Kinjarapu Ram Mohan Naidu: నాలుగే నిమిషాలు.. బీజేపీని ఏకేసిన శ్రీకాకుళం ఎంపీ, లోక్ సభలో ఆకట్టుకునే ప్రసంగం – srikakulam mp kinjarapu ram mohan naidu fires on bjp in parliament

admin
Read Time4 Minute, 58 Second


టీడీపీ ఎంపీ కింజారపు రామ్మోహన్ నాయుడు పార్లమెంట్‌లో ఆకట్టుకునే ప్రసంగం చేశారు. బడ్జెట్ సమావేశాల సందర్భంగా మాట్లాడిన ఆయన.. బీజేపీ తీరును దుయ్యబట్టారు. ఏపీకి న్యాయం చేయాలని డిమాండ్ చేశారు.

Samayam Telugu | Updated:

శ్రీకాకుళం టీడీపీ ఎంపీ కింజారపు రామ్మోహన్ నాయుడు లోక్‌సభలో మరోసారి ఆకట్టుకునే ప్రసంగం చేశారు. మంగళవారం పార్లమెంట్‌లో మాట్లాడిన ఆయన కేంద్రంలో అధికారంలో ఉన్న బీజేపీ వైఖరిని తప్పుబట్టారు. బీజేపీ పాలిత రాష్ట్రాలపైనే కేంద్రం ప్రేమ చూపడం తగదన్నారు. నాలుగు నిమిషాలపాటే తనకు సమయం కావాలని కోరిన రామ్మోహన్ నాయుడు.. ఏపీ ఆర్థిక సంక్షోభాన్ని ఎదుర్కొటోందని.. తమకు న్యాయం చేయాలని డిమాండ్ చేసే హక్కు ఉందన్నారు. దేశాభివృద్ధి అంటే గుజరాత్‌ ఒక్కటేనా? అని ఆయన ఆగ్రహం వ్యక్తం సమాఖ్య స్ఫూర్తి గురించి మాట్లాడే అర్హత మోదీ సర్కారుకు లేదన్నారు.


విభజనతో నష్టపోయిన ఏపీకి న్యాయం చేయాలని కోరుతున్నా పట్టించుకోని కేంద్రం.. అభివృద్ధిలో ముందున్న గుజరాత్ రాష్ట్రంపైనే కేంద్రం ఆపేక్ష చూపిస్తోందని రామ్మోహన్‌ ఆరోపించారు. గుజరాత్‌ ఇంటర్నేషనల్‌ ఫైనాన్స్‌ సర్వీస్‌ సెంటర్‌లో పెట్టుబడులు పెట్టేందుకు వీలుగా పన్ను రాయితీలు కల్పిస్తున్నారని తెలిపారు. ఏపీ న్యాయమైన డిమాండ్లను బీజేపీ పట్టించుకోవడం లేదు. కానీ గుజరాత్‌కు పన్ను రాయితీ ప్రయోజనాలు, అదనపు బడ్జెట్ కేటాయిస్తున్నారని విమర్శించారు. ఏపీ లాంటి రాష్ట్రాలు రేపటి రోజున గుజరాత్‌తో ఎలా పోటీ పడగలవని ఆయన ప్రశ్నించారు.


‘‘ఐదేళ్లలో భారత్ ఐదు లక్షల కోట్ల డాలర్ల ఆర్థిక వ్యవస్థగా ఎదుగుతుందని మోదీ సర్కారు చెబుతోంది. ప్రస్తుతం భారత ఆర్థిక వ్యవస్థ 2.75 ట్రిలియన్ డాలర్లుగా ఉంది. 5 ట్రిలియన్ డాలర్లకు చేరాలంటే.. ఏటా కనీసం పది శాతం చొప్పున జీడీపీ పెరగాలి. కానీ ప్రస్తుతం జీడీపీ 7 శాతం చొప్పునే వృద్ధి చెందుతోంది. మేకిన్ ఇండియా విఫలమైంది, ముద్రా రుణాలు ఫెయిలయ్యాయి. ఇవన్నీ కఠిన నిజాలు.

మేకిన్ ఇండియా ద్వారా ఎన్ని కంపెనీలు దేశానికి వచ్చాయి. ఎన్ని ఉద్యోగాలు కల్పించారు. ఉద్యోగాల గురించి యువత ప్రశ్నిస్తే.. మీరు జాతీయవాదా? జాతి వ్యతిరేకులా? అని ప్రశ్నిస్తున్నారు. మీరు పుల్వామా కోరుకుంటున్నారా? బాలాకోట్ కోరుకుంటున్నారా? అని సమస్యను పక్కదోవ పట్టిస్తున్నారని టీడీపీ ఎంపీ వ్యాఖ్యానించారు. తర్వాత ఈ సమస్యలే మీ మెడకు చుట్టుకుంటాయ’’ని రామ్మోహన్ నాయుడు బీజేపీని హెచ్చరించారు.

 

Telugu News App ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title srikakulam mp kinjarapu ram mohan naidu fires on bjp in parliament

(Telugu News from Samayam Telugu , TIL Network)





Source link

0 0
Next Post

TDP workers targeted, casesfoisted, says Chinarajappa

Former Deputy Chief Minister N. Chinarajappa has accused YSRCP of attacking TDP workers but booking cases against them. The victims of attacks were further harassed by foisting cases under pressure from the ruling party MLAs in a bid to demoralise TDP cadres, he said here on Tuesday. Even party MLAs […]