alternate for banned Chinese app: చైనా యాప్స్‌కు ప్రత్యామ్నాయం ఇవే.. – indian and us alternative apps for banned chinese apps

APNEWS CO
Read Time8 Minute, 31 Second


డఖ్ సరిహద్దులోని గల్వాన్‌ లోయలో ఘర్షణల్లో 20 మంది జవాన్లు అమరులైన తర్వాత దేశంలో చైనాకు వ్యతిరేకంగా ఆగ్రహజ్వాలలు పెల్లుబుకుతున్నాయి. చైనా వస్తువులను బహిష్కరించాలంటూ పెద్ద ఎత్తున డిమాండ్ వినిపిస్తోంది. ఈ నేపథ్యంలో కేంద్ర ప్రభుత్వం సోమవారం (జూన్ 29) రాత్రి కీలక నిర్ణయం తీసుకుంది. చైనాకు చెందిన 59 యాప్స్‌పై నిషేధం విధించింది. వీటిలో టిక్‌టాక్, షేర్ ఇట్, యూసీ బ్రౌజర్ సహా పలు యాప్‌లు ఉన్నాయి. కేంద్ర నిర్ణయాన్ని స్వాగతిస్తున్నారు. ఈ యాప్‌లకు ప్రత్యామ్నాయాలు వెతుక్కునే పనిలో పడ్డారు. ఈ నేపథ్యంలో చైనా యాప్‌లకు ప్రత్యామ్నాయం ఏమిటి? ఈ యాప్స్‌ ద్వారా చేసే పనులనే ఏయే ఇతర యాప్స్‌ ద్వారా చక్కబెట్టుకోవచ్చు.. తదితర వివరాలు మీ కోసం..

యూసీ బ్రౌజర్‌కు ప్రత్యామ్నాయం ఇదే..
స్మార్ట్‌ఫోన్ల రాకతో ప్రపంచం అరచేతిలో ఇమిడిపోయింది. వార్తలు, అప్‌డేట్స్, ఫొటోలు, వీడియోలు, ఇతర సమాచారం.. ఇలా ఏది కావాలన్నా ఇంటర్నెట్‌లో అప్పటికప్పుడు వెతుక్కొని వివరాలు తెలుసుకుంటున్నారు. అయితే.. చైనాకు చెందిన చాలా మొబైళ్లలో డిఫాల్ట్‌గా యూసీ బ్రౌజర్‌ ఉంటుంది. స్మార్ట్‌ఫోన్ వినియోగదారులు కూడా దీన్ని ఎక్కువగా వాడుతున్నారు. ఇప్పుడు దీన్ని తొలగించినా పెద్ద నష్టం ఏమీ లేదు. గూగుల్‌ క్రోమ్‌, ఒపేరా, మొజిల్లా ఫైర్‌ఫాక్స్‌ లాంటి బ్రౌజర్లు ఎలాగూ ఉండనే ఉన్నాయి. పైగా ప్రస్తుత పరిస్థితుల్లో ఇవే సురక్షితమని నిపుణులు చెబుతున్నారు. యూసీ బ్రౌజర్ ద్వారా విలువైన వ్యక్తిగత సమాచారం హ్యాక్ అయ్యే ప్రమాదం ఉందని సాంకేతిక నిపుణులు హెచ్చరిస్తున్నారు.

ఫైల్స్‌ పంపించుకోవడం ఎలా?
చాలా మంది మొబైల్ యూజర్లు ఎక్కువగా ఉపయోగించే మరో యాప్ ‘షేర్ ఇట్’. ఇది కూడా చైనా యాపే కావడంతో కేంద్రం నిషేధించింది. దీనికి ప్రత్నామ్నాయంగా ‘షేర్‌ ఫైల్స్‌’, ‘ఫైల్స్‌ బై గూగుల్‌’ ఫైల్ షేరింగ్ యాప్‌లు ఉన్నాయి. వీని ద్వారా ఫొటోలు, వీడియోలు, ఇతర ఫైల్స్, యాప్స్‌ ఒకరి నుంచి మరొకరికి పంపుకోవచ్చు. షేర్‌ఇట్‌‌తో పాటు జెండర్‌ లాంటి యాప్స్‌కు ప్రత్యామ్నాయంగా గూగుల్‌కు చెందిన ఈ యాప్స్‌ను వాడుకోవచ్చు.

