Chandrayaan-3కి కేంద్రం గ్రీన్ సిగ్నల్.. 2020లో ఇస్రో గురి ఆ రెండింటి మీదే!

admin
Read Time2 Minute, 10 Second



చంద్రుడిపై ప్రయోగాల కోసం చేపట్టనున్న చంద్రయాన్-3కి భారత ప్రభుత్వం అనుమతి ఇచ్చిందని చైర్మన్ కె.శివన్ తెలిపారు. జనవరి 1న బెంగళూరులో మీడియాతో మాట్లాడిన ఆయన.. చంద్రయాన్-3 ప్రయోగానికి సంబంధించిన పనులన్నీ సజావుగా జరుగుతున్నాయన్నారు. చంద్రయాన్-2 మాదిరిగానే చంద్రయాన్-3 ఉంటుందని తెలిపారు. చంద్రయాన్-2లో ఆర్బిటార్, ల్యాండర్, రోవర్ ఉన్నాయి. చంద్రయాన్-3లో ల్యాండర్, ప్రొపల్షన్ మాడ్యుల్ రోవర్ ఉంటాయని ఇస్రో చైర్మన్ తెలిపారు.

2019లో ఇస్రో సాధించిన విజయాలను ప్రస్తావించిన శివన్.. నూతన సంవత్సరంలో భారత అంతరిక్ష పరిశోధనా సంస్థ ప్రణాళికలను మీడియాకు వివరించారు. 2020లో చంద్రయాన్-3, గగన్‌యాన్ ప్రయోగాల కోసం పని చేస్తామన్నారు. ‘‘గగన్‌యాన్ ప్రయోగం దిశగా 2019లో మంచి పురోగతి సాధించాం. అంతరిక్షంలోకి మనుషులను పంపేందుకు భారత్ తొలిసారిగా చేపడుతున్న ఈ ప్రయోగం కోసం.. నలుగురు వ్యోమగాములను గుర్తించాం. వీరికి జనవరి మూడో వారంలో శిక్షణ ఇచ్చేలా ప్రణాళికలు రూపొందిస్తున్నాం’’ అని శివన్ తెలిపారు.

గగన్‌యాన్‌ ప్రయోగాన్ని 2022లో నిర్వహించనున్నారు. ఇందులో భాగంగా ముగ్గురు వ్యోమగాములును అంతరిక్షంలోకి పంపి సురక్షితంగా భూమ్మీదకు తీసుకొస్తారు. 2019లో ఇస్రో విస్తరణపై దృష్టి సారించిందన్న శివన్.. రెండో స్పేస్ పోర్ట్ కోసం తమిళనాడులోని తుత్తుకూడిలో భూమిని సేకరించిందన్నారు.



Source link

0 0
Next Post

Kerala Assembly Passes Anti-Citizenship Law Resolution

Kerala Assembly passed the resolution seeking withdrawal of the Citizenship law. New Delhi: A day after Kerala Assembly passed the resolution seeking withdrawal of the Citizenship law, CPI (M) leader Prakash Karat said that it was a request to the Central government to take back the “unconstitutional” Citizenship Act. Mr […]