H-1B visas: హెచ్-4 వీసాలపై ట్రంప్ ఆదేశాలకు కోర్టు బ్రేక్.. భారతీయులకు ఊరట! – us courts of appeals refuses to strike down work permits for spouses of h-1b visa workers

admin
Read Time48Seconds


హెచ్‌-1బీ వీసాదారుల జీవిత భాగస్వాములకు ఉద్యోగావకాశాన్ని కల్పిస్తూ ఒబమా ప్రభుత్వం తీసుకొచ్చిన నిబంధనను ట్రంప్ రద్దుచేసిన విషయం తెలిసిందే. ట్రంప్ తీసుకున్న నిర్ణయాన్ని సవాల్ చేస్తూ యూఎస్ కోర్ట్స్ ఆఫ్ అప్పీల్‌లో పిల్ దాఖలయ్యింది. దీనిపై విచారణ చేపట్టిన కోర్టు.. ట్రంప్ సర్కార్‌ ఆదేశాల్ని తాత్కాలికంగా నిలిపివేయాలని ఆదేశించింది. ఈ నిర్ణయాన్ని పునఃపరిశీలించాలని దిగువ కోర్టును కోరిన యూఎస్ కోర్ట్స్ ఆఫ్ అప్పీల్.. క్షుణ్నంగా పరిశీలించి తుది నిర్ణయానికి రావాలని సూచించింది. అప్పటి వరకు నిబంధనలను నిలుపుదల చేయడం ఉత్తమమని పేర్కొంది.

అలాగే తుది తీర్పును కూడా నిలిపివేయాలని కోరింది. దీంతో వేలాది మంది భారతీయులకు తాత్కాలిక ఉపశమనం లభించింది. హెచ్‌-1బీ వీసాదారుల జీవిత భాగస్వాములకు అమెరికాలో ఉద్యోగాలు చేసుకునే వెసులుబాటు కల్పిస్తూ ఒబామా సర్కార్‌ హెచ్‌-4వీసా విధానాన్ని 2015లో ప్రవేశపెట్టింది. అయితే, దీని వల్ల స్థానికులు నష్టపోతున్నారని, అమెరికాలో ఉద్యోగాలు- స్థానికులకు అనే నినాదంతో అధికారంలోకి వచ్చిన డొనాల్డ్ ట్రంప్ తన హమీ నెరవేర్చే ప్రయత్నంలో హెచ్-1బీ వీసాల జారీ విధానంలో సమూలంగా మార్పులు తీసుకొచ్చారు.


హెచ్-4 వీసాల కింద వేలాది భారతీయులు, ఇతర దేశాల వారు అమెరికా సంస్థల్లో పనిచేస్తున్నారు. హెచ్-1బీ వీసా తర్వాత హెచ్-4 వీసాకు విపరీతమైన డిమాండ్ ఉంది. అమెరికాలోని ఐటీ సంస్థల్లో హెచ్ 1బీ వీసాపై భారతీయులు పెద్దసంఖ్యలో పనిచేస్తున్నారు. ట్రంప్ నిర్ణయాన్ని వ్యతిరేకిస్తూ అమెరికా కాంగ్రెస్‌లో అన్నా జీ ఈషో, లోఫ్‌గ్రీన్‌లు హెచ్-4 ఉద్యోగ రక్షణ చట్టం కింద బిల్లును ప్రవేశపెట్టారు. ఈ వీసాలను రద్దు చేస్తే కుటుంబ వ్యవస్థ విచ్ఛిన్నమవుతుందని, ఉద్యోగ విధానాల్లో పారదర్శకత లోపిస్తుందని బిల్లులో పేర్కొన్నారు.

తాజాగా కొలంబియాలోని యూఎస్ కోర్ట్స్ ఆఫ్ అప్పీల్స్‌కు చెందిన ముగ్గురు సభ్యుల ధర్మాసనం శుక్రవారం ఈ ఉత్తర్వులు వెలువరించింది. ఈ అభిప్రాయానికి అనుగుణంగా తదుపరి చర్యల కోసం జిల్లా కోర్టును వివరణ కోరింది. అంతేకాదు, ప్రస్తుతం హెచ్-1బి నాన్-ఇమ్మిగ్రెంట్స్ చట్టబద్దంగా అమెరికాలో శాశ్వతంగా ఉండేందుకు అవకాశం కల్పించడం వల్ల కొంత అసంతృప్తిని తగ్గించవచ్చని న్యాయమూర్తులు అన్నారు.

అయితే, హెచ్-1బి నాన్-ఇమ్మిగ్రెంట్స్, వారి కుటుంబాలు శాశ్వత నివాసం పొందే ప్రక్రియలో తీవ్ర జాప్యాన్ని ఎదుర్కొంటున్నారని ప్రభుత్వం వివరించింది. ఈ సమయంలో హెచ్-4 వీసాదారులకు ఉద్యోగాలు లభించక వ్యక్తిగత, ఆర్థిక కష్టాలకు దారితీస్తుందని తెలిపింది. అంతేకాదు, ఇది కాలక్రమేణా తీవ్రరూపం దాల్చి చట్టబద్ధమైన శాశ్వత నివాస హోదాను పొందడానికి స్థానికులకు ప్రోత్సాహకాలను పెంచడం.. ఉన్నత విద్యావంతులు, అధిక నైపుణ్యం కలిగిన విదేశీ ఉద్యోగాలను నిలుపుకోవడానికి సంస్థల యజమానులకు మరిన్ని ఇబ్బందులు ఎదుర్కొంటున్నారని కోర్టుకు ప్రభుత్వం తెలియజేసింది.





Source link

0 0
Next Post

24-Year-Old Man Killed In Fight Over Rs 2 In Andhra Pradesh's East Godavari

Amaravati:  In a shocking incident, a man in Andhra Pradesh was killed in an argument over Rs 2, the police said on Sunday. The incident took place in Andhra Pradesh’s East Godavari on Saturday. Suvarnaraju, 24, a construction worker, had gone to a cycle shop for inflating his cycle tyres. […]