FASTag system : దేశవ్యాప్తంగా అమల్లోకి వచ్చిన ఫాస్టాగ్.. అలాంటి వారికి మరో నెల రోజుల ఊరట! – fastag comes into force today, 25% of toll lanes will take cash till january 15

admin
Read Time4 Minute, 27 Second


జాతీయ రహదారులపై టోల్‌ ప్లాజాల వద్ద ఆదివారం నుంచి ఫాస్టాగ్‌ విధానం అమలులోకి వచ్చింది. శనివారం అర్ధరాత్రి 12 గంటల తర్వాత దేశవ్యాప్తంగా ఫాస్టాగ్‌ విధానం అమలవుతోంది. వాస్తవానికి డిసెంబరు 1 నుంచి ఈ విధానం అమలు చేయాలనుకున్నా వాహనదారులు సంసిద్ధం కాకపోవడంతో డిసెంబరు 14 వరకు కేంద్రం గడువు పెంచింది. దీంతో డిసెంబరు 15 నుంచి అమలు చేయగా, శనివారం వరకు 40 శాతం మంది మాత్రమే ఫాస్టాగ్‌ను కొనుగోలు చేశారు. ఆదివారం నుంచి అమలులోకి రావడంతో మిగతావారు తప్పక కొనుగోలు చేస్తారని భావిస్తున్నారు.


అయితే, ఫాస్టాగ్ కొనుగోలు చేయనివారికి కేంద్రం ప్రకటనతో కొంత ఊరట లభించింది. జనవరి 15 వరకు వీరికి గడువు ఉన్నట్టు జాతీయ రహదారుల మంత్రిత్వ శాఖ శనివారం ప్రకటించింది. ఫాస్టాగ్ లేనివారికి జనవరి 15 వరకు నగదు చెల్లింపుతో అనుమతించాలని, మొత్తం టోల్ వసూలు కౌంటర్లలో ఇవి నాలుగవ వంతు కంటే ఎక్కువ ఉండకూడదని సూచించింది. దీంతో ఫాస్టాగ్‌ లేని వాహనాలు నగదు చెల్లించి వెళ్లేందుకు టోల్‌గేట్‌ల వద్ద పరిమిత సంఖ్యలో ప్రత్యేకదారులు ఏర్పాటు చేశారు.

కేటాయించిన దారుల్లోనే ఆ వాహనాలు వెళ్లాలని.. నగదు చెల్లించి వెళ్లే మార్గంలో రద్దీ ఎక్కువగా ఉంటే.. ఫాస్టాగ్‌ దారిలో వెళ్లాలనుకునే వారు అదనపు రుసుం చెల్లించి వెళ్లాలని సూచించారు. లేకపోతే అప్పటికప్పుడు టోల్‌గేట్‌ వద్ద ఫాస్టాగ్‌ను కొనుగోలు చేసి వెళ్లవచ్చన్నారు.

ఫాస్టాగ్ ఉన్న వాహనాలనే జాతీయ రహదారులపై టోల్ గేటు వద్ద అనుమతిస్తామని, కేవలం ఒక్క కౌంటర్ వద్ద మాత్రమే నగదు చెల్లింపునకు అనుమతిస్తామని కేంద్రం ప్రకటించింది. అయితే, వాహనదారుల నుంచి వచ్చిన వినతులతో కొంత సడలింపు చేసింది. టోల్ ప్లాజా వద్ద 75 శాతం ఫాస్టాగ్, మిగతా 25 శాతం నగదు చెల్లింపు కౌంటర్లు ఉండాలని ఆదేశించింది.

తొలిరోజు ఆదివారం ఫాస్టాగ్‌ అమలులోకి రావడంతో టోల్‌ప్లాజాల వద్ద అదనపు సిబ్బంది, మార్షల్స్‌ను నియమించారు. టోలు ఫీజలేని బైకులు, ట్రాక్టర్లు, ఆటోలు, ఎమ్మెల్యేలు, మంత్రులు, వీఐపీలకు ఎలాంటి ఆటంకం కలుగకుండా చూడాలని ఎన్‌హెచ్‌ఏఐ తెలిపింది. ఇక, ఫాస్టాగ్‌లను పలు సంస్థలు విక్రయిస్తున్నాయి. టోల్‌గేట్ల నిర్వాహకులు వాహనదారుల సౌకర్యార్థం అక్కడే వీటిని విక్రయిస్తున్నారు. 23 బ్యాంకులు, పేమెంట్‌ బ్యాంకులు, వ్యాలెట్‌ యాప్‌లు, అమెజాన్‌ వంటి ఈ-కామర్స్‌ సంస్థలు వీటిని ఆన్‌లైన్‌ ద్వారా విక్రయిస్తున్నాయి. ఆయా బ్యాంకుల వెబ్‌సైట్లలో వీటిని కొనుగోలు చేయవచ్చు.





Source link

0 0
Next Post

Car of former TDP MLA Bandaru Satyanarayana Murthy’s son hits motorist

A motorist was severely injured after the four-wheeler of former TDP MLA Bandaru Satyanarayana Murthy’s son Bandaru Appalanaidu reportedly hit a two-wheeler from the back on the Beach Road here late on Saturday evening. The incident occurred when the TDP leader’s son and his friend were returning home from a […]