Imran Khan: భారత్‌తో యుద్ధం, అణ్వస్త్ర ప్రయోగం.. పాకిస్థాన్ ప్రధాని ఆసక్తికర వ్యాఖ్యలు – pakistan will not start war with india and will not use nuclear weapons first says pm imran khan

admin
Read Time44Seconds


జమ్మూ కశ్మీర్‌‌‌కు స్వయం ప్రతిపత్తిని కల్పించే ఆర్టికల్ 370ని భారత్ రద్దు చేసిన తర్వాత పాకిస్థాన్ తీవ్ర కసితో రగిలిపోతున్న సంగతి తెలిసిందే. మోదీ సర్కార్ నెక్స్ట్ టార్గెట్ పీవోకే అని తెలిసిన పాక్ సర్కారు.. యుద్ధానికి సై అంటోంది. పాక్ నేతలు, మియాందాద్ లాంటి మూలనపడ్డ క్రికెటర్లూ.. యుద్ధం కోసం రంకెలేస్తున్నారు. కానీ పాక్ ప్రధాని ఇమ్రాన్ ఖాన్ మాత్రం తాము శాంతి పక్షం అంటున్నారు. కశ్మీర్ కోసం ఎంతకైనా తెగిస్తాం, రెండు అణ్వస్త్ర దేశాల మధ్య యుద్ధం ప్రభావం ఎలా ఉంటుందో తెలుసా? అంటూనే.. యుద్ధం వద్దు బాస్ అని ప్రకటిస్తున్నారు.


తాజాగా పాకిస్థాన్ ప్రధాని ఇమ్రాన్ ఖాన్ మరో సంచలన ప్రకటన చేశారు. అదేంటంటే.. తమ దేశం అణ్వాయుధాలను ముందుగా వాడబోదట. భారత్, పాక్ రెండూ అణ్వస్త్ర దేశాలే, ఇరు దేశాల మధ్య పెరుగుతున్న ఉద్రిక్తతలు ప్రపంచానికి ముప్పుగా పరిణమిస్తున్నాయని ఇమ్రాన్ ఆందోళన వ్యక్తం చేశారు. భారత్‌తో ఎట్టి పరిస్థితుల్లో తామే యుద్ధాన్ని ప్రారంభించ బోమని చెప్పారు. లాహోర్‌లో సిక్కులను ఉద్దేశించి మాట్లాడుతూ పాక్ ప్రధాని ఈ వ్యాఖ్యలు చేశారు. ఇటీవలే ఆయన దక్షిణాసియాపై అణు నీడ కమ్ముకుందని వ్యాఖ్యానించడం గమనార్హం.

పాక్ ప్రధాని ఇలా వ్యాఖ్యానించడానికి కారణం ఏంటనుకుంటున్నారా…? వాస్తవానికి అణ్వాయుధాలను ముందుగా వాడొద్దనేది భారత్ విధానం. కానీ మోదీ సర్కారు దూకుడు మీదున్న సంగతి తెలిసిందే కదా. ఇటీవలే రక్షణ మంత్రి రాజ్‌నాథ్ సింగ్ ఓ ట్వీట్ వదిలారు.

ఇప్పటి వరకూ అణ్వస్త్రాలను ముందు వాడొద్దనే విధానానికి కట్టుబడే ఉన్నాం. కానీ ఇక మీదట ఇదే విధానానికి కట్టుబడి ఉండటం అన్నది ‘పరిస్థితుల’ మీద ఆధారపడి ఉంటుందని రాజ్‌నాథ్ ట్వీట్ చేశారు. మరో వైపు అమెరికా సైతం పాక్ దగ్గరున్న అణ్వాయుధాలు ఉగ్రవాదుల చేతికి చిక్కితే పరిస్థితి ఏంటని ఆందోళన వ్యక్తం చేస్తోంది. అంతర్జాతీయ సమాజం నుంచి వస్తోన్న ఒత్తిడి, ఆర్థిక సమస్యలు కూడా పాక్ ప్రధాని ఇలా మాట్లాడటానికి కారణమై ఉండొచ్చు.





Source link

0 0
Next Post

Kulbhushan Jadhav: జాదవ్‌ను కలిసిన భారత అధికారి.. కుల్‌భూషణ్ ఈ స్థితిలోనా..! - indian officials meets kulbhushan jadhav in islamabad

పాకిస్థాన్ చెరలో ఉన్న కుల్ భూషణ్ జాదవ్‌ ఇప్పుడెలా ఉండి ఉంటారో ఊహించగలరా..? పోనీ ఏడాది క్రితం ఆయన భార్య, తల్లి కలిసినప్పుడు జాదవ్ ఎలా ఉన్నారో గుర్తుందా? ఆయన ముఖం చూడగానే.. పాకిస్థాన్ ఆర్మీ చేతిలో చిత్రవధకు గురైనట్టుగా అనిపించింది కదూ. ఆయన మాట్లాడిన ప్రతి మాటను పాక్ నిర్దేశించినట్టుగా, ఆయన తీవ్ర ఒత్తిడిలో ఉన్నట్టుగా అనిపించింది. తాజాగా జాదవ్‌ను కలిసిన భారత డిప్యూటీ హై కమిషనర్ గౌరవ్ […]