Chandrababu Naidu: ఐదేళ్ల క్రితం బాధితులకు ఇప్పుడు శిబిరం పెట్టడమేంటి? నన్ను సవాల్ చేస్తారా?: బాబు – chandrababu naidu fires on tdp victims rehabilitation camp in piduguralla

admin
Read Time48Seconds


ఏపీలో పునరావాస శిబిరాల రాజకీయాలు హాట్ టాపిక్‌గా మారాయి. పల్నాడు ప్రాంతంలో వైఎస్ఆర్సీపీ నాయకులు తమ కార్యకర్తలను ఊళ్లోకి రానీయడం లేదని టీడీపీ ఆరోపిస్తోంది. వారి కోసం గుంటూరులో పునరావాస కేంద్రాన్ని ఏర్పాటు చేసింది. వైఎస్ఆర్సీపీ ఆగడాలతో ఇబ్బంది పడుతున్న కార్యకర్తలకు అండగా ఉండటం కోసం.. టీడీపీ ‘చలో ఆత్మకూరు’ అని పిలుపునిచ్చిన సంగతి తెలిసిందే. దీనికి కౌంటర్‌గా వైఎస్ఆర్సీపీ కూడా టీడీపీ హయాంలో దాడులకు గురైన బాధితులతో మరో శిబిరాన్ని ఏర్పాటు చేసింది. ఎమ్మెల్యే కాసు మహేశ్ ఆధ్వర్యంలో పిడుగురాళ్లలో శిబిరాన్ని ఏర్పాటు చేశారు.


వైఎస్ఆర్సీపీ శిబిరం ఏర్పాటు చేయడం పట్ల చంద్రబాబు ఘాటుగా స్పందించారు. గుంటూరు శిబిరానికి కౌంటర్ శిబిరం పిడుగురాళ్లలో పెడతారా? ఐదేళ్ల క్రితం బాధితులకు ఇప్పుడు శిబిరం పెట్టడం ఎక్కడైనా ఉందా? అని ప్రశ్నించారు. నన్ను సవాల్ చేయడం ఏమిటి? నలుగురు నవ్విపోదురని కూడా లేదా? అని ఆయన ట్వీట్ చేశారు. ఇది సవాళ్లు విసిరే సమయమా లేక బాధితులను ఆదుకునే సమయమా? అని ప్రభుత్వాన్ని ప్రశ్నించారు.

‘‘నేనే వస్తున్నాను ఆత్మకూరుకు. బాధితుల్లో భరోసా నింపేందుకు, ప్రజాస్వామ్యాన్ని కాపాడేందుకు, హక్కులను చాటేందుకు. ప్రజాసంఘాలు, అభ్యుదయ వాదులు అందరూ బాధితులకు సంఘీభావంగా కదలండి’’ అని చంద్రబాబు పిలుపునిచ్చారు.

చిన్న చిన్న తగాదాలను టీడీపీ రాజకీయం చేయాలని చూస్తోందని వైఎస్సార్సీపీ చేస్తున్న ఆరోపణలపై చంద్రబాబు స్పందించారు. ‘‘గ్రామాలు వదిలివెళ్లడం, బోసిపోయిన ఇళ్లు, బీళ్లు పడ్డ భూములు పుకార్లు అయితే, మరి గుంటూరు పునరావాస శిబిరంలో ఉన్నదెవరు?’’ అని చంద్రబాబు ప్రశ్నించారు. సొంతూరు వదిలేసి పరాయి గ్రామాల్లో తలదాచుకోవడం అవాస్తవమా? కళ్లెదుట కనిపించే నిజాలనెందుకు చూడలేక పోతున్నారు? బాధితుల కన్నీళ్లెందుకు తుడవలేక పోతున్నారు? అని వైఎస్ఆర్సీపీ ప్రభుత్వాన్ని ప్రశ్నించారు.

Read Also:
ప్రతిపక్షాలను ఉక్కిరి బిక్కిరి చేసేందుకు జగన్ స్కెచ్





Source link

0 0
Next Post

new traffic rules: కొత్త ట్రాఫిక్ రూల్స్.. చెప్పులు వేసుకుని బైక్ నడిపితే జరిమానా! - bike riding with chappals may get rs 1000 challan?

తెరపైకి కొత్త ట్రాఫిక్ నిబంధన.. చెప్పులు వేసుకొని బైక్ నడిపితే జరిమానా విధిస్తారట. ఈ కొత్త నిబంధనపై దేశవ్యాప్తంగా జోరుగా ప్రచారం.. ఈ నిర్ణయం వెనుక బలమైన కారణం ఉందట. Samayam Telugu | Updated:Sep 9, 2019, 06:00PM IST హైలైట్స్ చెప్పులు వేసుకుని బైక్ నడిపితే రూ.వెయ్యి జరిమానా మళ్లీ నిబంధనను ఉల్లంఘిస్తే 15 రోజుల జైలు శిక్ష ఈ నిబంధనపై ఇంకా స్పందించని ట్రాఫిక్ పోలీసులు […]