Maoists kill TRS MPTC: కిడ్నాప్‌కు గురైన టీఆర్‌ఎస్ ఎంపీటీసీ దారుణ హత్య.. ఖమ్మంలో మావోయిస్టుల ఘాతుకం – kidnapped trs mptc srinivasa rao brutally killed by maoists in kothagudem

admin
Read Time45Seconds


మ చెరలో ఉన్న ఎంపీటీసీ, టీఆర్‌ఎస్ నేత శ్రీనివాసరావును మావోయిస్టులు అత్యంత దారుణంగా హత్య చేశారు. ఆయణ్ని అత్యంత కిరాతకంగా గొడ్డళ్లతో నరికి చంపినట్లు తెలుస్తోంది. ఎర్రంపాడు – పుట్టపాడు మార్గంలో శుక్రవారం (జులై 12) సాయంత్రం ఆయన మృతదేహాన్ని గుర్తించారు. ఘటనా స్థలంలో రక్తపు మడుగులో భయానక స్థితిలో శ్రీనివాసరావు మృతదేహం పడిఉంది. ఇన్‌ఫార్మర్‌గా మారి మావోయిస్టుల సమాచారాన్ని పోలీసులకు చేరవేస్తున్నందునే హతమార్చమని మావోలు పేర్కొన్నారు. చర్ల ఏరియా కమిటీ కార్యదర్శి శారద పేరుతో ఓ లేఖ విడుదల చేశారు.


భద్రాద్రి కొత్తగూడెం జిల్లా చర్ల మండలం పెద్దమిడిసిలేరు ఎంపీటీసీ (ఆగస్టు 7తో పదవీ కాలం ముగుస్తుంది)ని మావోయిస్టులు జులై 8న రాత్రి అపహరించిన విషయం తెలిసిందే. ఆ రోజు రాత్రి సాయుధులైన 15 మంది మావోయిస్టులు ఎంపీటీసీ నల్లూరి శ్రీనివాసరావు స్వగ్రామం బెస్తకొత్తూరు వచ్చారు. శ్రీనివాసరావుతో పాటు ఆయన భార్య, కుమారుడు ఇంట్లో నిద్రిస్తుండగా.. ముగ్గురు వ్యక్తులు కర్రలతో ఇంట్లోకి ప్రవేశించారు. ఇంట్లోని వారు బయటకు వెళ్లకుండా తలుపునకు అడ్డంగా మంచాన్ని పెట్టారు. అనంతరం శ్రీనివాసరావును నిద్రలేపి లాక్కెళ్లారు.

Also Read:
మావోయిస్టులు విడుదల చేసిన లేఖ ఇదే..

మావోయిస్టులు శ్రీనివాస రావును తీసుకువెళ్తుండగా అతడి భార్య దుర్గ, కుమారుడు ప్రవీణ్‌ కుమార్‌ అడ్డుకునే ప్రయత్నం చేశారు. ఈలోగా సాయుధులైన మరో ముగ్గురు మావోయిస్టులు ఇంట్లోకి వచ్చి ప్రవీణ్‌ కుమార్‌తో పాటు దుర్గను పక్కకు తప్పించి, శ్రీనివాసరావును తమతో పాటు దండకారణ్యంలోకి తీసుకెళ్లారు. ఇంట్లో ఉన్న ఆయన బైక్‌ను కూడా వెంట తీసుకెళ్లారు..

అరణ్యంలో శ్రీనివాసరావు మృతదేహం

దాదాపు 15 మంది వరకు మిలీషియా సభ్యులు కర్రలు, గొడ్డళ్లతో వచ్చినట్లు కుటుంబసభ్యులు తెలిపారు. శ్రీనివాసరావు ఇల్లు గ్రామ శివారులో ఉండటంతో ఆయన అపహరణకు గురైన విషయం గ్రామంలో చాలా మందికి తెలియదు. కొంతకాలంగా స్తబ్దుగా ఉన్న మావోయిస్టులు ఓ నేతను కిడ్నాప్‌ చేయడంతో స్థానికులు ఆందోళన చెందారు. అధికార టీఆర్‌ఎస్‌కు చెందిన ఓ ఎంపీటీసీ సభ్యుడిని మావోయిస్టులు అపహరించిన ఘటన రాష్ట్రంలో కలకలం రేపింది. అందరూ భయపడినట్లే ఎంపీటీసీని హతమార్చడంతో గ్రామస్థాయి నేతల్లో వణుకు పుడుతోంది..





Source link

0 0
Next Post

narabali in kurnool: కర్నూలులో నరబలి.. యువకుడిని నరికి తల, మొండెం వేరుగా! - teen murder near a temple creates narabali rumours in kurnool

ఆలయం సమీపంలో యువకుడి హత్య. యువకుడిని నరికి చంపి తల, మొండెం వేరు చేసిన దుండగులు. గుప్త నిధుల కోసం బలి ఇచ్చి ఉంటారని స్థానికుల అనుమానం. Samayam Telugu | Updated:Jul 12, 2019, 10:44PM IST కర్నూలు జిల్లాలో ఓ యువకుడి హత్య కలకలం రేపుతోంది. సిరివెళ్ల సమీపంలో గుర్తు తెలియని యువకుడి మృతదేహం కనిపించింది. యువకుడిని నరికి తల, మొండెం వేరు చేసిన స్థితిలో ఉండటంతో […]