Chingari app: టిక్‌టాక్ పోయె.. చింగారీ వచ్చె, ఇండియన్ యాప్‌కు ఒక్కసారిగా క్రేజ్! – chingari app, tiktok alternative app, tiktok app, china apps banned, helo app, చింగారీ యాప్, టిక్‌టాక్ యాప్

APNEWS CO
Read Time3 Minute, 41 Second


టిక్‌టాక్‌ సహా చైనా సంస్థలకు చెందిన 59 యాప్‌లపై కేంద్ర ప్రభుత్వం నిషేధం విధించిన విషయం తెలిసిందే. దీంతో భారత్‌లో ఆ టిక్‌టాక్‌ యాప్ పనిచేయడం లేదు. గూగుల్‌, యాపిల్‌ ప్లేస్టోర్‌ల నుంచి కూడా ఆ అప్లికేషన్‌‌ను తొలగించారు. ఇదివరకే డౌన్‌లోడ్‌ చేసుకొన్న మొబైళ్లలో యాప్‌ కనిపిస్తున్నా.. ప్రస్తుతం అది పనిచేయడం లేదు. టిక్‌టాక్‌‌తో పాటు మరో పాపులర్ సోషల్ మీడియా యాప్‌ ‘హలో’ కూడా పనిచేయడం లేదు. ప్లేస్టోర్‌ నుంచి ఈ యాప్‌ను కూడా తొలగించారు.

టిక్‌టాక్ యాప్ భారత్‌లో బాగా ప్రాచుర్యం పొందింది. ప్రకటనలతో భారీగా ఆదాయం అర్జిస్తోంది. దీనిపై నిషేధం విధించడంతో వేలాది మంది ఉద్యోగుల్లో ఆందోళన మొదలైంది. ఈ నేపథ్యంలో భారత ప్రభుత్వాన్ని సంప్రదిస్తామని టిక్‌టాక్ భారత ప్రతినిధులు మంగళవారం వెల్లడించారు. అటు హలో యాప్ ప్రతినిధులు కూడా ప్రభుత్వంతో మాట్లాడతామని.. తిరిగి సేవలు పునరుద్ధరిస్తామని ప్రకటించారు.

టిక్‌టాక్‌కు ఉన్న ఆదరణ అంతా ఇంతా కాదు. చిన్నా పెద్దా అనే తేడా లేకుండా టిక్‌టాక్ వీడియోలకు అడిక్ట్ అయ్యారు. దీనిపై నిషేధం విధించడంతో ప్రత్యామ్నాయ యాప్‌ల డౌన్‌లోడ్‌లు గణనీయంగా పెరిగాయి. ముఖ్యంగా టిక్‌టాక్ ప్రత్నామ్నయం చింగారీ యాప్‌కు అనూహ్యంగా గిరాకీ పెరిగింది. టిక్‌టాక్ యాప్ నిషేధం తర్వాత చింగారీ యాప్‌ గంట‌కు దాదాపు ల‌క్ష డౌన్‌లోడ్‌లు అవుతున్నట్లు స‌ద‌రు కంపెనీ పేర్కొంది. అంతేకాకుండా ప్రతి గంట‌కు దాదాపు 20 ల‌క్షల మంది ఈ యాప్‌ను చూస్తున్నట్లు తెలిపింది. బెంగ‌ళూరుకు చెందిన బిస్వాత్మా, సిద్ధార్ధ్‌ రూపొందించిన ఈ యాప్‌‌ను మంగళవారం (జూన్ 30) వరకే 35 ల‌క్షల మంది డౌన్‌లోడ్ చేసుకున్నారు.

చింగారీ‌లో పెట్టుబ‌డులు పెట్టేందుకు కూడా చాలా మంది సంప్రదిస్తున్నార‌ని ఆ యాప్ రూపకర్తలు తెలిపారు. గూగుల్‌ ప్లే స్టోర్‌, యాపిల్ యాప్ స్టోర్‌లో ఈ యాప్ ఇంగ్లిష్‌, హిందీ భాష‌ల్లో అందుబాటులో ఉందని తెలిపారు. తెలుగు సహా మ‌రో 8 భార‌తీయ‌ భాష‌ల్లోనూ అందుబాటులో ఉంద‌ని చెప్పారు. చైనా యాప్‌లపై నిషేధం విధించిన తర్వాత సెలబ్రిటీలు కూడా చింగారీ యాప్‌కు బాస‌ట‌గా నిలుస్తున్నారు. ప్రముఖ పారిశ్రామిక‌వేత్త ఆనంద్ మ‌హీంద్రా కూడా ఈ చింగారీ యాప్‌ను డౌన్‌లోడ్ చేసుకున్నట్లు ట్విట‌ర్‌ ద్వారా తెలిపారు.

Also Read:చైనా యాప్స్‌కు ప్రత్యామ్నాయం ఇవే..



Source link

0 0
Next Post

Major Shuffle Of Senior Police Officers In Tamil Nadu

39 senior police officers have been transferred. (Representational) Chennai: As part of a major shuffle of IPS officials in Tamil Nadu, the state government on Tuesday transferred City Police Commissioner AK Viswanathan and a host of other officers. Mr Viswanathan will be replaced by Mahesh Kumar Aggarwal, according to a Home […]