global coroanvirus death toll : ప్రపంచవ్యాప్తంగా 50 వేలు దాటిన కరోనా మరణాలు.. మిలియన్ కేసుల దిశగా.. – worldwide coronavirus death toll crosses 50000

admin
Read Time3 Minute, 36 Second


ప్రపంచవ్యాప్తంగా కరోనా వైరస్ మృతుల సంఖ్య 50 వేలు దాటింది. గురువారం రాత్రి వరకు కోవిడ్ బారిన పడి 50,255 మంది ప్రాణాలు కోల్పోయారు. ఈ వైరస్ బారిన పడిన వారి సంఖ్య పది లక్షలకు చేరువలో ఉంది. ఇప్పటి వరకూ 9.81 లక్షల మందికి కోవిడ్ సోకింది. మార్చి 2 నాటికి కరోనా మరణాల సంఖ్య 3 వేల కంటే కొద్దిగా ఎక్కువ మాత్రమే ఉండగా.. నెల రోజుల్లోనే మరో 47 మందిని ఈ మహమ్మారి పొట్టనబెట్టుకుంది. మార్చి 31 నాటికి కరోనా మరణాల సంఖ్య 40 వేలు దాటగా.. ఏప్రిల్ 2 నాటికే 50 వేలు దాటడం పరిస్థితి తీవ్రతకు అద్దం పడుతోంది.


కరోనా వైరస్ చైనాలో కంటే ఎక్కువ యూరప్ దేశాలకు నష్టం కలిగిస్తోంది. ఇప్పటి వరకూ కరోనా బారిన పడి చనిపోయిన వారిలో యూరోపియన్లు, అమెరికన్లే ఎక్కువగా ఉండటం గమనార్హం. అత్యధిక కరోనా మరణాలు ఇటలీలో నమోదయ్యాయి. ఇక్కడ 1.15 లక్షల మందికి కరోనా సోకగా.. 13,915 మంది ప్రాణాలు కోల్పోయారు. తర్వాతి స్థానంలో స్పెయిన్ ఉంది. ఇక్కడ 1.10 లక్షల మందికి ఇన్ఫెక్షన్ సోకగా.. 10 వేల మందికిపైగా చనిపోయారు. కోవిడ్ కేసులు అత్యధికంగా నమోదైన అమెరికాలో 2.28 లక్షల మందికి కరోనా సోకగా.. 5369 మంది మరణించారు. ఫ్రాన్స్‌లో 4 వేల మందికిపైగా కరోనా కారణంగా చనిపోయారు. బ్రిటన్‌లో మరణాల సంఖ్య 3 వేలకు చేరువలో ఉంది.

చైనాలో 81,589 మంది ఈ వైరస్ బారిన పడగా.. 3318 మంది ప్రాణాలు కోల్పోయారు. మరో ఆసియా దేశమైన ఇరాన్‌లో 3 వేల మందికిపైగా కరోనాతో ప్రాణాలు వదిలారు. ఆసియా దేశాల్లో ఇప్పటి వరకూ కోవిడ్ కారణంగా ఈ రెండు దేశాల్లో మాత్రమే అత్యధికంగా ప్రాణ నష్టం వాటిల్లింది.

మరోవైపు భారత్‌లోనూ కోవిడ్ బాధితుల సంఖ్య వేగంగా పెరుగుతోంది. కేంద్ర ఆరోగ్య శాఖ గణాంకాల లెక్కల ప్రకారం.. 2069 మంది కోవిడ్ బారిన పడగా.. 53 మంది చనిపోయారు. ఏపీలో 152 మందికి కరోనా సోకగా.. తెలంగాణలో ఆ సంఖ్య 154గా ఉంది.





Source link

0 0
Next Post

punishment for lockdown violation : ఇక లాక్‌డౌన్ ఉల్లంఘిస్తే అంతే.. కేంద్రం తాజా కఠిన ఆదేశాలివే.. - home secretary ajay bhalla writes to all states to take serious action on lockdown violators

కరోనా వైరస్‌ను కట్టడి చేసేందుకు కేంద్ర ప్రభుత్వం దేశ వ్యాప్తంగా లాక్ డౌన్‌ను అమలు చేస్తున్న సంగతి తెలిసిందే. అయితే, దాదాపు ప్రతి రాష్ట్రంలోనూ చాలా మంది బాధ్యత లేకుండా లాక్ డౌన్ ఉల్లంఘిస్తూ రోడ్లపైకి వస్తున్నారు. మరోవైపు, దేశంలోనూ కరోనా వైరస్ కేసులు పెరుగుతున్నందుకు కేంద్ర ప్రభుత్వం కఠిన చర్యలకు సిద్ధమైంది. లాక్‌డౌన్ నిబంధనలను ఉల్లంఘించిన వారిపై కఠిన చర్యలను తీసుకునేందుకు కేంద్రం నిర్ణయించింది. అందులో భాగంగానే కేంద్ర […]