టిక్‌టాక్ ప్రత్యామ్నాయం ఉందా?
సోషల్ మీడియా యాప్ ‘టిక్‌టాక్‌’కు చిన్నా, పెద్దా అనే తేడా లేకుండా అందరూ ఫిదా అవుతున్నారు. దీని ద్వారా ఎప్పటికప్పడు వీడియోలు చేస్తూ స్నేహితులతో పంచుకునే వెసులుబాటు ఉంది. చైనా యాప్ కావడంతో దీనిపైనా బ్యాన్ పడింది. టిక్‌టాక్‌తో పాటు విగో వీడియో, లైక్‌, హలో యాప్‌‌ల పైనా నిషేధం పడింది. అయితే.. టిక్‌టాక్ కంటే ముందు డబ్ స్మాష్ చాలా పాపులర్. ప్రస్తుతం ఇది లేటెస్ట్ ఫీచర్స్‌తో అందుబాటులోకి వచ్చింది. వీడియో ఫైల్స్ షేర్ చేసుకోవడానికి ఇకపై డబ్ స్మాష్, రొపొసొ, పెరిస్కోప్‌ లాంటి యాప్‌లను ఉపయోగించవచ్చు.

క్యామ్ స్కానర్‌కు బదులుగా..
స్మార్ట్‌ఫోన్ వినియోగదారులు విరివిగా ఉపయోగించే మరో యాప్‘క్యామ్ స్కానర్’. ఫోటోలు, డాక్యుమెంట్లను స్కాన్‌ చేసి పరస్పరం బదిలీ చేసుకోవడానికి దీన్ని వాడతారు. దీనికి ప్రత్యామ్నాయంగా అడొబ్‌ స్కాన్‌, మైక్రోసాఫ్ట్‌ లెన్స్‌, ఫోటో స్కాన్‌ బై గూగుల్‌ లాంటి యాప్స్‌ ఉన్నాయి. ఇవే కాకుండా డాక్ స్కానర్‌-పీడీఎఫ్‌ క్రియేటర్‌, డాక్యుమెంట్‌ స్కానర్‌-పీడీఎఫ్‌ క్రియేటర్‌ను కూడా వాడుకోవచ్చు.

వీడియో కాన్ఫరెన్స్‌ల కోసం..
వీడియో కాన్ఫరెన్స్‌ అంటే జూమ్‌ యాప్‌ను తెగ వాడుతున్నారు. లాక్‌డౌన్ నేపథ్యంతో దీని వాడకం బాగా పెరిగింది. అయితే.. ఈ యాప్‌తో వ్యక్తిగత సమాచారం హ్యాక్ అవుతున్నట్లు గుర్తించారు. దీంతో భద్రతా పరంగా ఈ యాప్‌ను వాడకూడదని భారత ప్రభుత్వం హెచ్చరికలు జారీ చేసింది. దీనికి బదులు గూగుల్‌ మీట్‌, స్కైప్‌, మైక్రోసాఫ్ట్‌ టీమ్స్‌, గూగుల్‌ డుయో, వాట్సాప్‌ కాల్‌ లాంటివి వాడుకొవచ్చు. దీనికి ప్రత్యామ్నాయంగా దేశీయంగా రూపొందించిన ‘సే నమస్తే’ యాప్‌ కూడా ఉంది.

