ap mlas with criminal cases : ADR Report: 55 మంది ఏపీ ఎమ్మెల్యేలపై తీవ్ర క్రిమినల్ కేసులు.. టాప్‌లో వైఎస్సార్సీపీ – 55 ap mlas facing serious criminal cases, ysrcp top: adr report

admin
Read Time44Seconds


క్రిమినల్ కేసులు ఉన్న ఎమ్మెల్యేలు, ఎంపీల వివరాలను రాజకీయ పార్టీలు తమ అధికారిక వెబ్‌సైట్‌లో ఉంచాలని సుప్రీం కోర్టు తీర్పు వెలువరించిన సంగతి తెలిసిందే. గురువారం ఈ తీర్పు వెలువరించిన న్యాయస్థానం ఇందుకోసం పార్టీలకు 48 గంటల సమయం ఇచ్చింది. ఈ జాబితాను ఎన్నికల సంఘానికి సమర్పించేందుకు అత్యున్నత ధర్మాసనం 72 గంటలు గడువు ఇచ్చింది. ప్రస్తుతం సుప్రీం కోర్టు ఆదేశాలను అమలు చేసే పనిలో పార్టీలు ఉన్నాయి. ఈ క్రమంలోనే ఏపీ అసెంబ్లీకి ఎంత మంది నేర చరిత్ర ఉన్న అభ్యర్థులు పార్టీల తరఫున పోటీ చేశారనే విషయాన్ని ఏపీ ఎలక్షన్ వాచ్ (ఏపీఈడబ్ల్యూ), అసోసియేషన్ ఫర్ డెమొక్రాటిక్ రీఫార్మ్స్ (ఏడీఆర్) అఫిడవిట్ల ఆధారంగా విశ్లేషించారు.


ఈ విశ్లేషణ ప్రకారం వైఎస్ఆర్సీపీకి చెందిన 50 మంది ఎమ్మెల్యేలపై, టీడీపీకి చెందిన నలుగురు ఎమ్మెల్యేలు, జనసేన తరఫున గెలిచిన ఏకైక ఎమ్మెల్యేపై తీవ్రమైన క్రిమినల్ కేసులు ఉన్నాయి. అధికార పార్టీకి చెందిన ఒక ఎమ్మెల్యే అఫిడవిట్‌ను ఏపీఈడబ్ల్యూ, ఏడీఆర్ విశ్లేషించలేదు. ఏపీలోని ఎమ్మెల్యేల్లో మొత్తం 55 మందిపై తీవ్రమైన క్రిమినల్ కేసులు ఉండగా.. వీరిలో 8 మంది ఏదో ఒక కేసులో దోషులుగా తేలారు.

ఏపీ ఎమ్మెల్యేల్లో ఒకరిపై హత్యకు సంబంధించిన కేసు ఉంది. మరో పది మందిపై హత్యాయత్నం కేసులు ఉన్నాయి. మహిళలపై నేరాలకు పాల్పడిన కేసులు ఆరుగురిపై ఉన్నాయి. ఏడుగురు ఎమ్మెల్యేలపై కిడ్నాప్ కేసులున్నాయి. సుప్రీం ఆదేశాలను స్వాగతిస్తున్నట్టు వైఎస్సార్సీపీ, టీడీపీ తెలిపాయి.

‘‘క్రిమినల్ కేసులను ఎదుర్కొంటున్న నేతలంతా నామినేషన్లను సమర్పించే సమయంలో వాటి గురించి పొందుపర్చారు. ఆరోపణలు ఇంకా నిరూపితం కాకుండా, విచారణ ఎదుర్కొంటున్నవారిని క్రిమిన్సల్‌గా భావించలే’’మని వైఎస్సార్సీపీ ఎమ్మెల్యే అంబటి రాంబాబు తెలిపారు.

టీడీపీ ఎమ్మెల్యే వర్ల రామయ్య మాట్లాడుతూ.. ఓ వ్యక్తి 11 కేసుల్లో సీబీఐ విచారణ ఎదుర్కొంటున్నారు. మరో ఐదు కేసుల్లో ఈడీ విచారణ ఎదుర్కొంటున్నారు. ఇది నిజంగా దురదృష్టకరం. ఇలాంటి వ్యక్తులు ప్రభుత్వాన్ని నడపడంపై పార్లమెంట్‌లో తప్పనసరిగా చర్చ జరపాలి’’ అని సీఎం జగన్‌ను ఉద్దేశించి వ్యాఖ్యానించారు.

ఏపీ ఎమ్మెల్యేల్లో 163 మంది కోటీశ్వరులు కాగా.. 92 మందిపై క్రిమినల్ కేసులు ఉన్నాయి. ఏడీఆర్ అనాలిసిస్ ప్రకారం సీఎం జగన్‌‌పై ఎక్కువ సంఖ్యలో సీరియస్ క్రిమినల్ కేసులు ఉన్నాయి. ఆయనపై 38 కేసులు ఉన్నాయి.





Source link

0 0
Next Post

PU confers honorary doctorate on Governor

Governor Biswa Bhusan Harichandan has been conferred the degree of Doctor of Honoris Causa by the Desh Baghat University of Mandi Gobindgarh, Punjab, in the seventh convocation of the university held on the university premises on Friday. University Chancellor Dr. Zora Singh awarded the degree to Harichandan in recognition to […]

You May Like