hyderabad corona helpdesk : ‘హైదరాబాద్‌-సొంతూరు వెళ్లేందుకు పాసులు.. ఈ నంబర్‌కు వాట్సాప్ చేయండి’ – hyderabad city police shares corona help desk mail id and whatsapp number

admin
Read Time50Seconds


దేశమంతా లాక్‌డౌన్ విధించడంతో ప్రజారవాణా మొత్తం నిలిచిపోయింది. దీంతో ప్రజలంతా ఎక్కడి వారు అక్కడే ఉండిపోయారు. ఏదైనా పని మీద నగరాలకు వచ్చిన వారు.. హాస్టళ్లలో ఉంటూ ఇబ్బందులు పడుతున్నవారూ.. సొంతూళ్లకు తిరిగి వెళ్లాలని భావిస్తున్నారు. హైదరాబాద్ నుంచి ఏపీ వెళ్లడం కోసం చాలా మంది ఎదురు చూస్తున్నారు. అత్యవసరంగా పొరుగు రాష్ట్రాలకు వెళ్లాల్సిన వారి కోసం హైదరాబాద్ పోలీసులు పాసులు జారీ చేస్తున్నారు. దీంతో చాలా మంది పోలీసు స్టేషన్ల దగ్గరకు వెళ్తున్నారు. ముఖ్యంగా హాస్టళ్లు ఎక్కువగా ఉండే ఎస్ఆర్ నగర్ ఏరియాలో చాలా మంది యువత పోలీసు స్టేషన్ ముందు క్యూ కట్టారు.


హైదరాబాద్‌లో ఇప్పటి వరకూ 900 పాసులు ఇచ్చామని.. ఇందులో 750 వ్యక్తిగత పాసులు ఇచ్చామని హైదరాబాద్ కమిషనర్ అంజనీ కుమార్ తెలిపారు. మరో 700 పాసులను ఈరోజే ఇస్తామన్నారు. ఇందుకోసం 24 గంటలూ పని చేస్తున్నామన్నారు. ప్రజల సౌకర్యార్థం హెల్ప్ డెస్క్ 24 గంటలూ పని చేస్తోందన్నారు. దీనికి ఓ మెయిల్ ఐడీ, వాట్సాప్ నంబర్ ఉన్నాయన్నారు.

ఊళ్లకు వెళ్లాలని అనుకునే వాళ్లు, ఏదైనా సమస్యల పరిష్కారం కోసం
covid19.hyd@gmail.com ‌కు మెయిల్ చేయడం లేదా 94906 16780 నంబర్‌కు వాట్సాప్ చేస్తే పోలీసులే మిమ్మల్ని సంప్రదిస్తారని కమిషనర్ తెలిపారు. ప్రజలెవరూ పోలీసు స్టేషన్లకు రావాల్సిన అవసరం లేదన్నారు. హైదరాబాద్ సిటీ పోలీసు ట్విట్టర్ హ్యాండిల్ నుంచి ఈ వివరాలను ట్వీట్ చేయగా.. వాట్సాప్ నంబర్ పని చేయడం లేదని చాలా మంది ఫిర్యాదు చేస్తున్నారు.

పాలు, పాల ఉత్పత్తులకు సంబంధించిన వాహనాలు వేరే రాష్ట్రాల నుంచి నిత్యం హైదరాబాద్ వస్తున్నాయన్న కమిషనర్ అంజనీ కుమార్.. ఇలాంటి వాహనాలకు పాసులు అవసరం లేదన్నారు. పోలీసులెవరూ పాల వాహనాలను అడ్డుకోరన్నారు. నిత్యావసరాలను సరఫరా చేయడం కోసం ఈ-కామర్స్ సంస్థలకు పాసులను జారీ చేస్తున్నామని హైదరాబాద్ పోలీసులు తెలిపారు.





Source link

0 0
Next Post

Andhra Pradesh government to distribute ration, cash relief at doorsteps- The New Indian Express

By PTI MACHILIPATNAM:  People in Andhra Pradesh will get free ration at their door steps on March 29 in view of the nationwide lockdown to check the spread of coronavirus, state Civil Supplies Minister Kodali Srivenkateswara Rao said on Wednesday. The ration cardholders need not visit the public distribution system […]