modi in bhutan: భూటాన్‌లో రూపే కార్డు, భారత్ నిర్మించిన జల విద్యుత్ కేంద్రం ప్రారంభించిన మోదీ – pm narendra modi inaugurates rupay card, hydro project in bhutan

admin
Read Time45Seconds


భారత్‌ సహకారంతో భూటాన్‌లో నిర్మించిన మాంగ్‌డెచు జల విద్యుత్‌ కేంద్రాన్ని ప్రధాని నరేంద్ర మోదీ ప్రారంభించారు. శనివారం (ఆగస్టు 17) మధ్యాహ్నం రాజధాని థింపూ వేదికగా ఈ కీలక ప్రాజెక్టును భూటాన్‌ ప్రజలకు అంకితం ఇచ్చారు. ఈ కార్యక్రమంలో భూటాన్‌ ప్రధాని లోతెయ్‌ శెరింగ్‌ పాల్గొన్నారు. భారత ప్రభుత్వ మద్దతుతో ఆ దేశంలో 2020 కల్లా 10 వేల మెగావాట్ల విద్యుత్‌ ఉత్పత్తి చేయాలన్న లక్ష్యంతో నిర్మిస్తున్న కీలక ప్రాజెక్టుల్లో మాంగ్‌డెచ్‌ ఒకటి. దీని సామర్థ్యం 720 మెగావాట్లు. రూ.4,500 కోట్లతో నిర్మించిన ఈ ప్రాజెక్టును భూటాన్‌ – భారత్‌ స్నేహానికి ప్రతిబింబంగా అభివర్ణిస్తున్నారు.


మాంగ్‌డెచ్‌ ప్రాజెక్టు ప్రారంభంతో ఒక చారిత్రక మైలురాయిని అధిగమించామని ప్రధాని మోదీ పేర్కొన్నారు. రెండు దేశాల మధ్య సహకారానికి జల విద్యుత్‌ ఒక కీలక రంగమని చెప్పారు. నదుల శక్తిని కేవలం విద్యుత్‌ ఉత్పత్తికే కాకుండా సౌభాగ్యం కోసం రెండు దేశాలు వినియోగిస్తున్నాయని అన్నారు. ఇరు దేశాల సహకారంతో భూటాన్‌లో జల విద్యుత్‌ ఉత్పత్తి 2000 మెగావాట్లు దాటిందని.. మిగతా ప్రాజెక్టులు త్వరగా పూర్తి అవుతాయన్న విశ్వాసం ఉందని ఆయన పేర్కొన్నారు.

రూపే కార్డు ద్వారా తొలి కొనుగోలు

భారత్‌లో ప్రతిష్టాత్మకంగా తీసుకొచ్చిన ‘రూపే’ డెబిట్‌, క్రెడిట్‌ కార్డులను మోదీ చేతుల మీదుగా భూటాన్‌లో ప్రవేశపెట్టారు. భూటాన్‌ పర్యటనలో భాగంగా ప్రధాని మోదీ వీటిని ప్రారంభించారు. సిమ్తోఖా డాంగ్‌లో ఏర్పాటు చేసిన కార్యక్రమంలో రూపే కార్డు ద్వారా కొనుగోలు చేసి ఈ కార్డును లాంఛనంగా విడుదల చేశారు.

భారత్‌ – భూటాన్‌ మధ్య హైడ్రో పవర్‌ సహకారానికి ఐదు దశాబ్దాలు పూర్తయిన సందర్భంగా ఇరు దేశాల ప్రధానులు స్మారక స్టాంపులను విడుదల చేశారు. అనంతరం ప్రధాని మోదీ, భూటాన్ ప్రధాని శెరింగ్‌ సమక్షంలో భారత్, భూటాన్ 9 ఒప్పందాలను కుదుర్చుకున్నాయి. అంతకుముందు ఆయన భూటాన్ ప్రధానితో కలిసి థింపూలో మొక్కలు నాటారు.

‘130 కోట్ల మంది భారతీయుల హృదయాల్లో భూటాన్‌కు ప్రత్యేక స్థానం ఉంది. ఇక్కడకు రావడం చాలా ఆనందంగా ఉంది. భూటాన్‌ లాంటి పొరుగు దేశం ఉంటే ఎవరు మాత్రం స్నేహం చేయకుండా ఉంటారు. ఈ దేశ అభివృద్ధిలో భారత్‌ పాలు పంచుకోవడం గర్వంగా ఉంది’ అని మోదీ పేర్కొన్నారు.

pm narendra modi bhutanese premier inaugurate hydro project in thimphu

భూటాన్‌లో భారత్ నిర్మిస్తున్న విద్యుత్ కేంద్రం ప్రారంభం

Loading

ప్రధానిగా బాధ్యతలు చేపట్టిన తర్వాత మోదీ భూటాన్‌లో పర్యటించడం ఇది రెండోసారి. ఈ ఉదయం పారో విమానాశ్రయానికి చేరుకున్న మోదీకి ఘన స్వాగతం లభించింది. ఆ దేశ ప్రధాని శెరింగ్.. మోదీకి సాదర స్వాగతం పలికారు. మోదీ వెళ్తున్న దారి పొడవునా భారత్‌, భూటాన్‌ జెండాలు పట్టుకుని ప్రజలు స్వాగతించారు. భూటాన్‌లో ప్రధాని మోదీ పర్యటన రెండు రోజలు పాటు సాగనుంది.





Source link

0 0
Next Post

Ready title deeds for 225 beneficiaries under Forest Rights Act, officials told

Paderu ITDA Project Officer D.K. Balaji has instructed ICDS Project Director to issue a show-cause notice to Community Development Programme Officer (CDPO) of Koyyuru for negligence in duty. At a review meeting with officials, he asked that title deeds for 225 beneficiaries covering 613 acres be readied under the Forest […]