JNU violence : జేఎన్‌యూ ఉద్రిక్తం .. విద్యార్థులపై కర్రలు, ఇనుప రాడ్లతో దాడులు – masked mob attacks on students, teachers at jnu

admin
Read Time4 Minute, 22 Second


దేశ రాజధాని ఢిల్లీలోని జవహర్‌ లాల్‌ నెహ్రూ యూనివర్సిటీ (జేఎన్‌యూ) ప్రాంగణం మరోసారి రణరంగంగా మారింది. ముసుగులు ధరించిన సుమారు 50 మంది కర్రలు, రాడ్లతో విద్యార్థులపై విచక్షణా రహితంగా దాడికి పాల్పడ్డారు. ఈ దాడుల్లో పలువురు విద్యార్థులకు తీవ్రగాయాలయ్యాయి. ఇనుప రాడ్లతో దాడి చేయడంతో విద్యార్థుల తలలు పగిలిపోయాయి. ఒక్కసారిగా క్యాంపస్‌లోకి ప్రవేశించిన దుండగులు విరుచుకుపడ్డారు.


కొందరు లెక్చరర్లు సహా విద్యార్థులతో సమావేశం జరుగుతుండగా దాడికి పాల్పడినట్లు తెలుస్తోంది. ఈ దాడిలో పలువురు లెక్చరర్లకు కూడా గాయాలయ్యాయి. ఏబీవీపీ నేతలే దాడులకు పాల్పడినట్లు జేఎన్‌యూ విద్యార్థి సంఘ నేతలు ఆరోపిస్తున్నారు. కొందరు బయటి వ్యక్తులతో కలిసి దాడులకు తెగబడ్డారని చెబుతున్నారు. వర్సిటీలోని సబర్మతితో పాటు పలు వసతి గృహాల్లోకి చొచ్చుకెళ్లి విద్యార్థులపై దాడులు చేశారని ఆరోపించారు.

Also Read:
ఉత్తరాంధ్ర జాలర్లను విడుదల చేసిన పాక్.. వాఘా సరిహద్దుకు ఏపీ మంత్రి

ఈ దాడుల్లో వర్సిటీ విద్యార్థి సంఘం(జేఎన్‌యూఎస్‌యూ) నేత ఐషే ఘోష్‌కు తీవ్రగాయాలయ్యాయి. మాస్కులు ధరించిన వ్యక్తులు ఒక్కసారిగా కర్రలు, ఇనుప రాడ్లతో దాడులు చేశారని ఆయన చెప్పారు. దాడులకు పాల్పడుతున్న వారిని అడ్డుకునేందుకు యత్నించిన ప్రొఫెసర్లపైనా దాడి చేశారని ఆయన పేర్కొన్నారు. వసతి గృహాలపై రాళ్ల దాడి చేయడంతో అద్దాలు ధ్వసమయ్యాయి. సుమారు 50 మంది మాస్కులు ధరించి ఈ దాడికి పాల్పడినట్లు ప్రత్యక్ష సాక్షులు చెబుతున్నారు.

విద్యార్థులపై దాడులతో వర్సిటీ ప్రాంగణం రణరంగంగా మారింది. ఢిల్లీ పోలీసులు పెద్ద ఎత్తున వర్సిటీకి చేరుకున్నారు. పరిస్థితిని అదుపులోకి తెచ్చేందుకు ప్రయత్నిస్తున్నారు. ఈ ఘటనను ఢిల్లీ ముఖ్యమంత్రి అరవింద్‌ కేజ్రీవాల్‌ తీవ్రంగా ఖండించారు. తక్షణమే వర్సిటీ శాంతియుత వాతావరణం తెచ్చేలా తక్షణ చర్యలు చేపట్టాలని ఢిల్లీ పోలీసులను ఆయన ఆదేశించారు.

జేఎన్‌యూలో పరిస్థితులపై రాహుల్ గాంధీ స్పందించారు. దాడుల్లో ప్రొఫెసర్లు, విద్యార్థులు తీవ్రంగా గాయపడ్డారని ఆవేదన చెందారు. విద్యార్థుల గొంతునొక్కే చర్యలుగా ఆయన అభివర్ణించారు. అయితే ఏబీవీపీ ఆధ్వర్యంలోనే దాడులు జరిగాయని ఆరోపణలు వస్తున్న నేపథ్యంలో బీజేపీ దాడులపై స్పందించింది. దాడులను తీవ్రంగా ఖండిస్తున్నట్లు ప్రకటించింది.





Source link

0 0
Next Post

BJP leader lauds Jagan’s ‘Executive’ idea

After the TDP and the JSP, there is division of opinion in the BJP too over the proposal of Chief Minister Y.S. Jagan Mohan Reddy to make Visakhapatnam the Executive capital of the State. Senior BJP leader and former MLA P. Vishnu Kumar Raju on Sunday said he favoured the […]