coronavirus deaths : Coronavirus చైనాలో స్వల్పంగా తగ్గిన కరోనా మరణాలు.. కొత్త కేసులు – coronavirus death rate and new cases in china slows after spike

admin
Read Time44Seconds


చైనాలో కరోనా వైరస్ మరణాల సంఖ్య బుధవారంతో పోల్చితే గురువారం కాస్త తగ్గుముఖం పట్టింది. కోవిడ్ కారణంగా గురువారం 116 మంది మృతిచెందగా, కొత్తగా 4,823 కేసులు నమోదైనట్టు చైనా ఆరోగ్య మిషన్ వెల్లడించింది. దీంతో కరోనా వైరస్ కారణంగా చైనాలో ప్రాణాలు కోల్పోయినవారి సంఖ్య 1486కి… బాధితుల సంఖ్య 65 వేలకు చేరింది. మరోవైపు, జపాన్‌లో కరోనా వైరస్ తొలి మరణం చోటుచేసుకుంది. చైనా వెలుపల ఇది మూడో మరణం. గతవారం హాంకాంగ్‌లో ఒకరు, ఫిలిప్పీన్స్‌లో ఒకరు కరోనా వైరస్‌తో మృతిచెందారు.


కరోనా భయంతో పది రోజుల కిందట హాంకాంగ్, జపాన్ తీరంలో రెండు నౌకలను నిలిపివేసిన విషయం తెలిసిందే. తాజాగా, వెస్టర్‌డామ్ అనే భారీ నౌకలో కరోనా వైరస్ కలకలం రేగడంతో దానిని తమ పోర్టుల్లో నిలపడానికి ఐదు దేశాలు నిరాకరించాయి. చివరకు కాంబోడియా ప్రభుత్వం సౌహార్ద్ర హృదయం తమ తీరంలో నిలపడానికి అంగీకరించింది. ఈ నౌకలో ఎవరికీ కరోనా వైరస్ నిర్ధారణ కాలేదని కాంబోడియా ఆరోగ్య శాఖ స్పష్టం చేసింది. ఇప్పటి వరకూ నౌకలోని 20 మందికి పరీక్షలు నిర్వహించగా నెగెటివ్‌గా వచ్చినట్టు పేర్కొన్నారు. సిడ్నీ తీరంలో నిలిచిన నౌకలోని ఎవరికీ కరోనా వైరస్ లక్షణాలు లేవని న్యూసౌత్ వేల్స్ ఆరోగ్య విభాగం వెల్లడించింది.

భారత్ సహా 28 దేశాల్లో విస్తరించిన కరోనా వైరస్ గురించి భారతీయులు ఆందోళన చెందాల్సి అవసరం లేదని కేంద్రం పేర్కొంది. దేశంలో ఇప్పటివరకూ 15,991 మందికి వైద్య పరీక్షలు నిర్వహించి, 1,071 మంది నమూనాలను పరీక్షించగా వారిలో ముగ్గురికి మాత్రమే కరోనా వైరస్ సోకిందని తెలిపింది. ఆ ముగ్గురూ కూడా కేరళకు చెందిన వారేనని, వాళ్లంతా వుహాన్‌లో విద్యాభ్యాసం చేస్తున్న విద్యార్థులేనని స్పష్టం చేసింది. ప్రజలెవరూ అనవసరంగా ఆందోళన చెందవద్దని, కరోనావైరస్‌ (Covid 2019)ని ఎదుర్కోవడానికి అన్ని రకాలుగా సిద్ధంగా ఉన్నామని కేంద్ర ఆరోగ్య శాఖ మంత్రి డాక్టర్ హర్షవర్ధన్ తెలిపారు.

వైరస్‌ను నిరోధించడానికి వివిధ చర్యలు తీసుకుంటున్నామని, పలు అధ్యయనాలు నిర్వహిస్తామని అన్నారు. గత 28 రోజుల్లో 3,058 మందిని ప్రత్యేక పర్యవేక్షణలో ఉంచామని, 497 కేసుల్ని మరింత ప్రత్యేకంగా పరిశీలిస్తున్నట్లు తెలియజేశారు. వుహాన్ నుంచి స్వదేశానికి తీసుకొచ్చిన 654 మందిని మానెసర్, ఐటీబీపీ శిబిరాలకు తరలించి పరీక్షలు నిర్వహించాని, వాళ్లెవరిలోనూ వైరస్ లక్షణాలు లేకపోవడంతో స్వస్థలాలకు పంపినట్టు తెలిపారు.





Source link

0 0
Next Post

Yanamala: govt. in for tough time in Legislative Council

‘Members will not keep quiet if it tries to act arbitrarily’ Source link