మరిన్ని ప్రత్యామ్నాయ యాప్‌ల వివరాలు..
✧ ఫొటోలకు అదనపు హంగులు అద్దడం, అందంగా మెరుగుపర్చడం కోసం ఎక్కువగా యూక్యామ్‌, బ్యూటీక్యామ్‌, బ్యూటీ ప్లస్‌ యాప్‌లను వాడుతున్నారు. వీటి స్థానంలో పిక్స్‌ ఆర్ట్‌, అడొబ్‌ ఫొటోషాప్‌, లైట్‌ రూమ్‌, గూగుల్‌ స్నాప్‌సీడ్‌ యాప్‌లను ఉపయోగించవచ్చు.
✧ వీడియోలను సులభంగా, వేగంగా ఎడిట్‌ చేయడానికి, ఆడియోను జోడించడానికి యూకట్‌, వైవా వీడియో, వైవా కట్‌, ఫిల్మోరా లాంటి యాప్స్‌ను నేటి యువత ఎక్కువగా వాడుతోంది. వీటికి బదులుగా కైన్‌ మాస్టర్‌, అడొబ్‌ ప్రిమియర్‌ క్లిప్‌, మ్యాజిస్టో యాప్స్‌ వినియోగించవచ్చు.
✧ స్మార్ట్ ఫోన్లలో క్యూక్యూ సెక్యూరిటీ సెంటర్, క్లీన్ మాస్టర్ లాంటి సెక్యూరిటీ యాప్స్ డీఫాల్ట్‌గా ఉంటున్నాయి. మొబైల్‌లోకి వైరస్‌ ప్రవేశంచకుండా ఇవి చూస్తాయి. ప్రమాదకరమైన ఫైల్స్‌ను తొలగిస్తాయి. వీటికి బదులుగా ఏవీజీ, అవాస్టా, నార్తన్‌‌ యాంటీ వైరస్‌ లాంటి యాప్‌లను వాడుకోవచ్చు.
✧ టైపింగ్ కోసం కొంత మంది మొబైల్‌లో ఉండే డీఫాల్ట్‌ కీబోర్డుతో పాటు అదనపు కీబోర్డులను ఇన్‌స్టాల్‌ చేసుకుంటారు. చైనా యాప్స్ గో కీబోర్డు, మింట్‌ కీబోర్డుపై నిషేధం విధించారు. వీటి స్థానంలో గూగుల్‌ ఇండిక్‌ కీబోర్డు , గింగర్‌ కీబోర్డు, జీ బోర్డ్‌, మైక్రోసాఫ్ట్‌ స్విఫ్ట్‌ కీబోర్డు వాడవచ్చు.
✧ ఇతర భాషల్లోని పదాలకు అర్థాలు తెలుసుకోవడం కోసం చాలా మంది ‘యూ డిక్షనరీ యాప్‌’ను వాడుతున్నారు. దీనికి బదులుగా ఆక్స్‌ఫర్డ్‌ డిక్షనరీ యాప్‌, గూగుల్‌ ట్రాన్స్‌లేట్‌ లాంటి యాప్స్‌ వాడవచ్చు. ఇక వర్డ్‌, ఎక్సెల్‌ షీట్ల కోసం మైక్రోసాఫ్ట్‌ ఆఫీస్‌, ఓన్లీ ఆఫీస్‌ లాంటివి ఉండనే ఉన్నాయి.

Also Read:బ్యాన్ చేసిన 59 చైనా యాప్స్ ఇవే..

Don’t Miss:పాక్ అమ్మాయితో పెళ్లి కోసం ప్రధాని సాయం కోరిన పంజాబ్ యువకుడు



Source link

0 0
Next Post

"Triple Lockdown" In Parts Of Kerala District Reporting 47 Cases In A Day

Kerala reported the first three COVID-19 cases in India – students returing from China’s Wuhan (File) Thiruvananthapuram: Parts of Malappuram – a district in north Kerala – have been placed under “triple lockdown” – a containment strategy first implemented in Kerala’s Kasargod district – to prevent further spread of the […]