hanmakonda rape victim: మా బిడ్డను రేప్ చేసి చంపినోళ్లనూ ఎన్‌కౌంటర్ చేయాల్సిందే.. – hanmakonda rape victim parents demand that encounter accusers too

admin
Read Time44Seconds


వెటర్నరీ డాక్టర్ ‘దిశ’ను అత్యాచారం చేసి హత్య చేసిన నలుగురిని పోలీసులు ఎన్‌కౌంటర్‌లో హతమార్చిన నేపథ్యంలో ఇలాంటి డిమాండ్లు మరిన్ని వస్తున్నాయి. వరంగల్ అర్బన్ జిల్లా హన్మకొండలో నవంబర్ 27న ఓ యువతిపై అత్యాచారానికి పాల్పడి హత్య చేసి రోడ్డు పక్కన పడేసిన వెళ్లిన నిందితులను కూడా ఎన్‌కౌంటర్ చేయాల్సిందేనని బాధితురాలి తల్లిదండ్రులు డిమాండ్ చేశారు. ఈ మేరకు శుక్రవారం వారు దీక్షకు దిగారు. ఈ సందర్భంగా బాధితురాలి తల్లిదండ్రులు సంచలన ఆరోపణలు చేశారు.


తమ బిడ్డను చంపింది నలుగురని.. అయితే పోలీసులు మాత్రం ఒక్కడే అని అబద్ధం చెబుతున్నారని యువతి తల్లిదండ్రులు ఆరోపించారు. తమ కూతురును చిత్రహింసలు పెట్టి చంపారని భావోద్వేగం చెందారు. ఈ సందర్భంగా ‘దిశ’ ఘటనలో నిందితుల ఎన్‌కౌంటర్‌పై వారు హర్షం వ్యక్తం చేశారు. అలాగే తమ బిడ్డను చంపిన నిందితులను కూడా ఎన్‌కౌంటర్‌ చేయాలని డిమాండ్ చేశారు.

హన్మకొండలోని దీనదయాళ్‌నగర్‌లో నివాసం ఉండే యువతి నవంబర్ 27న తన పుట్టినరోజు సందర్భంగా గుడికి వెళ్లి వస్తానని తల్లిదండ్రులకు చెప్పి వెళ్లి శవమై తేలిన సంగతి తెలిసిందే. ఉదయం ఇంటి నుంచి వెళ్లిన యువతి ఫోన్ మధ్యాహ్నం నుంచి స్విచ్ ఆఫ్ చేసి ఉండటంతో తల్లిదండ్రులు ఆందోళన చెందారు. సాయంత్రానికి కూడా ఇంటికి రాకపోవడంతో కుటుంబ సభ్యులు గాలింపు చేపట్టారు. అయితే 27న రాత్రి 11 గంటల సమయంలో యువతి డెడ్‌బాడీని గుర్తించారు.

యువతి క్లాస్‌మేటే ఆమెను ఇంటి నుంచి బయటికి రమ్మని చెప్పి ఈ అఘాయిత్యానికి పాల్పడినట్లు పోలీసుల విచారణలో తేలింది. ఘటనా స్థలం సమీపంలో సీసీ ఫుటేజ్ ఆధారంగా నిందితుడు యువతి క్లాస్‌మెట్ సాయిగా గుర్తించి.. కీలక ఆధారాలను సేకరించారు. పుట్టినరోజు నాడు ఆమెను నమ్మించి సాయి బయటికి తీసుకెళ్లినట్లు తెలుస్తోంది. నిర్మానుష్య ప్రదేశంలో ఆమెపై అత్యాచారయత్నం చేయగా.. యువతికి తీవ్ర రక్తస్రావం కావడంతో అపస్మారక స్థితిలోకి వెళ్ళి, తర్వాత చనిపోయింది. దీంతో రోడ్డు పక్కనే మృతదేహాన్ని పారవేసి నిందితుడు పారిపోయాడు. దీనిపై విచారణ జరిపిన పోలీసులు నిందితుడిని అరెస్ట్ చేశారు. అయితే తమ కుమార్తెపై దుశ్చర్యకు పాల్పడింది నలుగురని, వారిని కూడా ‘దిశ’ నిందితుల మాదిరిగానే ఎన్‌కౌంటర్ చేయాలని తల్లిదండ్రులు డిమాండ్ చేస్తున్నారు.





Source link

0 0
Next Post

Telangana Top Cop Led Warangal Police During Similar Op In 2008

VC Sajjanar who led Friday’s operation in Telangana is the Police Commissioner of Cyberabad. Hyderabad: One of the police officers in the team that shot dead four men accused of raping and killing a veterinarian in Telangana, VC Sajjanar, has been involved in “encounters” in the past. Mr Sajjanar, the […]