international news News: కరోనా ఎఫెక్ట్: జర్మనీ మంత్రి ఆత్మహత్య.. ప్రజలకు సాయం చేయలేనేమోనని.. – coronavirus effect: german minister thomas schaefer commits suicide

admin
Read Time3 Minute, 54 Second


కోవిడ్-19 కారణంగా జర్మనీలోని హెస్సే రాష్ట్ర ఆర్థిక మంత్రి థామస్ షఫెర్ ఆత్మహత్యకు పాల్పడ్డారు. కరోనా వైరస్ ప్రభావం ఆర్థిక వ్యవస్థపై తీవ్ర ప్రభావం చూపుతుందనే ఆందోళనతో ఆయన సూసైడ్ చేసుకున్నారని తెలుస్తోంది. హొచీమ్ పట్టణంలో ఆయన మృతదేహాన్ని హై స్పీడ్ రైల్వే లైన్‌పై గుర్తించారు. రైల్వే ట్రాక్‌పై డెడ్ బాడీని గుర్తించిన పారామెడికల్ సిబ్బంది పోలీసులుకు సమాచారం అందించారు. తర్వాత మృతదేహాన్ని పరిశీలించిన భద్రతా సిబ్బంది చనిపోయింది థామస్ అని గుర్తించారు. కానీ ఈ కేసుకు సంబంధించిన వివరాలను పోలీసులు చాలా సేపటి వరకూ గోప్యంగా ఉంచారు.


బలవనర్మరణానికి పాల్పడే ముందు థామస్ సూసైడ్ నోట్ రాసినట్లు తెలుస్తోంది. ఇటీవల ఆయన తరచుగా ప్రజల మధ్య కనిపిస్తున్నారు. కరోనా సంక్షోభం వేళ ఆర్థిక సాయం గురించి ఆయన ప్రజలకు సమాచారం అందించారు. షఫెర్ జర్మనీ ఛాన్సలర్ ఏంజెలా మెర్కెల్‌కు చెందిన క్రిస్టియన్ డెమొక్రాట్స్ (సీడీయూ) పార్టీకి చెందిన నాయకుడు. గత రెండు దశాబ్దాలుగా రాజకీయాల్లో ఉన్న ఆయన్న దాదాపు పదేళ్లుగా ఆర్థిక మంత్రిగా పని చేస్తున్నారు.

జర్మనీ ఆర్థిక రాజధాని ఫ్రాంక్‌ఫర్ట్ నగరం కూడా హెస్సే రాష్ట్ర పరిధిలోనే ఉంది. స్టేట్ ప్రీమియర్ వోకర్ బౌఫీయర్‌కు షఫెర్ వారసుడనే భావించారు. 2023లో ఆయన పోటీకి దూరంగా ఉంటే థామస్ ప్రీమియర్ (మన సీఎం పదవి లాంటిది) అవుతారనుకున్నారు. కానీ ఇంతలోనే ఆయన ఆత్మహత్య చేసుకోవడంతో జర్మనీ రాజకీయ నాయకులు షాకయ్యారు. కోవిడ్ మహమ్మారి కారణంగా షఫెర్ తీవ్ర ఒత్తిడికి లోనయ్యారని బౌఫీయర్ తెలిపారు. ఆర్థిక సాయం పట్ల ప్రజల్లో తీవ్రమైన అంచనాలు ఉండటంతో.. వాటిని అందుకోవడం ఎలా అనే ఆందోళనతో, తీవ్ర మనస్తాపానికి గురైన థామస్ ఆత్మహత్యకు పాల్పడ్డాడని ప్రీమియర్ తెలిపారు.

ఆదివారం సాయంత్రం వరకు జర్మనీలో 58 వేల మందికిపైగా కోవిడ్ బారిన పడగా 455 మంది ప్రాణాలు కోల్పోయారు. పొరుగున ఉన్న ఫ్రాన్స్, యూకేలతో పోలిస్తే.. ఇక్కడ కరోనా కేసులు ఎక్కువే అయినప్పటికీ మరణాలు తక్కువగా నమోదవుతున్నాయి.





Source link

0 0
Next Post

65 persons admitted to GGH, 40 test negative in Anantapur

A massive COVID-19 swab testing process has begun in Anantapur district and 65 persons, who are either contacts of the people who tested positive or with history of recent foreign travel, have been admitted to the Government General Hospital. District Medical and Health Officer K.V.N.S. Anil Kumar said two contacts, […]