mp woman eloped : పెళ్లయిన వారం రోజులకే ప్రియుడితో పరార్… తిరిగొచ్చి భర్తపైనే కేసు – madhya pradesh woman left her husband for lover just seven days after marriage and then..

admin
Read Time4 Minute, 32 Second


మధ్యప్రదేశ్‌ రాజధాని భోపాల్‌లో విచిత్ర సంఘటన వెలుగులోకి వచ్చింది. పెళ్లయిన వారం రోజులకే ప్రియుడితో వెళ్లిపోయిన యువతి తిరిగొచ్చి భర్తపైనే కేసు పెట్టింది. భోపాల్‌లోని కోలార్ ప్రాంతానికి చెందిన యువతికి ఓ ప్రైవేటు సంస్థలో అకౌంటెంట్‌గా పనిచేస్తున్న యువకుడితో గతేడాది మే 17న వివాహమైంది. అయితే ఆమె అంతకుముందే టీచర్‌గా పనిచేస్తున్న యువకుడిని ప్రేమించింది. ఈ విషయం ఇంట్లో చెప్పినా తల్లిదండ్రులు అంగీకరించలేదు. ఆమెను బెదిరించి బలవంతంగా అకౌంటెంట్‌తో వివాహం జరిపించారు.


Also Read:
17న పెళ్లి.. 18న గ్యాంగ్ రేప్.. యూపీలో దారుణం

పెద్దలు, సమాజానికి భయపడి అయిష్టంగానే తాళి కట్టించుకున్న ఆ యువతి ప్రియుడిని మాత్రం మర్చిపోలేకపోయింది. దీంతో ఆపుకోలేక ఈ విషయాన్ని భర్తకు చెప్పింది. భార్య ఇష్టాన్ని గౌరవించిన అతడు ప్రియుడినే పెళ్లి చేసుకోమని చెప్పి పంపించేశాడు. భవిష్యత్తులో ఎలాంటి ఇబ్బంది రాకుండా ఉండేందుకు ఇద్దరూ ఇష్టపూర్వకంగా విడిపోతున్నట్లు జులై 9న నోటరీపై సంతకాలు చేసి విడాకులు తీసుకున్నారు. అప్పటి నుంచి ఆమె ప్రియుడితోనూ సహజీవనం చేస్తూ వచ్చింది. అయితే కొద్దిరోజుల తర్వాత తన తప్పు తెలుసుకున్న మహిళ తిరిగి మొదటి భర్త దగ్గరకు వచ్చేసింది.

Also Read:
గుంటూరు జిల్లాలో దారుణం.. పదకొండేళ్ల బాలికపై అత్యాచారం..

తనను క్షమించాలని, తిరిగి మీతోనే కాపురం చేస్తానని ఆమె చెప్పగా అకౌంటెంట్ భర్త నిరాకరించాడు. పెళ్లయిన తర్వాత కూడా ప్రియుడిని మరిచిపోకుండా అతడితో వెళ్లిపోయిన నిన్ను ఏలుకునేది లేదంటూ తిరస్కరించాడు. దీంతో ఆమె న్యాయస్థానాన్ని ఆశ్రయించింది. తన పోషణ కోసం భర్త నుంచి భరణం ఇప్పించాలని కోరగా.. ఆమెతో తనకు విడాకులు కావాలంటూ భర్త పిటిషన్ దాఖలు చేశాడు. దీనిపై విచారణ జరిపిన న్యాయస్థానం ఇరువర్గాలకు కౌన్సెలింగ్ ఇప్పించాల్సిందిగా ఆదేశాలిచ్చింది. ఈ సందర్భంగా మహిళ భర్తతో కాపురం చేస్తానని, లేనిపక్షంలో అతడి నుంచి నెలనెలా భరణం ఇప్పించాలని కోరింది. ఆమె తనతో రెండ్రోజులు మాత్రమే ఉందని.. తర్వాత ప్రియుడి దగ్గరికి వెళ్లిపోయిన ఆమెకు తానెల పోషణ ఖర్చులు ఇస్తానని భర్త వాదించాడు. వాదనలు విన్న న్యాయస్థానం భర్తకు అనుకూలంగా తీర్పు చెప్పింది. ఇష్టపూర్వకంగా విడిపోయి వేరొక వ్యక్తితో జీవిస్తున్న ఆమెకు భర్త ఎలా భరణం ఇస్తాడని కోర్టు ప్రశ్నించింది.

Also Read:
ప్రియుడితో రొమాన్స్ చేస్తూ సడెన్‌గా లైట్ వేసిన యువతి.. పక్కనున్న వ్యక్తిని చూసి షాక్





Source link

0 0
Next Post

Explosive Found At Mangaluru Airport, Police Release Suspect's Photograph

Police have launched a hunt for the suspect, who was seen going away in an autorickshaw. Mangaluru (Karnataka): An alert was sounded at the Mangaluru International Airport on Monday morning, after security personnel found a live explosive on its premises. Central Industrial Security Force (CISF) officials said they have zeroed […]