CRDA: కరకట్టపై నిర్మాణాలకు నోటీసులు.. మూడు వారాలు నిలిపివేసిన హైకోర్టు! – ap high court temporarily suspended crda notices for illegal constructions at krishna river bed

admin
Read Time54Seconds


కృష్ణా నదికి ఇరువైపులా జాతీయ హరిత ట్రైబ్యునల్ నిబంధనలకు వ్యతిరేకంగా కట్టడాలను నిర్మించినట్టు తేలడంతో కొన్నింటికి అధికారులు నోటీసులు జారీచేసిన విషయం తెలిసిందే.

Samayam Telugu | Updated:

హైలైట్స్

  • సీఆర్డీఏ పరిధిలోని అక్రమ కట్టడాలకు అధికారులు నోటీసులు.
  • హైకోర్టులో పిటిషన్ దాఖలు చేసిన చందన కేదారీశ్.
  • ఉత్తర్వుల అమలను మూడు వారాలు నిలిపివేసిన హైకోర్టు.

కృష్ణా కరకట్ట మీద అక్రమ కట్టడాలపై కొరడా ఝలిపిస్తోన్న ఏపీ ప్రభుత్వం, పలువురికి నోటీసులు జారీచేసిన విషయం తెలిసిందే. ఇందులో భాగంగా కృష్ణా నది, కరకట్టకు మధ్య తాడేపల్లి మండలం ఉండవల్లి పరిధిలో అనుమతి లేకుండా చందన కేదారీశ్ నిర్మించిన రెండంతస్తుల భవనం తొలగించాలని ఆంధ్రప్రదేశ్‌ రాజధాని ప్రాంత అభివృద్ధి ప్రాధికార సంస్థ (సీఆర్‌డీఏ) అధికారులు నోటీసులు ఇచ్చారు. ఈ విషయంలో చందన కేదారిష్‌ హైకోర్టును ఆశ్రయించడంతో ఆయనకు తాత్కాలిక ఊరట లభించింది. సీఆర్‌డీఏ అధికారులు ఇచ్చిన సంజాయిషీ నోటీసు అమలును హైకోర్టు మూడు వారాలు సస్పెండ్‌ చేసింది. అఫిడ్‌విట్ దాఖలు చేయాలంటూ సీఆర్‌డీఏ క్యాపిటల్‌ సిటీ జోన్‌ కమిషనర్‌, జోనల్‌ అసిస్టెంట్‌ డైరెక్టర్‌, పురపాలకశాఖ ముఖ్య కార్యదర్శి, గుంటూరు జిల్లా పంచాయతీ అధికారి, ఉండవల్లి గ్రామ పంచాయతీ కార్యదర్శికి హైకోర్టు నోటీసులు జారీ చేసింది.


కృష్ణా కరకట్ట సమీపంలోని అక్రమ నిర్మాణాల తొలగింపులో జాతీయ హరిత ట్రైబ్యునల్‌ ఇచ్చిన ఉత్తర్వులను తమకు అందజేయాలని ప్రభుత్వాన్ని ఆదేశించింది. ఈ మేరకు హైకోర్టు న్యాయమూర్తి జస్టిస్‌ యూ.దుర్గాప్రసాదరావు గురువారం ఉత్తర్వులు జారీ చేశారు. తన నిర్మాణం కృష్ణా నదికి 100 మీటర్ల లోపు ఉందని, దీనిపై సంజాయిషీ ఇవ్వాలని సీఆర్‌డీఏ అధికారులు జూన్‌ 27న నోటీసులు ఇచ్చారు. వారం రోజుల్లో ఆ భవనాన్ని తొలగించకపోతే తామే తగిన చర్యలు తీసుకుంటామని ఆ నోటీసులో పేర్కొన్నారు. దీనిపై కేదారీశ్ హైకోర్టులో పిటిషన్ దాఖలు చేశారు. పిటిషనర్‌ తరఫు న్యాయవాది వాదనలు వినిపించారు. రైతు సంఘం భవన్‌ పేరుతో 2006-07లో పిటిషనర్‌ ఆ భవనాన్ని నిర్మించారని తెలిపారు. సంజాయిషీ నోటీసు ఇచ్చే అధికారం సీఆర్‌డీఏ క్యాపిటల్‌ సిటీ జోన్‌ కమిషనర్‌కు లేదని, ఏపీ సీఆర్‌డీఏ చట్టం-2014 అమల్లోకి రాక ముందున్న నిర్మాణాల విషయంలో అది ఇచ్చే ఉత్తర్వులు చెల్లవన్నారు. భవనం నిర్మించిన ప్రాంతం సముద్రపు ఆటుపోట్లు ఎదుర్కొనేది కాదని, సంజాయిషీ నోటీసు అమలు నిలిపివేయాలని ఆయన కోరారు.

ఇదే సమయంలో ప్రభుత్వ తరఫున ఎస్‌జీపీ కాసా జగన్‌మోహన్‌రెడ్డి వాదనలు వినిపిస్తూ.. సీఆర్‌డీఏ ఇచ్చిన నోటీసుపై అభ్యంతరం ఉంటే అప్పీలేట్‌ అథార్టీని ఆశ్రయించాలి తప్ప హైకోర్టుకు రావడానికి వీల్లేదని అన్నారు. సీఆర్‌డీఏ ఆవిర్భావానికి ముందు అమల్లో ఉన్న చట్టాలు కూడా సీఆర్‌డీఏ పరిధిలోకి వస్తాయని పేర్కొన్నారు. నిర్మాణ అనుమతికి సంబంధించిన ప్రతి తన దగ్గర లేదని పిటిషనరే చెబుతున్నప్పుడు అది అక్రమ నిర్మాణమేనని పేర్కొన్నారు. అది ఏపీసీఆర్‌డీఏ చట్ట నిబంధనలనూ ఉల్లంఘిస్తోందని, నదీ తీరంలో అక్రమ నిర్మాణాల తొలగింపునకు ఎన్జీటీ ఆదేశాలిచ్చిందని తెలిపారు. ఇరు వర్గాల వాదనలు విన్న న్యాయమూర్తి.. సీఆర్‌డీఏ ప్రాథమిక ఉత్తర్వుల అమలును మూడు వారాలు నిలిపివేయాలని ఉత్తర్వులిచ్చారు.

 

Telugu News App ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title ap high court temporarily suspended crda notices for illegal constructions at krishna river bed

(Telugu News from Samayam Telugu , TIL Network)





Source link

0 0
Next Post

Jagan, Naidu cross swords over interest-free loans

The YSR Congress Party and TDP MLAs clashed in the Andhra Pradesh Assembly on Thursday over the plight of farmers and water scarcity. The debate reached a crescendo when Chief Minister Y.S. Jagan Mohan Reddy challenged that his predecessor N. Chandrababu Naidu should resign if he proved that the TDP […]