Kesineni Travels: పీవీపీ Vs కేశినేని.. బెజవాడలో పొలిటికల్ హీట్ – kesineni travels employees protest: war of words between mp nani and ysrcp leader pvp on this issue

admin
Read Time6 Minute, 24 Second


విజయవాడలో కేశినేని ట్రావెల్స్ ఉద్యోగుల ధర్నా.. పెండింగ్ జీతాలు చెల్లించాలని డిమాండ్. ఉద్యోగుల జీతాల వ్యవహారంపై పీవీపీ-ఎంపీ నానిల మధ్య మాటల యుద్ధం. విజయవాడలో హీటెక్కిన రాజకీయం.

Samayam Telugu | Updated:

విజయవాడలో కేశినేని ట్రావెల్స్‌పై మళ్లీ వివాదం రాజుకుంది. తమకు జీతాలు ఇవ్వకుండా ట్రావెల్స్ మూసేసారంటూ మాజీ ఉద్యోగులు లెనిన్ సెంటర్‌లో ధర్నాకు దిగడం సంచలనం రేపింది. ఎంపీ కేశినేని నానికి వ్యతిరేంగా నినాదాలు చేశారు. మూడేళ్ళ నుంచి జీతాల కోసం పోరాటం చేస్తున్నామని.. ఒక్కొక్కరికి డెబ్భై వేల నుంచి లక్షరూపాయల వరకూ ముప్పై మందికి జీతాలు రావాల్సి ఉందన్నారు. ఎన్నికల అఫిడవిట్‌లోనూ ఉద్యోగులకు జీతాలు పెండింగ్‌లో ఉన్నాయని అధికారికంగా ప్రకటించిన ఎంపీ.. బాధితులకు డబ్బులు ఇవ్వకుండా వేధిస్తున్నారని ఆరోపించారు. గతంలో కేశినేని ఆఫీస్‌కు వెళ్తే కార్మికులపై దాడి చేశారని ఆరోపించారు.


ఇటు మాజీ ఉద్యోగులు ధర్నా చేస్తున్న సమయంలోనే కేశినేని ఆఫీస్‌కు చెందిన సిబ్బంది అక్కడికి వెళ్లారు. బకాయిలు ఉన్న ఉద్యోగులకి ఇప్పుడే డబ్బులు ఇచ్చేస్తామంటూ వచ్చారు. బాధితులకు అండగా నిలిచిన సీపీఐ నేత దోనేపూడి శంకర్‌ను కలిశారు. కానీ ఆందోళనచేస్తున్న వారు వచ్చిన వారిని గో బ్యాక్ అంటూ నినాదాలు చేశారు. దీంతో ఉద్రిక్త పరిస్థితులు ఏర్పడగా.. పోలీసులు వారిని వెనక్కు పంపారు. డబ్బులు ఇవ్వడానికి చైర్మన్ కేశినేని లేదా అప్పటి ఎండీ సతీష్ కానీ వస్తే వారితో మాట్లాడతామన్నారు మాజీ ఉద్యోగులు.

ఈ వివాదం నడుస్తుండగానే.. జీతాల వ్యవహారం వైసీపీ నేత పీవీపీ (పొట్లూరి వరప్రసాద్), ఎంపీ కేశినేని నాని మధ్య యుద్ధం మొదలయ్యింది. బాధితులకు మద్దతుగా పీవీపీ ట్వీట్ చేశారు. ‘కసాయివాడికి గొర్రెమీద ఉన్న ప్రేమ కూడా నీకు నీ దగ్గర పనిచేసిన కార్మికుల మీద లేదే.. వేలాదిమంది పొట్టకొట్టి ఈరోజు నువ్వు అందలమెక్కి కూర్చున్నావు.. కడుపుకాలి ఆ కడుపుమంటతో రోడ్డెక్కిన వేలాది కుటుంబాలను ఆదుకో.. లేదంటే నీ బాస్ లాగా సంకనాకిపోతావ్’ అంటూ ట్వీట్ చేశారు.

పీవీపీ ట్వీట్‌పై ఎంపీ కేశినేని నాని ఘాటుగా స్పందించారు. ఇదంతా పీవీపీ కావాలని చేయిస్తున్న కుట్రని ఆరోపించారు. 14మంది ఉద్యోగులకు మాత్రమే జీతాలు పెండింగ్ లో ఉన్నాయని.. అది కూడా వాళ్లు కోర్టుకు వెళ్లడం వల్లే ఆగిపోయాయన్నారు. ఇప్పటికైనా ధర్నా చేస్తున్న వాళ్లు తన దగ్గరకు వస్తే వెంటనే డబ్బులు ఇచ్చేయడానికి సిద్ధమన్నారు. పీవీపీలా తాను వేల కోట్లు బ్యాంకులకు ఎగ్గొట్టలేదని.. నాదర్ గుల్ భూములు కబ్జా చేయలేదని, కోల్ గేట్ స్కాంలో లేననని కౌంటరిచ్చారు. ఎవరు నాశనమవుతారో అన్నింటికి భగవంతుడే ఉన్నాడన్నారు.

ట్రాన్స్ పోర్ట్ కమిషనర్ బాలసుబ్రమణ్యంతో గొడవ, తర్వాత వరుస వివాదాలతో మూడేళ్ళ క్రితం కేశినేని ట్రావెల్స్ మూతపడింది. తన బస్సుల్ని సీజ్ చేసే అంశంపై అప్పటి కమిషనర్ బాలసుబ్రమణ్యంతో కేశినేని గొడవకు దిగారు. ఇది వివాదంగా మారడంతో.. కేశినేనిపై చంద్రబాబు ఆగ్రహం వ్యక్తం చేశారు. బాలసుబ్రహ్మణ్యంకు కేశినేని క్షమాపణ చెప్పారు. ఆ తర్వాత కేశినేని తన ట్రావెల్స్ మూసేశారు.. కానీ ఉద్యోగులకు జీతాలు మాత్రం చెల్లించలేదు. కొంతమంది కార్మికులు గుంటూరు లేబర్ కోర్ట్ లో పిటిషన్ కూడా వేశారు. ఆ కేసు ఇంకా నడుస్తుండగానే.. తాజాగా ఉద్యోగులు ధర్నాకు దిగారు.

 

Telugu News App ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title kesineni travels employees protest war of words between mp nani and ysrcp leader pvp on this issue

(Telugu News from Samayam Telugu , TIL Network)





Source link

0 0
Next Post

Yeddyurappa Becomes Yediyurappa Before 4th Stint As Chief Minister

BS Yeddyurappa, who is said to believe in numerology, has not completed a full term until now. Bengaluru:  Things have changed for Karnataka BJP chief BS Yeddyurappa, and that goes for more than just his political fortunes. He has now reverted to spelling his name the old way, with an […]