mayday meaning: పాక్ విమాన ప్రమాదం: పైలట్ చివరి మాటలు.. మేడే అంటే? – mayday, mayday: last words of pilot in pakistan plane cockpit audio; here is mayday, belly landing means

APNEWS CO
Read Time8 Minute, 34 Second


పాకిస్థాన్ విమానయాన చరిత్రలో ఘోర విషాదం చోటు చేసుకుంది. దేశమంతా రంజాన్‌ పండుగకు సిద్ధమవుతుండగా.. అందులోనూ రంజాన్ మాసం చివరి శుక్రవారం రోజున మధ్యాహ్నం ప్రార్థనలు ముగిసిన సమయాన కనీవిని ఎరుగని విమాన ప్రమాదం జరిగింది. కరాచీ ఎయిర్‌పోర్టుకు సమీపంలో ఓ విమానం జనావాసాలపై కుప్పకూలింది. ఈ ప్రమాదంలో 100 మందికి పైగా మరణించినట్లు తెలుస్తోంది. ప్రమాద సమయంలో విమానంలో 99 మంది ప్రయాణికులతో పాటు 8 మంది క్ర్యూ సిబ్బంది ఉన్నట్లు పాక్ అధికారులు తెలిపారు. వీరిలో ఇద్దరు మాత్రమే ప్రమాదం నుంచి బయటపడినట్లు తెలుస్తోంది. విమానం జనావాసాలపై కుప్పకూలడంతో కొంత మంది స్థానికులు కూడా మరణించారు.

కరాచీ ఎయిర్‌పోర్టులో మరో నిమిషంలో ల్యాండింగ్ అవాల్సి ఉండగా ప్రమాదం జరిగింది. విమానంలో రెండు ఇంజిన్లు ఫెయిల్ అవడంతో ఈ దుర్ఘటన చోటు చేసుకున్నట్లు తెలుస్తోంది. ఏటీసీతో రేడియో కమ్యూనికేషన్ ద్వారా పైలట్ చేసిన చివరి సంభాషణ ఇదే అంశాన్ని స్పష్టం చేస్తోంది. ప్రమాదంలో చిక్కుకున్నట్లు గుర్తించగానే పైలట్ ఏటీసీని సంప్రదించాడు. సహాయం కోరాడు. ఇంతలో ‘మేడే (mayday), మేడే, మేడే..’ అంటూ మూడుసార్లు అరిచాడు. ఆ వెంటనే ఏటీసీతో విమానం సంబంధాలు తెగిపోయాయి. మరుసటి క్షణమే విమానం కుప్పకూలినట్లు వార్తలు అందాయి.

చివరి క్షణాల్లో పైలట్ సంభాషణ సాగిందిలా..
పైలట్: PK 8303 [to] అప్రోచ్
ఏటీసీ: జీ సార్..
పైలట్: మేం లెఫ్ట్ తీసుకోబోతున్నాం..?
ఏటీసీ: ఓకే..
పైలట్: మేం నేరుగా వచ్చేస్తున్నాం, రెండు ఇంజిన్లనూ కోల్పోయాం (పనిచేయకుండా పోయాయి)..
ఏటీసీ: ఓకే.. మీరు బెల్లీ ల్యాండింగ్ చేయబోతున్నారా?
పైలట్: (మాటలు అస్పష్టం)
ఏటీసీ: ల్యాండింగ్‌కు అందుబాటులో ఉన్న రన్ వేలు.. 2, 5
పైలట్: Roger (రోగర్) (మీ సందేశం అందింది అని చెప్పడానికి ఈ పదాన్ని వాడతారు)
….
పైలట్: సార్, మేడే, మేడే, మేడే, పాకిస్థాన్ 8303
ఏటీసీ: పాకిస్థాన్ 8303, రోగర్ సార్. రెండు రన్‌వేలు ల్యాండింగ్‌కు అందుబాటులో ఉన్నాయి..

ఆ తర్వాత విమానం కాక్‌పిట్‌తో ఏటీసీకి సంబంధాలు తెగిపోయాయి. ఆ వెంటనే భారీ శబ్దంతో జనావాసాలపై విమానం కుప్పకూలిపోయింది. ఊహించని పరిణామంతో స్థానికులు షాక్‌కు గురయ్యారు. పాక్ సైన్యానికి చెందిన ప్రత్యేక రెస్క్యూ టీమ్ అక్కడికి చేరుకొని సహాయ కార్యక్రమాలు చేపట్టింది.

ఈ ఆడియో టేపును liveatc.net పోస్టు చేసింది. అంతర్జాతీయంగా విమానరంగ సిబ్బంది ఈ వెబ్‌సైట్‌ను అనుసరిస్తారు.

మేడే అంటే అర్థం ఏమిటి?
షిప్ కెప్టెన్లు, విమాన పైలట్ల నుంచి వినకూడని మాట ఇది. నౌకల కెప్టెన్లు లేదా విమాన పైలట్లు ఈ మాట చెప్పారంటే.. వారి ప్రాణాలు ప్రమాదంలో పడ్డాయని అర్థం. అంతర్జాతీయ ప్రయాణాల్లో ఒత్తిడిలో, ప్రమాదంలో ఉన్నప్పుడు మాత్రమే ఈ పదాన్ని ఉపయోగిస్తారు. (Mayday: An international radio distress signal used by ships and aircraft). మేడే అంటే ‘రక్షించండి’ అని, ‘ప్రమాదంలో ఉన్నాం’ అని అర్థాలున్నాయి. నౌకలపైన, గగనతలంలో విమానాల్లో ఉన్న సిబ్బంది రేడియో కమ్యూనికేషన్‌లో ఈ పదాలను ఉపయోగిస్తారు.

