అతడి కుటుంబ సభ్యులు ముగ్గురికి కూడా కరోనా పరీక్షలు నిర్వహిస్తున్నారు. విదేశాలకు వెళ్లి వచ్చిన ఈ యువకుడు 14 రోజులపాటు సెల్ఫ్ క్వారంటైన్లో ఉండక పోవడం ఒక తప్పయితే.. పెళ్లిళ్లు, ఫంక్షన్లకు 50 మందికిపైగా హాజరు కావొద్దన్న ప్రభుత్వ ఆదేశాలను సైతం పట్టించుకోకుండా ఈ పెళ్లికి వెయ్యి మంది హాజరయ్యారు.

ఇప్పటి వరకూ కళ్యాణ్-డొంబివిలీ ఏరియాలో ఆరుగురికి కరోనా సోకిననట్లు నిర్ధారించారు. వీరిలో ఇద్దరు డిశ్చార్జ్ అయ్యారు. మరో నలుగురు హాస్పిటళ్లలో చికిత్స పొందుతున్నారు. ఈ ఆరుగురు రోగుల్లో ముగ్గురు విదేశాలకు వెళ్లి రాగా.. మరో ముగ్గురు వారితో కాంటాక్ట్‌లో ఉండటంతో కరోనా బారిన పడ్డారు.





Source link

0 0
Next Post

Amid COVID-19 lockdown in Andhra, Rs 1 lakh-worth liquor stolen from government-run shop- The New Indian Express

By Express News Service ELURU: Taking advantage of the lockdown imposed to stop the spread of COVID-19, unidentified miscreants burgled a government liquor shop in Chataparru village of Eluru rural mandal, West Godavari district during small hours of Friday and decamped with Rs 1 lakh worth liquor bottles  According to the […]