hyderabad beer cases robbery : కరోనా ఎఫెక్ట్.. లోడు లారీ నుంచి బీర్ కేసులు లూటీ.. ఎక్కడంటే.? – 120 beer cases theft in medchal of telangana

admin
Read Time45Seconds


కరోనా ఎఫెక్ట్ మందుబాబులపై పడినట్టుంది. కేంద్ర, రాష్ట్ర ప్రభుత్వాలు లాక్‌డౌన్ ప్రకటించడంతో మద్యం దొరక్క ఇబ్బందులెదుర్కొంటున్నట్టున్నారు.. ఎదురుగా బీర్‌ల లోడు లారీ కన్పించేసరికి చేతికి పనిచెప్పారు. ఏకంగా 120 కేసుల బీర్లు చోరీ చేశారు. తెలంగాణలోని మేడ్చల్ జిల్లాలో జరిగిన ఈ సంఘటన వివరాలు.. మేడ్చల్ పరిధిలోని దేవరయాంజల్ వద్ద ఉన్న ప్రభుత్వ మద్యం డిపోకి మల్లేపల్లి నుంచి బీర్ల లోడుతో లారీ వచ్చింది. అయితే కరోనా లాక్‌డౌన్‌తో బీర్లు లారీ నుంచి కిందకు దించలేదు.


రాత్రి వేళ లారీని డిపోలోనే ఉంచడంతో దుండగులు రెచ్చిపోయారు. రాత్రి వేళలో డిపోలోకి చొరబడి బీర్ కేసులు కొల్లగొట్టారు. మద్యం డిపో గోడ పక్కన రాళ్లుపెట్టి లోపలికి ప్రవేశించిన దుండగులు లోడును కప్పి ఉంచిన టార్పాలిన్ పట్టా, తాళ్లను కత్తిరించి బీర్ కేసులను దోచుకెళ్లారు. ఏకంగా 120 బీర్ కేసులు చోరీ చేశారు. ఉదయాన్నే వచ్చి చూసిన లారీ డ్రైవర్ విషయాన్ని డిపో మేనేజర్ దృష్టికి తీసుకెళ్లాడు.

Also Read:
మహిళా సర్పంచ్ ఆత్మహత్య.. వికారాబాద్‌లో విషాదం

బీర్ కేసులు చోరీ చేసిన విషయమై మేనేజర్ పేట్ బషీరాబాద్ పోలీసులకు ఫిర్యాదు చేశారు. చోరీ కేసు నమోదు చేసుకున్న పోలీసులు విచారణ చేపట్టారు. లాక్‌డౌన్ నేపథ్యంలో వైన్స్, బార్లు మూసివేయడంతో ఇంటి దొంగలే చోరీకి పాల్పడి ఉంటారని అనుమానిస్తున్నారు.





Source link

0 0
Next Post

warangal man walking : వరంగల్-మంచిర్యాల కాలినడక.. ఇంటికి వెళ్లేందుకు పెద్దాయన ప్రయాస - old man started walking from warangal to mancherial along railway track

Telangana Lockdown | లాక్‌డౌన్ కారణంగా సొంతూరు వెళ్లడానికి బస్సులు, రైళ్లేవీ లేకపోవడంతో ఓ పెద్దాయన రైలు పట్టాల వెంబడి నడక ప్రారంభించాడు. Ravi Kumar | Samayam Telugu | Updated:Mar 26, 2020, 07:05PM IST X వరంగల్ టు మంచిర్యాల.. వృద్ధుడి కాలినడక కరోనా వైరస్ నియంత్రణకు 21 రోజులపాటు లాక్‌డౌన్ విధిస్తూ కేంద్రం నిర్ణయం తీసుకున్న సంగతి తెలిసిందే. మోదీ సర్కారు నిర్ణయంతో ఎక్కడికి […]