AAP candidates list : Delhi Elections: ఆప్ అభ్యర్థుల జాబితా.. 23 కొత్త ముఖాలు, ఆరుగురు కాంగ్రెస్ నుంచి.. – aap releases candidates list for delhi assembly elections, kejriwal give chance to 23 new faces

admin
Read Time44Seconds


ఢిల్లీ ఎన్నికల ప్రచారంలో దూకుడు మీదున్న ఆమ్ ఆద్మీ పార్టీ.. మంగళవారం 70 నియోజకవర్గాలకు అభ్యర్థులను ప్రకటించింది. 23 కొత్త ముఖాలకు టికెట్లు ఇచ్చిన కేజ్రీవాల్.. కాంగ్రెస్ నుంచి తమ పార్టీలో చేరిన ఆరుగురు మాజీ ఎమ్మెల్యేలకు కూడా అవకాశం ఇచ్చారు. 8 మంది మహిళలకు ఆమ్ ఆద్మీ పార్టీ టికెట్లను ఇచ్చింది. 2015లో ఆ పార్టీ ఆరుగురు మహిళలకు టికెట్ ఇచ్చింది. కేజ్రీవాల్ సిట్టింగ్ మంత్రులను ఎవర్నీ పక్కనబెట్టలేదు. లోక్ సభ ఎన్నికల్లో పోటీ చేసి ఓడిన కొందరు నేతలకు ఆ పార్టీ అసెంబ్లీ ఎన్నికల్లో పోటీ చేసే అవకాశం కల్పించింది.


లోక్ సభ ఎన్నికల్లో గంభీర్ చేతిలో ఓడిన ఆతిషితోపాటు ఆ ఎన్నికల్లో బీజేపీ అభ్యర్థుల చేతిలో ఓడిన రాఘవ్ చధా, దిలీప్ పాండే‌లకు కేజ్రీవాల్ అసెంబ్లీ టికెట్ ఇచ్చారు. ఆతిషి కల్కాజీ నియోజకవర్గం నుంచి పోటీ చేయనున్నారు. ఈస్ట్ ఢిల్లీ మున్సిపల్ కార్పొరేషన్ కౌన్సిలర్ కుల్దీప్ కుమార్‌కు కూడా అసెంబ్లీ ఎన్నికల్లో పోటీ చేసే అవకాశం కల్పించారు.

2015 ఎన్నికల్లో చాందినీ చౌక్ నుంచి గెలుపొందిన అలకా లంబా గత ఏడాది కాంగ్రెస్‌లో చేరారు. లంబా స్థానంలో చాందినీ చౌక్ టికెట్‌ను ప్రహ్లాద్ సింగ్ సాహ్నికి ఆప్ కేటాయించింది. గతంలో కాంగ్రెస్‌లో పని చేసిన సాహ్ని.. 1998, 2003, 2008, 2013 ఎన్నికల్లో చాందినీ చౌక్ నుంచి విజయం సాధించారు. 2015 ఎన్నికల్లో లంబా చేతిలో ఓడిన ఆయన.. గత ఏడాది అక్టోబర్లో ఆమ్ ఆద్మీ పార్టీలో చేరారు.

ఐదుసార్లు ఎమ్మెల్యేగా పని చేసిన కాంగ్రెస్ నేత షోయబ్ ఇక్బాల్ జనవరి 10న ఆప్‌లో చేరగా.. ఆయనకు కూడా టికెట్ దక్కడం గమనార్హం. మతియా మహల్‌తోపాటు పొరుగున ఉన్న బల్లిమరన్, చాందినీ చౌక్ నియోజకవర్గాల్లో ఆయనకు పట్టుంది. కేజ్రీవాల్ మరోసారి న్యూ ఢిల్లీ నుంచి బరిలో దిగుతున్నారు.





Source link

0 0
Next Post

jagan sankranti wishes : తెలుగు ప్రజలకు సీఎం జగన్ సంక్రాంతి శుభాకాంక్షలు - ap cm ys jagan wishes telugu people on sankranti

మకర సంక్రాంతి పర్వదినం సందర్భంగా ప్రపంచవ్యాప్తంగా ఉన్న తెలుగువారందరికీ ముఖ్యమంత్రి వైయస్‌ జగన్‌ మోహన్‌ రెడ్డి శుభాకాంక్షలు తెలిపారు. మన సంస్కృతీ సంప్రదాయాలకు, సొంత గ్రామాలమీద మమకారానికి, రైతూ రైతాంగానికి మనమంతా ఇచ్చే గౌరవానికి సంక్రాంతి పండుగ ప్రతీక అని ఆయన అన్నారు. రైతు బాగుంటేనే రాష్ట్రం బాగుంటుందన్న మాటకు కట్టుబడి, దేశ చరిత్రలో ఏ రాష్ట్రంలోనూ కనీవినీ ఎరుగని విధంగా గత ఏడు నెలల్లో… మన రైతన్న సంక్షేమానికి, […]