ఒక్కసారి ‘మేడే’ను ఉచ్ఛరించడం ద్వారా ప్రమాదంలో ఉన్నామనే విషయాన్ని సదరు నౌక కెప్టెన్ లేదా విమాన పైలట్ తెలియజేస్తాడు. ఆ వెంటనే ఏటీసీ నుంచి అధికారులు అప్రమత్తమై ఎలాంటి సాయం కావాలో కనుక్కుంటారు. సాంకేతిక సమస్య తలెత్తిందా? ఫ్యూయల్ అయిపోయిందా? ఎంత మంది ప్రాణాలు ప్రమాదంలో ఉన్నాయి? విమానం లేదు షిప్ ప్రస్తుతం ఏ లొకేషన్‌లో ఉంది తదితర వివరాలను సేకరిస్తారు. ఇక వరసగా మూడుసార్తు ‘మేడే’ను పదాన్ని ప్రయోగించారంటే పెను ప్రమాదంలో ఉన్నట్లే లెక్క.

అంతర్జాతీయంగా మేడే పదాన్ని 1923లో తొలిసారిగా ఉపయోగించారు. 1948 నుంచి అధికారికంగా దీన్ని వాడుతున్నారు. లండన్‌లోని క్రాయ్‌డన్ ఎయిర్‌పోర్టులో పనిచేసిన సీనియర్ రేడియో ఆఫీసర్ ఫ్రెడ్రిక్ మాక్‌ఫర్డ్ ఈ పదాన్ని సూచించారు. ఫ్రెంచ్ పదం ‘m’aider’కు సారూప్యంగా mayday ఉంది. ఫ్రెంచ్‌లో m’aider అంటే ‘హెల్ప్ మీ’ అని అర్థం.

బెల్లీ ల్యాండింగ్ (belly landing) అంటే?
విమానాల క్రాష్ ల్యాండింగ్‌ను బెల్లీ ల్యాండింగ్ అంటారు. రన్ వేపై తక్కువ సమయంలో నేరుగా ల్యాండింగ్ చేసే విధానం ఇది. ఈ విధానంలో విమానం ముందు భాగంలో ఇరువైపుల ఉండే బెల్లీ పరికరాలను కిందకి దించి ల్యాండింగ్ చేయడానికి ప్రయత్నిస్తారు. సాధారణ ల్యాండింగ్ ప్రక్రియలో ల్యాండింగ్ గేర్‌ను పూర్తిగా తెరిచి విమానాన్ని రన్ వేపైకి దింపుతారు. ఈ విధానంలో విమానం వెనుక వైపున ఉండే చక్రాల భాగం ముందుగా నేలను తాకుతుంది. బెల్లీ ల్యాండింగ్‌లో విమానం ముందు భాగం ముందుగా నేలను తాకుతుంది.

బెల్లీ ల్యాండింగ్ అనేది ఎమర్జెన్సీ ల్యాండింగ్ ప్రక్రియ. పైలట్ అత్యంత నేర్పుతో క్రాష్ ల్యాండింగ్ చేయాల్సి ఉంటుంది. లేకపోతే విమానం దెబ్బతిని ప్రమాదం సంభవించే అవకాశం ఉంటుంది.

విమాన ప్రమాదం సీసీటీవీ దృశ్యాలు..
శుక్రవారం (మే 22) మధ్యాహ్నం 2.25 గంటల సమయంలో ఈ ప్రమాదం జరిగింది. విమాన ప్రమాదానికి సంబంధించిన భయానక దృశ్యాలను సోషల్ మీడియా ద్వారా పలువురు షేర్ చేశారు. ఈ ప్రమాదానికి సంబంధించిన సీసీటీవీ దృశ్యాలు కూడా బయటకు వచ్చాయి. (సీసీటీవీ దృశ్యాల కోసం క్లిక్ చేయండి)

కరాచీ విమానాశ్రయానికి 4 కి.మీ. దూరంలో ఈ ప్రమాదం జరిగింది. ఘటనా స్థలం నుంచి పైలట్ సహా పలువురి మృతదేహాలను సహాయక సిబ్బంది బయటకు తీశారు. విమాన ప్రమాదంపై పాక్‌ ప్రధాని ఇమ్రాన్‌ ఖాన్‌ దిగ్భ్రాంతి వ్యక్తం చేశారు. భారత ప్రధాని నరేంద్ర మోదీ కూడా ఈ ప్రమాదం పట్ల దిగ్భ్రాంతి వ్యక్తం చేశారు. మృతుల కుటుంబాలకు సంతాపం తెలిపారు.

Must Read:హెలికాప్టర్ మనీ: ప్రజలకు నేరుగా డబ్బు ఇవ్వాలనుకుంటున్న న్యూజిలాండ్

Also Read:వలస కూలీకి రైల్లోనే పురిటినొప్పులు.. ప్లాట్‌ఫాం ఆస్పత్రిగా మారగా పండంటి బిడ్డ



Source link

0 0
Next Post

Vice-President lauds Sathya Sai Trust

The Sri Sathya Sai Seva Organisation in Puttaparthi won appreciation from Vice-President M. Venkaiah Naidu on Friday for its efforts to help those in need during the nationwide lockdown. Speaking over phone with Sri Sathya Sai Central Trust (SSSCT) managing trustee R.J. Rathnakar on Friday, Mr. Naidu commended the organisation […]