Maharashtra BJP: ప్రభుత్వం ఏర్పాటు చేసే బలం లేదు.. మహారాష్ట్ర బీజేపీ సంచలన నిర్ణయం – bjp says won’t form govt in maharashtra

admin
Read Time45Seconds


హారాష్ట్ర రాజకీయాలు రసకందాయంలో పడ్డాయి. బీజేపీ ఊహించని షాక్ ఇచ్చింది. రాష్ట్రంలో ప్రభుత్వా్న్ని ఏర్పాటు చేయలేమని స్పష్టం చేసింది. ఈ మేరకు ఆ పార్టీ నేతలు గవర్నర్ భగత్‌సింగ్ కోశ్యారీని కలిసి వివరించారు. అసెంబ్లీ ఎన్నికల్లో కూటమిగా ఏర్పడి పోటీ చేసిన శివసేన, బీజేపీ పార్టీల మధ్య సీఎం పీఠం విషయంలో భేదాభిప్రాయాలు రావడంతో ‘మహా’ రాజకీయాల్లో సందిగ్ధత నెలకొన్న విషయం తెలిసిందే.

మహారాష్ట్ర అసెంబ్లీ ఎన్నికల ఫలితాల్లో 105 స్థానాల్లో విజయం సాధించి అతిపెద్ద పార్టీగా అవతరించిన బీజేపీని ప్రభుత్వం ఏర్పాటు చేయాల్సిందిగా గవర్నర్ ఆహ్వానించారు. ఈ నేపథ్యంలో ఆపద్ధర్మ ముఖ్యమంత్రి దేవేంద్ర ఫడ్నవీస్, మహారాష్ట్ర బీజేపీ అధ్యక్షుడు చంద్రకాంత్ పాటిల్ తదితర నాయకులు ఆదివారం (నవంబర్ 10) సాయంత్రం గవర్నర్‌ను కలిశారు. తగిన సంఖ్యాబలం లేని కారణంగా ప్రభుత్వాన్ని ఏర్పాటు చేయలేకపోతున్నామని వివరించారు.


Also Read:
మహిళలనే కనికరం కూడా లేకుండా.. పోలీసుల తీరుపై విమర్శలు

ప్రభుత్వ ఏర్పాటులో ప్రతిష్టంభన ఏర్పడిన నేపథ్యంలో అసెంబ్లీలో అతిపెద్ద పార్టీగా అవతరించిన బీజేపీని ప్రభుత్వ ఏర్పాటుకు గవర్నర్‌ ఆహ్వానించారు. సోమవారం లోగా అసెంబ్లీలో బలనిరూపణ చేయాలని గవర్నర్‌ గడువు విధించారు. దీనిపై ఆదివారం సాయంత్రం ఫడ్నవీస్‌ నివాసంలో భేటీ అయిన బీజేపీ కోర్‌ కమిటీ.. ప్రభుత్వాన్ని ఏర్పాటు చేయవద్దని నిర్ణయించింది. అనంతరం గవర్నర్‌ను కలిసి ఆ నిర్ణయాన్ని తెలిపింది. దీంతో మహారాష్ట్ర రాజకీయాలు మరింత ఉత్కంఠగా మారాయి.

మహారాష్ట్ర అసెంబ్లీలో మొత్తం 288 స్థానాలు ఉన్నాయి. ప్రభుత్వ ఏర్పాటుకు 145 సీట్లు (మ్యాజిక్ ఫిగర్) కావాల్సి ఉండగా.. బీజేపీ 105, శివసేన 56 సీట్ల సంఖ్యాబలం ఉంది. మరో కూటమిగా ఏర్పడి పోటీ చేసిన ఎన్సీపీ 54 సీట్లు, కాంగ్రెస్‌ 44 సీట్లు గెలుచుకుంది. మ్యాజిక్‌ ఫిగర్‌ కోసం బీజేపీకి కనీసం 40 మంది ఎమ్మెల్యేల మద్దతు అవసరం ఉంది. ఈ నేపథ్యంలో ఇతర పార్టీలు అప్రమత్తమయ్యాయి. తమ ఎమ్మెల్యేలను క్యాంప్‌లకు తరలించాయి.





Source link

0 0
Next Post

MK Stalin Party DMK Accuses Centre Of Turning J&K Into "A Huge Prison"

MK Stalin’s DMK also sought withdrawal of the Draft National Education Policy (File Photo) Chennai:  The main opposition DMK on Sunday condemned the Centre for what it called “turning Jammu and Kashmir region into a huge prison” and demanded the release of all those arrested, including former Chief Minister Farooq […]