Gali Janardhana Reddy: ఈడీ ‘గాలి’ మళ్లిందేంటి..? జనార్దన్ రెడ్డి చుట్టు బిగుస్తోన్న ఉచ్చు? – mining barron g janardhana reddy appears before enforcement directorate in hyderabad

admin
Read Time4 Minute, 38 Second


ఓబులాపురం అక్రమ మైనింగ్ కేసులో గాలి జనార్దన్ రెడ్డి ఈడీ ఎదుట విచారణకు హాజరయ్యారు. ఈ నెలలో ఆయన ఈడీ ముందుకు రావడం ఇది రెండోసారి. జూలై 3న ఆయన బెంగళూరులో ఈడీ ముందు హాజరయ్యారు.

Samayam Telugu | Updated:

కర్ణాటక మాజీ మంత్రి గాలి జనార్దన్ రెడ్డి అక్రమ మైనింగ్ కేసులో ఈడీ ముందు హాజరయ్యారు. హైదరాబాద్‌ వచ్చిన ఆయన బషీర్‌బాగ్‌లోని ఎన్‌ఫోర్స్‌మెంట్ డైరెక్టరేట్ ఆఫీసులో విచారణకు హాజరయ్యారు. ఉదయం 11 గంటల నుంచి జనార్దనరెడ్డిని పలు అంశాలపై ప్రశ్నించారు. ఓబుళాపురం గనుల అక్రమాల కేసులో గాలి జనార్దన్‌ రెడ్డిపై 2007లో సీబీఐ కేసు నమోదు చేసింది. గాలి జనార్దన్ రెడ్డి మనీలాండరింగ్‌కు కూడా పాల్పడినట్టు సీబీఐ అభియోగాలు నమోదు చేసింది. అక్రమ మైనింగ్‌తోపాటు విదేశాలకు నగదును తరలించడం కోసం ఓ సంస్థతో ఒప్పందం చేసుకున్నారనే ఆరోపణలు ఉన్నాయి.


జనార్దన్ రెడ్డి జూలై తొలివారంలోనూ ఈడీ ముందు హాజరయ్యారు. పొంజీ స్కామ్ కేసుకు సంబంధించి జూలై 3న ఆయన్ను ఈడీ ప్రశ్నించింది. అంబిడెంట్ మార్కెటింగ్ ప్రైవేట్ లిమిటెడ్ కంపెనీకి చెందిన సయ్యద్ అహ్మద్ ఫరీద్‌ను పొంజి స్కీమ్ కేసులో ఈడీ అరెస్ట్ చేసింది. అతడికి బెయిల్ ఇప్పించడం కోసం గాలి అనుచరుడైన అలీఖాన్ రూ.20 కోట్లకు ఒప్పందం చేసుకున్నాడనే ఆరోపణలు ఉన్నాయి. దీంతో బెంగళూరు సెంట్రల్ క్రైమ్ బ్రాంచ్ పోలీసులు 2018 నవంబర్ 11న ఆయన్ను అరెస్ట్ చేశారు. మూడు రోజుల తర్వాత ఆయనకు బెయిల్ లభించింది.

ఏపీలో అనంతపురం సరిహద్దులో ఉన్న ఓబుళాపురంలో అక్రమ మైనింగ్‌కు పాల్పడ్డ కేసులో 2011 సెప్టెంబర్ 5న గాలి జనార్దన్ రెడ్డిని సీబీఐ అరెస్ట్ చేసింది. ఈ కేసులో ఐఏఎస్, ఐఆర్ఎస్ అధికారులను సైతం సీబీఐ అరెస్ట్ చేసింది.2015 జనవరి 21న సుప్రీం కోర్టు ఆయనకు బెయిల్ మంజూరు చేసింది. ఓబుళాపురం మైనింగ్ కేసులో బెయిల్ కోసం గతంలో హైదరాబాద్ స్పెషల్ కోర్టు జడ్జి బంధువులకు గాలి జనార్దన్ రెడ్డి లంచం ఇచ్చినట్టు వచ్చిన ఆరోపణలకు సంబంధించి కూడా సీబీఐ విచారణ జరుపుతోంది.

కేంద్రంలో బీజేపీ అధికారంలో ఉండటంతో గాలి జనార్దన్ రెడ్డిపై కేసుల విచారణ నెమ్మదించిందనే ఆరోపణలు ఉన్నాయి. ఏడాదిన్నర క్రితం జరిగిన కర్ణాటక ఎన్నికల్లో బళ్లారి ప్రాంతంలో గాలి పాత్ర నామమాత్రమైంది. ఆయన తెర వెనుక మంత్రాంగానికే పరిమితం అయ్యారు.

 

Telugu News App ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title mining barron g janardhana reddy appears before enforcement directorate in hyderabad

(Telugu News from Samayam Telugu , TIL Network)





Source link

0 0
Next Post

amaravati lift accident: అమరావతిలో విషాదం.. లిఫ్ట్ ప్రమాదంలో ముగ్గురు కార్మికుల మృతి - elevator crashes from fifth floor in amaravati, 3 killed and 2 seviourly injured

రాయపూడిలోని ఎమ్మెల్యే క్వార్టర్స్‌లో లిఫ్ట్ ప్రమాదం చోటు చేసుకుంది. ఈ ఘటనలో ముగ్గురు మరణించగా మరో ఇద్దరు గాయపడ్డారు. Samayam Telugu | Updated:Jul 22, 2019, 10:14PM IST అమరావతి: నవ్యాంధ్ర రాజధాని అమరావతిలో విషాదం చోటు చేసుకుంది. తుళ్లూరు మండలం రాయపూడిలో లిఫ్ట్ ప్రమాదంలో ముగ్గురు టెక్నీషియన్లు దుర్మరణం చెందారు. ఎమ్మెల్యేలు, ఎమ్మెల్సీల క్వార్టర్స్ వద్ద ఒక్కసారిగా లిఫ్ట్ కింద పడిపోవడంతో ఈ ప్రమాదం జరిగింది. ఈ […]

You May Like