Chennai: ప్రాణం తీసిన నిర్లక్ష్యం.. ఫ్లెక్సీ మీద పడి యువతి మృతి – 23-year-old woman died after hoarding falls on her in chennai

admin
Read Time53Seconds


పట్టణాలు, నగరాల్లో అనుమతి లేకుండా బ్యానర్లు, ఫ్లెక్సీలు ఏర్పాటు చేయకూడదని కోర్టులు, ప్రభుత్వాలు ఎన్ని ఆదేశాలిచ్చినా ప్రజలు పట్టించుకోవడం లేదు. ఏం చేసినా ఎవరు పట్టించుకుంటారులే అన్న ధైర్యంతో ఇష్టం వచ్చినట్లు ఫ్లెక్సీలు ఏర్పాటు చేస్తున్నారు. తమిళనాడులోని చెన్నై ఈ నిర్లక్ష్యమే ఓ యువతి ప్రాణం తీసింది. చేయని తప్పుకు ఆమె జీవితాన్నే కోల్పోయింది. దీంతో అనధికార ఫ్లెక్సీలపై మరోసారి వివాదం రాజుకుంటోంది.

చెన్నైలోని పల్లావరం రేడియల్‌ రోడ్డులో పళ్లికరణై ప్రాంతం వద్ద ఏఐడీఎంకే నేత ఇంట్లో పెళ్లి సందర్భంగా భారీ ఫ్లెక్సీ ఏర్పాటుచేశారు. గురువారం ఆ ప్రాంత మీదుగా శుభశ్రీ(23) అనే యువతి స్కూటీపై వెళ్తోంది. ఇంతలో ఒక్కసారిగా ఆ ఫ్లెక్సీ విరిగిపడి ఆమెపై పడింది. దీంతో శుభశ్రీ రోడ్డుపై పడిపోయింది. అదే సమయంలో వెనుకే వస్తున్న లారీ వేగంగా శుభశ్రీని ఢీకొంది. స్థానికులు ఆమెను వెంటనే ఆస్పత్రికి తీసుకెళ్లినా అప్పటికే ప్రాణాలు కోల్పోయినట్లు డాక్టర్లు చెప్పారు.

ప్రజాప్రయోజనం దృష్ట్యా రద్దీ ప్రాంతాలు, సిగ్నల్స్ పాయింట్లు, జన సంచార ప్రదేశాల్లో భారీ ఫ్లెక్సీలు, బ్యానర్లు ఏర్పాటు చేయొద్దని మద్రాస్ హైకోర్టు 2017లో ఆదేశాలు జారీచేసింది. అయితే ఈ ఆదేశాలను ఎవరూ పట్టించుకోవడం లేదని చెన్నై ప్రజలు ఆరోపిస్తున్నారు. అనేక మంది రాజకీయ నాయకులు ఇష్టానుసారంగా ఫ్లెక్సీలు ఏర్పాటుచేస్తున్నా అధికారులు పట్టించుకోవడం లేదని మండిపడుతున్నారు.





Source link

0 0
Next Post

Pakistan: అమెరికా సాయంతోనే జీహాదీలకు శిక్షణ ఇచ్చాం.. బాంబు పేల్చిన ఇమ్రాన్! - imran khan admits our country trained terrorists with us funds

ఉగ్రవాదులకు పాకిస్థాన్ శిక్షణనిచ్చిందనే విషయాన్ని పాక్ ప్రధాని ఇమ్రాన్‌ ఖాన్ బహిరంగంగానే అంగీకరించారు. అమెరికా ఇచ్చిన నిధులతోనే వారికి శిక్షణ ఇచ్చామంటూ శుక్రవారం సంచలన ప్రకటన చేశారు. అఫ్గన్‌ విషయంలో అమెరికా తమని తప్పుబడుతూ ఆరోపణలు గుప్పించడంతో విదేశీ మీడియాకు ఇచ్చిన ఇంటర్వ్యూలో ఈ వ్యాఖ్యలు చేయడం విశేషం. 1980వ దశకంలో నాటి సోవియట్‌ యూనియన్‌కు వ్యతిరేకంగా ముజాహిదీన్లకు శిక్షణనివ్వడానికి అమెరికాకు చెందిన సెంట్రల్ ఇంటెలిజెన్స్ ఏజెన్సీ (సీఐఏ) నిధులు […]