hayat nagar kidnap: హయత్‌నగర్‌ యువతి కిడ్నాప్.. ఇద్దరు మహిళల్ని ఇలాగే.. – another case filed on hayat nagar kidnap case accused ravi shankar in east godavari district

admin
Read Time4 Minute, 51 Second


తెలుగు రాష్ట్రాల్లో సంచలనం రేపిన హతయ్ నగర్‌ యువతి కిడ్నాప్ మిస్టరీ కొనసాగుతోంది. ఈ కేసులో నిందితుడిగా ఉన్న రవి శంకర్ క్రైమ్ రికార్డ్ చూసి పోలీసులే అవాక్కవుతున్నారు. రవి శంకర్‌ యువతిని కిడ్నాప్ చేసే రెండు రోజుల ముందు తూర్పు గోదావరి జిల్లాలో మరో ఇద్దరు మహిళల్ని మోసం చేశాడు. బాధిత మహిళలు సీతానగరం పోలీసులకు ఫిర్యాదు చేశారు. అతడి తమను మోసం చేశాడని.. మాయ మాటలు చెప్పి డబ్బు వసూలు చేసినట్లు తెలిపారు.


బాధిత మహిళలు చెబుతున్న వివరాల ప్రకారం.. ఈ నెల 20న ఓ మహిళ బస్సు కోసం వేచి ఉండగా.. రవి శంకర్ కారులో అక్కడికి వెళ్లాడు. ఆమెతో మాట కలిపి ఎక్కడికి వెళ్లాలని అడిగాడు.. తాను అదే ఊరు వెళుతున్నానని మాయ మాటలు చెప్పాడు. మహిళను కారులో ఎక్కించుకొని.. తాను విజయవాడ కలెక్టరేట్‌లో ఉద్యోగం చేస్తున్నాని నమ్మించే ప్రయత్నించాడు. సరదాగా పల్లెటూర్లు చూద్దామని ఇలా వచ్చానంటూ బిల్డప్ ఇచ్చాడు.. చీకటి పడిపోయిందని.. రాత్రికి ఇక్కడే ఉంటానంటూ మహిళ ఇంట్లోనే మకాం పెట్టాడు.

ఆ రాత్రి పక్కింట్లో ఉండే మహిళను ట్రాప్‌లో పెట్టాడు. ఆమెతో మాటలు కలిపి పరిచయం చేసుకున్నాడు. దీంతో ఆమె తన కుటుంబ సమస్యల్ని అతడితో చెప్పి బాధపడింది. తమకు భూమి ఉందని.. ప్రస్తుతం అది వివాదంలో ఉందని చెప్పుకొచ్చింది. ఆ సమస్యను తాను పరిష్కరిస్తానని రవి శంకర్ నమ్మబలికాడు. ఆమె దగ్గర రూ.65వేలు వసూలు చేశాడు.. ఆ మరుసటి రోజు (22వ తేదీన) మహిళలు ఇద్దర్ని కారులో ఎక్కించుకొని సీతానగరం తీసుకెళ్లాడు. ఆదివారం కాబట్టి తహశీల్దార్ కార్యాలయంలో సిబ్బంది ఉండరని.. సోమవారం సమస్యను పరిష్కరిస్తానని చెప్పడంతో వారు నమ్మారు.

తర్వాత ఇద్దరు మహిళలకు మాయ మాటలు చెప్పి.. ఆ రోజు, రాత్రంతా కారులోనే తిప్పాడు. సోమవారం ఉదయాన్నే మహిళల ఊరి శివారులో ఉన్న శ్మశాన వాటిక దగ్గర కారు కాస్త స్లో చేశాడు.. ఇద్దర్ని బయటకు తోసి అక్కడి నుంచి పారిపోయాడు. తర్వాత బాధితులిద్దరూ ఇంటికి చేరుకున్నారు. మోసం చేసిన వ్యక్తి ఎవరో తెలియకపోవడంతో ఏం చేయలేక పోలీసులకు ఫిర్యాదు చేయలేదు. ఈలోపు హైదరాబాద్ హయత్ నగర్‌లో యువతి కిడ్నాప్ జరిగింది.

యువతి కిడ్నాప్ కేసులో రవి శంకర్ ఫోటో మీడియాలో రావడంతో బాధిత మహిళలు చూశారు. అతడ్ని గుర్తుపట్టి పోలీసులకు ఫిర్యాదు చేశారు. ఈ ఘటనపై కేసు నమోదు చేసిన పోలీసులు.. దర్యాప్తు ప్రారంభించారు. ఇదిలా ఉంటే రవి శంకర్ కిడ్నాప్ చేసిన యువతి కోసం హైదరాబాద్ పోలీసులు గాలింపు ముమ్మరం చేశారు. నిందితుడిపై రివార్డ్‌ ప్రకటించారు.. అతడి ఆచూకీ తెలిపిన వారికి రూ.లక్ష ఇస్తామని తెలిపారు. AP39 AQ 1686 రిజిస్ట్రేషన్ నంబర్ కారులో తిరుగుతున్నాడని.. ఎవరికైనా కనిపిస్తే 94906 17161, 94906 17111, 94947 21100, మొబైల్ నంబర్లకు ఫోన్ చేయాలన్నారు.





Source link

0 0
Next Post

Mukesh Goud: కాంగ్రెస్ నేత, మాజీ మంత్రి ముఖేష్ గౌడ్ ఆరోగ్య పరిస్థితి విషమం - ex minister mukesh goud health condition serious, admitted in hospital

ముఖేష్ గౌడ్‌ను అపోలో ఆస్పత్రికి తరలించిన కుటుంబ సభ్యులు. ఐసీయూలో చికిత్స.. ఆరోగ్య పరిస్థితి విషమంగా ఉందంటున్న వైద్యులు. ఏడు నెలలుగా కేన్సర్ వ్యాధితో బాధపడుతున్న ముఖేష్. Samayam Telugu | Updated:Jul 28, 2019, 11:40PM IST తెలంగాణ కాంగ్రెస్ నేత, మాజీ మంత్రి ముఖేష్ గౌడ్ ఆరోగ్యం పరిస్థితి విషమించింది. ఆయన్ను కుటుంబ సభ్యులు హుటా హుటిన జూబ్లీహిల్స్‌లోని అపోలో ఆస్పత్రికి తరలించారు. ఆయనకు ఐసీయూలో చికిత్స […]