Kartarpur Corridor: Kartarpur corridor: నెరవేరిన సిక్కుల స్వప్నం.. – sikh pilgrims visited darbar sahib through kartarpur corridor

admin
Read Time45Seconds


సిక్కుల చిరకాల స్వప్నం సాకారమైంది. పాకిస్థాన్‌లోని దర్బార్‌ సాహిబ్‌ ఆలయాన్ని పంజాబ్‌లోని డేరాబాబా నానక్‌ మందిరంతో కలుపుతూ ఏర్పాటు చేసిన కర్తార్‌పూర్ కారిడార్ శనివారం ప్రారంభమైంది. సిక్కుల మతగురువు గురునానక్ తన జీవితంలో చివరి 18 ఏళ్లు ఇక్కడే గడిపారు. దీంతో ఈ ప్రదేశాన్ని సిక్కులు పవిత్ర ప్రదేశంగా భావిస్తారు. భారత సరిహద్దుకు కేవలం 4 కి.మీ. దూరంలోనే ఈ మందిరం ఉంది.

పంజాబ్‌లోని గురుదాస్‌పూర్ జిల్లా సరిహద్దుల నుంచి ఈ మందిరాన్ని చూడొచ్చు. ఇప్పటి వరకూ కర్తార్‌పూర్ వెళ్లాలంటే లాహోర్ మీదుగా తిరిగి రావాల్సి వచ్చేది. ఇప్పుడు కారిడార్ అందుబాటులోకి రావడంతో నేరుగా అక్కడికి వెళ్లడం తేలికైంది. రోజుకు 5 వేల మంది భారత యాత్రికులు గురుద్వారా దర్బార్ సాహిబ్‌ను సందర్శించేలా భారత్, పాక్ ఒప్పందం చేసుకున్నాయి. అందుకు ఒక్కో యాత్రికుడి నుంచి 20 డాలర్లు వసూలు చేయాలని పాకిస్థాన్ ప్రకటించింది.


Read Also:
అయోధ్య వివాదం: ఆ ప్రధానులకు సాధ్యం కాలేదు.. కానీ మోదీ సాధించారు!

కర్తార్‌పూర్ కారిడార్ ప్రారంభం రోజున చాలా తక్కువ సంఖ్యలోనే యాత్రికులు దర్బార్‌ సాహిబ్‌ ఆలయాన్ని దర్శించారు. రోజుకు 5 వేల మంది యాత్రికులను అనుమతించినప్పటికీ కేవలం 562 మంది యాత్రికులు మాత్రమే పాకిస్థాన్ వెళ్లి దర్బార్ సాహిబ్‌ను దర్శించుకున్నట్లు కేంద్ర హోం శాఖ వర్గాలు తెలిపాయి.

కర్తార్‌పూర్ కారిడార్‌ ద్వారా దర్బార్ సాహిబ్‌ యాత్రను ప్రధాన మంత్రి నరేంద్ర మోదీ జెండా ఊపి ప్రారంభించారు. యాత్రికుల బృందానికి ఆయన శుభాకాంక్షలు తెలిపారు. యాత్రికులు కారిడార్ ద్వారా వెళ్లి దర్బార్ సాహిబ్‌ను దర్శించుకున్నారు. కారిడార్ అవతలి వైపు పాకిస్థాన్‌ ప్రధాని ఇమ్రాన్ జెండా ఊపి స్వాగతం పలికారు.

Also Read: వాళ్లకి జీతాలిచ్చిన తరువాతే నాకు ఇవ్వండి.. హృదయాలను కదిలిస్తున్న ఐఏఎస్ లేఖ





Source link

0 0
Next Post

PM Narendra Modi: నవ భారత నిర్మాణానికి సుప్రీం తీర్పు నాంది: మోదీ - pm narendra modi addresses people after supreme court verdict on ayodhya case

Ayodhya అంశంపై సుప్రీం కోర్టు మహోన్నత తీర్పు వెలువరించిందని ప్రధాని మోదీ పేర్కొన్నారు. చరిత్రలో ఇవాళ కొత్త అధ్యాయం మొదలైందన్నారు. కోర్టు తీర్పును దేశమంతా స్వాగతించిందని తెలిపారు. Samayam Telugu | Updated:Nov 9, 2019, 08:23PM IST భారత్‌లో భిన్నత్వంలో ఏకత్వం అనే మంత్రం ఇవాళ సంపూర్ణత్వంతో వికసించిందని ప్రధాని నరేంద్ర మోదీ అన్నారు. దీర్ఘకాలిక సమస్యపై సుప్రీం కోర్టు మహోన్నత తీర్పు వెలువరించిందని పేర్కొన్నారు. భారత న్యాయవ్యవస్థలో […]